السلام عليكم
هوضح كل حاجة بالدليل و بالاسكرينات
من فترة كدة كان فيه عضو او عضوة اسمها nagham
نزلت موضوع ف الدعم ان حساب انستا بتاعها اتقفل و كانت عايزة تفكه من المنتدى
بس هى راحت عملت اى بقا فتحت حساب جديد باسم anhar
و نقلت تقريبا كل مشاركات نغم لحساب انهار فى اقل من يومين بالنسخ و اللى وصلتله ان جزء كبير من الحسابات اللى بتنسخ الفترة الاخيرة تابعة لشخص واحد و هى صاحبة حساب نغم او ممكن يكون شغال معاها حد الله اعلم
كل انجازاتها فى الحياة ان هى تفتح حساب منتدى و تاخد اى حساب من الحسابات اللى عندها تنقل منه الردود نسخ و لصق و تعمل تبادل لايكات و تقييمات بينهم
و اخرهم الحساب اللى تحت ده اللى لسه مفتوح من يومين و كل ردوده نسخ من حساباتها اسمه justforex
الظاهر لما انا فضحت النسخ بتاعها امبارح و بعت للمشرفين فى كل حتة هى اتوقعت ان حساب و لا اتنين من المجموعات اللى هى مشغلاها ممكن يتقفلو بعد ما المشرف يتاكد
راحت فاتحة الحساب ده بتاع جست فوركس و بنفس الطريقة المحفوظة تشوف اى حساب من الحسابات بتاعتها و تدخل تنسخ منه و تنزل ردود
قالتلك اهو لو حاجة اتقفلت يبقى ده موجود احتياطى
او ممكن تكون هى كل فترة بتفتحلها 5 و لا 10 حسابات جديدة تشغلهم مع القديم الله اعلم
المحير هى بتجيب حسابات انستا دى كلها منين عشان تربطها بالمنتدى حاليا مينفعش حسابين انستا بنفس الاسم يكونو مربوطين و لو حصل المفروض بيتقفلو عند طلب السحب و المراجعة ازاى هى مشغلة الحسابات دى كلها و بتستلم عليها بونص و بتفتحها على منصات التداول و بتسحب عادى كدة
بالدليل كل الحسابات دى تابعة ليها و بتاعتها و كلها نسخ من بعضها
anhar
Magnam
BM2020
barby2028
khufu
fola
eyadtarek
ranaadel
mohamedzakaria
Zainabafa5
halamostafa
Blue_Landing
justforex371
و ممكن يكون فيه اكتر منهم بكتير بس دول كل اللى جه قدامى و قدرت اعرفه
يا استاذ اسمارت يا استاذ فوركس مصر يا اى حد مسئول فى المنتدى اللى بيحصل ده ميرضيش ربنا
واحد او واحدة الله اعلم لا عندها اخلاق و لا دين و لا ادب و تقبل تاكل الحرام عادى و كل انجازاتها فى الحياة انها تعمل حسابات منتدى تنسخ بينهم و تعمل تبادل لايكات على الردود المنسوخة
و تسرق مجهود باقى الاعضاء اللى شغالة
انا بطالب المشرفين ان يتم تبنيد جميع الحسابات دى و حذف مشاركاتهم نهائيا من المنتدى و يكون فيه رقابة اكتر من كدة
لان حرام ناس تكون شغالة و تاخد سنتات و تيجى ناس زى دى بلغ بيها الطمع و انعدام الضمير فى ظاهرة غير مسبوقة من التحايل و الغش يشهدها المنتدى و تاخد بونص كويس
برجاء التدخل العاجل من الادارة و برجاء من جميع الاعضاء لما يشوف اى حساب من الحسابات اللى فوق دى او حسابات مشابهة ليها ميتفاعلش معاها و يعمل ابلاغ عشان نقدر نقضى على الظاهرة البشعة دى
الاسكرينات للتوضيحح