التحليل الفنى للازواج التقاطعيه ليوم الخميس 22/3/2018
السلام عليكم ورحمة الله وبركاته
مره تانيه وان شاء الله ربنا ميقطعش عاده هكون معاكم انا النهارده فى موضوعنا اليومى اللى حضراتكم اتعودتوا عليه وان شاء الله لمزيد من النجاح والدقه لكن قبل ما أبدأ لازم اوجه الشكر لكل الناس المحترمين اللى بيكملوا المسيره فى حالة عدم وجودى بتحليلات ممتازه شكرا ليهم جميعا سواء المحترمين اللى معايا من بداية المشوار او المحترمين اللى انضموا مؤخرا
هبدا ان شاء الله مع حضراتكم بتحديث لتحليلنا السابق على زوج الأسترالى كندى
بسم الله الرحمن الرحيم
الزوج الحمدلله قطع مسافه ممنازه جدا فى الهبوط من وقت ما وصينا بالبيع قدرنا نحصد ما يقارب 150 نقطه لحد دلوقتى وحاليا مرتكز بشكل جيد تحت مستوى المقاومه 1.0238 وكنا نبهنا للى فاكر ومتابع اننا بايعين لكن واخدين حذرنا لان الهبوط لم يعتمد بنسبة 100 % وان على الزوج كسر مستوى الدعم 1.0000 والثبات تحته علشان نكون بنتكلم بقلب جامد وفعلا الزوج كسر الدعم 1.0000 لكن مستقرش تحته وحاليا فوقه بعدد نقط بسيط عشان كده هنستمر فى حذرنا لحد ما يستقر تحت الدعم وان شاء الله ينتقل لمستوى الدعم التانى المهم عند 0.9912 وان كنا متطمنين نسبيا لاننا محققين ارباح من الزوج والاهم من كده انه مازال تحت المقاومه 1.0238
https://e.top4top.net/p_810cygkf4.png