موضوع جميل والحقيقه انى اتمنى فى يوم من الايام يكون عندى القدره على السفر
السفر جميل جدا تعرف ثقافات واماكن جديده وناس جديده
انا احب السفر للاماكن اللى فيها اثار تاريخيه
Printable View
موضوع جميل والحقيقه انى اتمنى فى يوم من الايام يكون عندى القدره على السفر
السفر جميل جدا تعرف ثقافات واماكن جديده وناس جديده
انا احب السفر للاماكن اللى فيها اثار تاريخيه
اخى الفاضل بالنسبة لتكلفة السفر تفصيليا ، متقلقشي ان شاء الله حعمل عنها حلقة كاملة و بالتفصيل
بس اعذرني ان شاء الله حعملها في ترتيبها الطبيعي في اقرب وقت و حتلاقي كل التفاصيل اللى حضرتك محتاجها
اما بالنسبة المصريين فهم متمركزين في ميلانو فقط و مش في كل ايطاليا
و ده لطبيعة ميلانو الريفية و توفر مزارع العنب و غيرها من الاعمال اللى احنا بنفهم فيها
على عكس اللبنانيين حتلاقيهم في روما المتميزة بالمناطق السياحية
فروما عبارة عن متحف مفتوح و بالتالي يحتاج الى اجادة اللغات الاجنبية المتعددة كالفرنسية و الانجليزية و غيرها
تابع معي اخى الفاضل و كل الخطوات حشرحها تفصيليا بمعونة الله
ان شاء الله الى مزيد من التقدم و السفر و بانتطار تفاصيل اكثر عن الرحله و طريقه استخراج الاوراق و طريقه الحجز فاتقدم لك بالشكر على مشاركتنا فى اخبارك و الى مزيد من التقدم
اطروحة جميلة عن تجربه انت شاركت بها بالفعل فهناك فرق ان تمر بتجربة السفر و تمر بخطواتها بنفسك عن احد يحكيها لك و تتخيلها ف بالتاكيد من قام بتجربة السفر الى الخارج
هو الاجدر فى سرد هذه التجربة حتى يستفاد منها الغير .. ننتظر منك ان تسرد لنا اولى خطواتك فى هذه التجربة بداية من الحصول على التصريح بالسفر و هل قابلك اى تعقيدات روتينية
كذلك هل وجهت لك دعوة من صديق بالخارج و انت لبيتها ام قررت السفر كنوع من السياحة و معرفة بلدان و شعوب و ثقافات جديدة عليك ؟
فى انتظار سرد باقى الرحلة مدعمة بالصور اخى تامر
حتى الان الموضوع شيق ومميز ونتمنى ان تحكى التجربة بتفاصيلها حتى يعرف الجميع الخطوات اللازمة قبل السفر
وبالفعل لقد استفدت من بعض المعلومات التى سردتها فى الموضوع وننتظر باقى الخطوات
شكرا لك أخى الفاضل على اهتمامك و متابعتك
في الحلقة الثانية حتلاقي ازاي اخدت التأشيرة و كل الأوراق المطلوبة للحصول عليها
طبعا اللى سهل حصولي على التأشيرة ورقتين مهمين جدا ذكرتهم من ضمن الأوراق اللى اتقدمت للسفارة
الورقة الأولي هى جواب الدعوة اللى جالي من الجهة المنظمة للمؤتمر اللى شاركت فيه
و الورقة التانية هي الجواب اللى اخدته من وظيفتى بصفتى استاذ جامعي بتفيد بأني مقيد في المركز البحثى
و ان العمل ليس لديه مانع من سفرى ، كان ليهم تأثير السحر في حصولي على التأشيرة
و ده لينك الحلقة الثانية اللى انا كتبتها بالتفصيل
http://forex-arabic.com/showthread.p...9#post10936119
بسم الله الرحمن الرحيماحنا هنا نتكلم عن التخطيط للرحلة ، انا لما اخدت تأشيرة ايطاليا لحضور مؤتمر علمي في مدينه اسمها ( تريستا ) هي مدينة صغيرة ممكن نعتبرها زي الريفي الاوروبي كده ، هي تقع في أقصى شمال ايطاليا ، مكانشي في طيران مباشر من القاهرة ل تريستا ، فكان لازم احجز ترنزيت ، فحجزت طيران على شركة اليطاليا ، القاهرة – روما ثم طيران داخلى روما – تريستا ، كان الترانزيت موجود اكتر من ميعاد و كان ممكن الفرق بين الطيارتين يبقي في حدود ساعتين فقط ، بس انا لما فكرت قلت يبقي حروح ايطاليا و حرجع من غير ما اشوف روما ن و ده لاقيته يبقي كلام مش منطقي.
