بسم الله الرحمن الرحيم
بداية لازم أعبر عن سعادتى برجوعى ليكم مره تانيه والمره ديه قررت ان شاء الله يكون الموضوع دائم ومتجدد عن الأزواج التقاطعيه او الكروسات وهيتم فيه ان شاء الله تحديث التحليلات باستمرار , مبنهربش من التحليلات اللى بننزلها ايا كانت نتيجتها وان شاء الله الموضوع ده يكون مرجع دائم لكل واحد حابب يستفيد من التحليلات اللى بتنزل وفى نفس الوقت اللى حابب يسأل عن تحليل لزوج معين يتفضل يطلب فى اى كومنت فى الموضوع
وعشان نكون متفقين , ده الموضوع الوحيد من هنا ورايح اللى هيكون خاص بيا , غير مسؤول عن أى تحليلات أو وجهات نظر أو شارتات ممكن تتنقل باسمى فى موضوعات مشابهه والنقطه ديه بالذات من أهم أسباب قرارى ان يكون ليا موضوع واحد بس دائم نظرا للعبث اللى القسم بيشهده من مواضيع أغلبها منقول أو فاشل تحليليا والوقت والزمان شاهد على مين أثرى القسم ومين أفاد الناس وقت ما كان القسم خامل , ومن الممكن ببساطه الرجوع لبداية السنه الحالية ومراجعة مواضيع القسم للتأكد من مين اللى بدأ ومين اللى أفاد بجد
أخيرا الدعوة عامة لجميع المحترمين فقط اللى من الممكن يشاركوا فى الموضوع بتحليلات كويسه يكونوا متحملين نتيجتها من البدايه للنهايه عشان يقدروا يفيدوا غيرهم بجد
المهم هبدأ مع حضراتكم بتحليل لزوج النيوزلندى دولار وهفكر لحضراتكم باخر تحليل ليا على الزوج ده كان السعر تقريبا 0.7141 وكان ده دعم قوى للزوج قولنا انه ان شاء الله هيكسره ويكمل هبوط لزيارة مستويات 0.7040 و 0.6971 و اخيرا 0.6875 والحمدلله الزوج وصل للمحطات ديه بسلام وللتذكير احنا كنا بايعينه قريب جدا من المقاومه 0.7437 تحديدا من سعر 0.7400 , يعنى الحمدلله تم حصد ما يقارب ال 575 نقطه , وده كله مسجل بالأرقام مش بنقول كلام فى الهوا
حاليا الزوج واجه عزم ايجابى دفعه حوالى 120 نقطه من مستوى 0.6850 ولمس خط مقاومه 0.6974 وده كان دعم سابق زى ما حضراتكم فاكرين وهبط منه , حاليا المسار الأصلى للزوج اتغير والطبيعى انه يصعد ويكسر المقاومه 0.6974 كمحطه أولى للصعود نظرا انه قدامه مجموعه كبيره من المقاومات وكل ده بشرط الثبات فوق الدعم 0.6850 وده المتوقع حدوثه بعون الله , ولو حصل وتم كسر الدعم فالصعود هييجى من تحت بعدد نقط بسيط لأن فعليا الهبوط انتهى والزوج بدأ رحلة صعود جديده هتستهدف أولا المقاومه 0.6974 ومن بعدها ان شاء الله هحدد لحضراتكم وجهة الزوج الجايه