فكرة بسيطة لادارة راس مال صغير

[mahmoud552]

هناخد من الحساب ده مثلا 100 دولار طبعا اللي يحب يزود براحته
هنعمل ايه بال 100 دول ؟؟

هنخش بيهم الصفقات المتفق عليها اللي هي قوية و قليلة
طب ازاي ؟؟

بص يا سيدي الصفقات هتبقي بستوب و التارجت ضعف الستوب

و هنخاطر في الصفقة الواحدة ب 10% من ال100 دولار و بالتالي لو كسبنا هنكسب 20% من ال100 دولار

طب تعالوا نفكر

لنفرض مثلا دخلنا النهاردة و خسرنا و دخلنا بكرة و خسرنا و دخلنا بعده و كسبنا و دخلنا بعده و كسبنا
يعني خسرنا 10 ثم خسرنا 10 ثم كسبنا 20 ثم كسبنا 20

المحصلة هتكون مكسب 20

طبعا ده صعب يحصل بس مش مستحيل اللي هو ايه ؟؟

ان احنا بعد ما نتفق و نقرر مع بعض انها صفقات قوية في الاخر تكون نسبة النجاح 50%

المهم ال 20% (( ممكن يجي من اول صفقة و نستريح ))

هو ده تارجتنا الاسبوعي اللي لو حققناه ساعتها نتقل قوي قوي قوي علي السعر و ما نخشش تاني خلال الاسبوع غير لما يتحايل علينا

طيب لو كل اسبوع عملنا 20 % بعد كام اسبوع هيبقي معانا كام ؟؟؟

بعد 13 اسبوع يبقي معاك الف دولار

13 اسبوع يعني 3 شهور و اسبوع و تبقي حققت 10 اضعاف راس مالك ((( ال 100 دولار ))

يعني لو استمرينا كمان بنفس نسبة النجاح في الصفقات

بعد 13 اسبوع كمان ال1000 تبقي 10 الاف

و كمان 13 اسبوع ال 10 الاف تبقي 100 الف


يعني بعد 39 اسبوع يكون ال100 دولار بقوا 100 الف يعني حوالي 10 شهور

وكمان خلو بالكو عشان تصفر الحساب لازم تخسر 10 صفقات ورا بعض

[مصطفي السيد]

السلام عليكم ورحمه الله وبركاته
المهم ان تسير الرياح باتجاهنا وانا اري ان نسبه ال20%
كثير يمكن ان نخفضها الي 10% من راس المال لنكون في امان اكثر

[sob81]

فكرة بسيطة فى ادارة راس المال من الطرق القويةواملهمة التى يجب تعلمها للمتاجر معرفة كيفةي التداول بطريقة تحافظ على راس المال من الخسارة
واختيار اهم الاوقات فى التداول

[phantomnbd]

فكرة جميلة تحتمل الربح

[snnaky]

كلام محترم جدا بس صدقنى الأمور مش بتمشى كدة خالص وممكن تضيع على نفسك فرص كتير او تخسر فرص كتير بالشكل دة ومينفعش تكون فكرتك قثالب جامد يعنى خليك مع الفرصة نعم اعمل ادارة رأس مال حذرة نعم لكن خليك مرن فى اخد البروفت ومتلزمش نفسك بنسبة لأن انت حددت النسبة بناء على اية ؟ لازم تربط النسبة بنقاط مقاومة او دعم والا ممكن جدا الزوج ينزل او يطلع قرب النسبة لكن مش بالضبط وانت مستنى وهو نزل لمستوى دعم او مقاومة ويرتد وكدة تخسر بعد ما كان المكسيب فى ايدك

[muhammdmr]

فكره بسيطه وجيده واؤيدها تماما لان العبره عي مستوي شهور التداول ان تكون نسبه الارباح اعلي من نسبه الخسائر وان لا يتعرض حجم راس المال للمخاطر وبالتالي الاستمرار في عمليه التداول وهذا نجاح في حد ذاته طالما مستمر في السوق وتستغيد من عمليه التداول فهذا انجاز بعيدا عن المجازفه بلوت عالي وارباح خياليه في الصفقه الواحده قد تؤدي الي الخروج من السوق باسرع وقت وتفقد فرصه الاستمرار في السوق بجانب الاسار النفسيه السيئه التي يتاثر بها المتداول حاله الخروج من عمليه التداول