فحجزت فرق بين الرحلتين حوالي 14 ساعة كاملة ، فالطيارة الأولي غادرت القاهرة و وصلت لروما في تمام الساعه ال 7 صباحا و الطيارة التانية كان ميعادها للمغادرة الساعة ال 9 مساءا ، و طبعا لما وصلت روما الساعة 7 صباحا و خلصت الاجراءات و خرجت من المطار كانت الساعة حوالى 9 صباحا و ان لزاما عليا أـخلص الجولة السياحية و ارجع المطار على الساعة 6 مساءا علشان الطيارة كان ميعادها 9 مساءا ، يعنى كان عندى فرصه للف في روما حوالي 9 ساعات من 9 صباحا ل 6 مساءا ، طبعا الموضوع اللى جاي حشرحلكم بالظبط اتحركت ازاي في روما و لفيت فيها كلها في 9 ساعات فقط.
المهم رجعت المطار في الميعاد و اخدت الطيارة و وصلت ل تيستا
و هي مدينه رائعة حكلم عنها تفصيليا فيما بعد و بالصور
و انا في تريستا و قبل انتهاء البرنامج بتاعي هناك كان عندي لسه يوم فقلت لازم استغله و اروح ( فينيسيا ) المشهورة بالبندقية عند العرب ، و بالأخص انها قريبه من تريستا و بينهم قطار متوفر و المسافه بالقطار في حدو الساعتين ، و فعلا في اليوم قبل الأخير ليا في تريستا ، أخد القطار من تريستا و روحت فيتسيا صباحا و رجعت مساء نفس اليوم ، و طبعا حعمل موضوع خاص ب فينيسيا و بالصور ان شاء الله ، و رجعت ل تريستا و غادرت صباح اليوم التالي ل القاهرة
يبقي بالشكل ده حخصص:
الحلقة الرابعة ل ( روما )
و الحلقة الخامسة ل ( تريستا )
و الحلقة السادسة ل ( فينيسيا )
طبعا دي كانت اول سفرية ليا و السفرية اللى بعدها كنت ل ( باريس ) و طبعا باريس حخصص ليها ان شاء الله الحلقة السابعة
و آخر سفرية ليا كانت ل ( امستردام-هولندا ) و دي حخصص ليها ان شاء الله الحلقة الثامنة
اما بعد كده فحتبقي حلقات جزئية مثلا عن كيفية حجز الفنادق و الطيران بأقل تكلفة ان شاء الله
طبعا انا منتظر استفسارتكم و تواصلكم معي و ان شاء الله نتبادل الآراء المفيدة
مرفق صورتين بتلك الحلقة خاصة ب الندوة العلمية مع بعض الزملاء المشاركين فيها
استودعكم الله للحلقة القادمة
https://f.top4top.net/p_859edisq1.jpg
https://a.top4top.net/p_859o5qvv2.jpg
انا بالفعل تمنيت لو اني اسافر فقط من المتعه التي شعرت بها من القراءه للموضوع فايطاليا من السمع عنها تتمني ان تطير اليها و هو الامر الذي جعل الامر مشوق لنعرف تفاصيل اكثر بخصوص باقي الرحله