كل ما يتعلق بالسفر للسياحة
السلام عليكم و رحمة الله و بركاته
انا معاكم هنا حفتح موضوع عن السياح بالخارج
و حشارككم سفرياتي الى الخارج
انا سافرت للخارج للمشاركة في مؤتمرات عالمية في تخصصي
يعنى منها علم و منها سياحة
و حخصص يوميا جزأ من وقتى علشان اشرح فيه كل التفاصيل النممكنه
بداية من
تجهيز الأوراق للحصول على الفيزا
حجز الطيران و الفنادق
و بعدها نبتدى نكلم عن دوله دوله من اللى زرتها
و اكلم عن اهم الاماكن السياحية فيها
و ححط صور حقيقية انا صورتها بنفسي في تلك الدول
و على راس الدول اللى زرتها كانت ايطاليا
و فيها زرت مدن عديده فطبعا زرت روما و ميلانو و فينيسيا و تريستا
و زرت ايضا فرنسا و عاصمتها باريس
و امستردام عاصمة هولندا
و انا طبعا مع الشرح حبقي سعيد اني اجاوب اي استفسار
من اي عضو في المنتدى و ححاول افيده على أد خبرتى المتواضعة
اسيبكم على خير و ان شاء الله يوميا حعمل رد حشرح فيه جزئية
من الأجزاء اللى انا قلتها و طبعا لو في حاجة نسيتها حضيفها علاطول
و دي صورة من روما انا اللى مصورها للباص السياحى
اللى انا كنت حجزه و هو بيلف روما علشان نزور اهم المعالم السياحيه فيها
شكرا لكم جميعا
https://f.top4top.net/p_857smbbh1.jpg
الحلقة الخامسة ( تريستا )
بسم الله الرحمن الرحيم
الحلقة الخامسة ( تريستا )
انا كنت وقفت معاكم لما رجعت ل مطار روما و أخدت الطيارة ل ( تريستا ) حيث مقر انعقاد المؤتمر العلمي ، نسيت اقولكم ان ميزة حجة الطيارة ترانزيت ان الحقائب الخاصة بيا بيتم نقلها تلقائيا من الطيارة الأولي الى الطيارة الثانية بدون تدخل منى و ده اداني الفرصه انزل اتفسح في روما بدون اي معوقات كالحقائب الا شنطة اليد فقط اللى معايا ، المهم ركبت الطيارة زي ما قلت الساعة ال 9 مساءا و وصلت الطيارة تريستا الساعة 10 و نصف مساءا ، و هنا كانت اول عقبه حقيقية ، علشان لما خلصت الاجراءات كانت الساعه 11 مساءا ، و مطار تريستا خارج المدينه و مفيش مترو يربط بينه و بين المدينه نفسها زي المدن الكبيره كمطار روما مثلا، و آخر باص بيروح للمدينه من المطار ميعاده فات ، و مفيش الا تاكسات خاصة و دي تمنها خيالي ، كفايه اني اقولكم انها تتعدى ال 120 يورو، و بالتالي لقيت نفسي معزول في المطار و و مضطر استني للصبح علشان آخد اول باص يروح للمدينة.
و دي صورة الطريق الى تريستا
https://gulfupload.com/i/00026/ztqqly30kuhe_t.jpg
طبعا نسيت اكلمكم عن الموقع المتميز لمدينة تريستا الساحرة ، ف تريستا مدينة ريفية خلابة ، تقع في شمال شرق إيطاليا قرب الحدود مع سلوفينيا ، تقع على البحر الأدرياتيكي.
و دول صورتين يبينوا الموقع السحر ل تريستا
https://gulfupload.com/i/00026/jtntzcekrtum_t.jpg
https://gulfupload.com/i/00026/suotwe8hflk1_t.jpg
المهم و الحمد لله وصلت ل تريستا و روحت لمقر اقامتى و هو مكان ساحر و الفندق يطل على البحر الأدرياتيكي مباشرة ، و دول صور يبينوا موقع الفندة و المناظر الساحرة
https://gulfupload.com/i/00026/suotwe8hflk1_t.jpg
https://gulfupload.com/i/00026/1n9wrcyowtmr_t.jpg
و الصورة دي من بهو خاص بالفندق بأطلاله تبهر الأعين
https://gulfupload.com/i/00026/mqrevdm6y8ze_t.jpg
و الصورة دي تم تصويرها ليلا لأحد الباني الحكومية في تريست
https://gulfupload.com/i/00026/215ev0x4x38l_t.jpg
و تتميز تريستا بوجود و توفر الأماكن الرائعة الطبيعية حيث الحدائق الرائعة و البحيرات الصافية، و من الأماكن التاريخية التى تتميز بها تريستا قلعة ميراماري و التى بنيت في 1860م و هي قلعة صغيرة جذابة بها حديقة خلابة بمجموعة متنوعة من الأشجار و زادها جمالا وجود بركتين واحدة للبجع وأخرى لازهار اللوتس
و هذه بعض الصور من داخل الحديقة الملحقة بالقلعة
https://gulfupload.com/i/00026/3hdne7mptu8j_t.jpg
https://gulfupload.com/i/00026/jxf2mb1nscf0_t.jpg
https://gulfupload.com/i/00026/dtci3rpflyei_t.jpg
مدينة تريستا بالرغم من انها تخلو من الأماكن المشهورة عالميا الا انها كمدينه تتميز بالجو الساحر و الهواء النظيف ، هي يمكن ان يطلق عليها الريف الأوروبي بما تحتويه الكلمة من كل معاني السحر و الخيال و الجمال في آن واحد
انا ذهبت الى روما و باريس و امستردام و غيرهم من المدن و لكنى اشتاق بالفعل الى تلك المدينة التى لو خيرت لأخترت ان اقضي فيها بقية حياتي ، يكفي ان كل ما يقع عليه عينك فيها ما هو الا معنى للجمال في أبهى صورة.
و الى اللقاء في الحلقة القادمة ( الحلقة السادسة ) اللى حكلمكم فيها عن فينيسا المدينة العائمة ( البندقية ) و أجمل الأماكن فيها مدعوما بصور حقيقية من تصويري
استودعكم الله للحلقة القادمة