بسم الله والصلاة والسلام علي رسول الله
ان شاء الله في الموضوع ده هنحاول مع بعض نحل اي مشكلة توجه الزملاء في تفعيل حساباتهم سواء علي المستوي الاول او التاني او التالت
بفضل الله حسابي مفعل للمستوي 3
وهقولكوا علي المشاكل اللي واجهتني اثناء التفعيل عشان تتخطوها بكل سهولة
نبدء بالمستوي الاول وهو اسهل نقطة في موضوعنا بناخد صورة البطاقة الشخصية (بطاقة الهوية) نعلمها سكانر وش وضهر ونرفعها وننتظر علي الايميل تاكيد تفعيل المستوي الاول وننتقل للمستوي 2
-لم تواجهني مشكلة في تفعيل المستوي الاول
ننتقل للمستوي التاني
في المستوي التاني شوفت الويل :D
وفضلت مدة كبيرة حوالي 5 شهور لغاية مكنت بدأت انسي الموضوع وبدء يوصلني شك انه فيه تعمد من الشركة بعدم التفعيل للمستوي 2 وخصوصا ان ارباحي في الفترة دي كانت معدية ال 300 دولار تقريبا
المهم تجربتي كانت خلال الباسبور رفعت الباسبور وانتظرت الموافقة وكانت اول صدمة ان الاسم اللي انا سجلت بيه مختلف عن الاسم الموجود في الباسبور
طبعا هو نفس الاسم بس الاختلاف في حاجة زي كدة مثلا
mustafa مسجل بيها وفي الباسبور مكتوبة mostafe كانت دي الاختلافات
وكان الحل في ارسال طلب تعديل للإيميل الخاص بالدعم بتاع التفعيلات اللي هو ده
verification@mail.instaforex.com
نص الرسالة بيكون كالتالي
hello
i want to edit my name in my instaforex account number :
وتكتب رقم الحساب بتاعك
بالاضافة الي باسورد الهاتف هتلاقيه موجود في الرسالة اللي اتبعتلك علي الايميل اللي سجلت بيه في موقع الشركة
جمب كلمة phone password
يبقي بعد السطر اللي فوق ده هتكتب phone password : وتكتب الرقم اللي موجود جمبها في الايميل
مجمل الرسالة هيكون بالشكل ده
hello
iwant to edit my name in my instaforex account : رقم حسابك
phone password : باسورد التليفون اللي هتلاقيه في رسالة التسجيل اللي وصلتك وقت تسجيلك في الموقع
طبعا هنبعت الاسم اللي عايزين نعدله هننسخ الاسم اللي في الباسبور بحيث ان الاسمين يكونوا متطابقين تماما عشان ميقولكش ان في مشكلة في الاسم
بعد مطلعت من مشكلة الاسم واتعدلت علي خير وردوا عليا بتوع الدعم وقالولي انه تم تعديل الاسم
رفعت الباسبور من جديد وتم رفضه مرة أخري والمرة دي كانت بسبب العنوان وهنا بقي شوفت العذاب لمدة حوالي 3 شهور
المرة دي هنقدر نعدل بيانات العنوان بنفسنا من غير مراسلة الدعم من خلال البيانات الشخصية
ثم تعديل البيانات الشخصية
بالنسبالي كانت عندي مشكلتين الاولي في رقم البريد بتاع محافظتي كان فيه رقم غلط
بالاضافة الي اسم المكان اللي ساكن فيه
طبعا الدولة ده بنسبة 100% محدش هيكتب اسم دولته غلط
المحافظة هتكتبها زي اللي مكتوبة في الباسبور بنفس الحروف الصغيرة والكبيرة
نيجي للنقطة اللي كانت فيها المشكلة التانية عندي اسم الشارع
كتبته بكل الطرق الممكنة بالانجليزي وكل مرة كان بيترفض
وكان الحل بسيط جدا وهو من خلال مراسلة دعم الموقع من خلال الايقونة دي
ودي هتلاقيها فوق علي اليمين
هيفتح معاك صفحة زي دي
بعد كدة بتكتبله
hello
i have a problem in activating my account to level 2
بمعني انك عندك مشكلة في تفعيل الحساب للمستوي 2
هيطلب من رقم الحساب والفون باسورد الي شرحناه ازاي تجيبه من شوية
هتكتبله الرقم وبعده الفون باسورد
وهتكون رافع صوة الباسبور علي اي موقع رفع وتبعتله الرابط بتاعها
وتقوله الكلام ده
i want to know what i should write here
state:
city:
street:
zipcode:
because i tried every thing but every time the passport not approved
ومعني الكلام ده انك بتطلب منه يساعدك تكتب ايه بالظبط في الخانات بتاع تعديل العنوان اللي شرحتلك ازاي توصلها فوق
هيسيبك شوية متزهقش وتقفل الشات وهيرجع يقولك تكتب ايه في الاماكن دي
بالمناسبة في احتمالية انه يرفض او ميعرفش يساعدك حسب صلاحياته فانت هتفضل تحاول لغاية متوصل لواحد باسم للاسف مش فاكره
بس المهم مبيكونش اسمه support manager لا التاني تقريبا مدير او رتبة أعلي وبيظهر اسمه عادي ده اول ميرد عليك ركز جدا معاه لان ده هو اللي هيحللك الموضوع ان شاء الله
دي كانت تجربتي المريرة في تفعيل حسابي للمستوي التاني بعد تعب حوالي 5 شهور وبفضل الله قدرت اسحب ارباحي من غير اي مشاكل
بخصوص التفعيل للمستوي 3 ده اسهل منه مافيش
بتجيب كاميرا موبايل جودتها حلوة
وتتصور سيلفي مع بطاقة الهوية بحيث يكون وشك وملامحك واضحين + البيانات اللي في البطاقة ظاهرة وممكن اي حد يقراها
وبكدة نكون خلصنا موضوعنا علي خير
اي استفسار أكيد مش هتاخر في حدود علمي وتجربتي
متبخلوش عليا بالشكر .. وجزاكم الله خيرا