عاوز حقي !!!!!

[محمد السيد محمد]

السلام عليكم ورحمة الله وبركاته ..
اساتذتي الكرام اعضاء ادارة المنتدي .. والمشرفين عليه
اخواني .. اعضاء هذا المنتدي الكريم .. اولا احب ان اقول اولا اني بحبكم والله العظيم من كل قلبي واحمل لكم كل تقدير من اول الاستاذ احمد مختار دودوفيدو.. الاستاذ مجدي .. الدمنهوري .. ايمن شوشة البروفوسير.. حتى الاستاذ smart اللي عملي مخالفة انا والله ما اعرف عملها ليه
بس انا مسامحه وربنا يسامحه عشان بس ليلة القدر ما تفوتش على .. المهم الموضوع اللي هتكلم فيه دلوقتي موضوع مهم جدا .. وهو يخص علاقتنا بشركة اونستا .. وارجو من السادة قارئي الموضوع مندوبي شركة اونستا ان ينقلوا وجهة نظرنا للشركة بطريقة دبلوماسية .. دا بعد اذن ادارة المنتدى الكريم .. احنا مش عاوزين حد يزعل مننا .. انا شايف ان العقد اللي بيربط بيننا وبين شركة اونستا فيه بعض الشروط التعسفية من جانب الشركة المحترمة .. زي ايه:
1 - انهم بياخذو اسبريد 3 نقط كاملة ثابتة في كل صفقة على زوج الدولار فيه احد عملتيه .. وده كتير ولاسيما واغلبنا نعمل في صفقات صغيرة وقد لايدرك السعر في الصفقة هذه الـ 3 نقاط اصلا ..
و تعلمون حضراتكم ان شركات كثيرة اخري منافسة بتنزل بهذا الاسبريد على هذه الازواج الى 1.5 نقطة ويمكن اقل احيانا .. وانا مش طماع احنا عاوزين الاسبريد 2 نقطة فقط يعني ينزلوا نقطة واحدة .. اعتقد كده معقول لنا ولهم .. اللي موافق على هذا الطلب من الاخوة قارئي هذا الاقتراح يرد بنعم في الرد بتاعه عشان اخونا المندوبين يشوفوه وينقلو الاقتراح للشركة ..وياريت المندوبين يقنعوهم بوجهة نظرنا لان ده هيشجعنا على الدخول في الصفقات اكتر وارباح الشركة هتكون اكتر .. ده الموضوع الاول تابع معي


---------- Post added at 01:30 AM ---------- Previous post was at 01:28 AM ----------

2 - فرضت اونستا ان مايكونش لنا من الارباح في الاخبار الا ما يعادل 10% فقط من الرصيد المبدئي .. طيب ده يرضي ربنا؟؟ عشان كده انا باطلب رفع رفع هذه النسبة مش الى 50% حاشا وكلا .. كفاية 25% يعني بحبوها شوية عشان حتى نعرف نحوش ونسد ديون مصر
ارجو اللي موافق على كلامي ان يرد بنعم .. واظن الاخوة المندوبين ممكن ينوبو عنا في اقناع الشركة ان الربح اللي بنحصل عليه من البونص المفروض كله بتاعنا زي الاتفاق والا هيكون هناك تضارب في بنود الاتفاق واحنا لما بنترك ما يزيد عن 25% بنسيب حقنا لشركتنا حبيبتنا بارادتنا مش غصبا عنا
3 - بخصوص وقت العمل في الاخبار يجب تحديده بدقة .. عشان ما نشتغلش فيل الاخبار بزمان ساعة او نصف ساعة ويدخل علينا وقت الخبر من غير ما ننتبه له يقولو لنا دي صفقتكم كانت وقت الخبر وماتخدوش الا نسبة كذا من ارباحكم لان انتم اشتغلتم وقت الاخبار !!!
لذلك انا باطالب ان الشركة تعطي توضيح وتقول ان وقت الخبر هو مثلا من قبلصدوره بـ 2 دقيقة وحتي يعد صدوره بـ 18 دقية ويكون الاجمالي 20 دقيقة واللي يعقد صفقة بعدها تبقي مش صفقة خبر عشان نعرف راسنا من رجلينا ونعرف نحاسب الشركة على ارباحنا .. والللا انا غلطان
اللي موافق على هذا الطلب يرد بنعم
4 - البونص 10 سنت قليل جدا وبنتعب فيه جامد جدا عشان نحصله .. عشان كده انا باطالب بانه يرفع الى 20 سنت كما كان اولا .. او يفضل 10سنت بس يكون ملك للي عمل البونص مش للشركة ويكون من حق صاحبه انه يتنازل عنه لمن يشاء اويبيعه له وتسهل الشركة نقل هذا البونص من حساب اللي عمله لحساب اللي اشتراه بمجرد ان يتقدم صاحبه بتحويله لحساب المحول اليه .. اللي موافق على طلبي هذا يقول نعم


---------- Post added at 01:47 AM ---------- Previous post was at 01:30 AM ----------

5 - ودي اهم حاجة يا اخوانا انا عاوز الشركة وكذلك ادارة المنتدي وارجو - عدم المؤاخذة - انه قبل ان يوقعوا عقاب على العضو انهم يبعتوا له رسالة واضحة يبينوا له فيها انك ارتكبت مخالفة كذا... وانك يجب ان تصلح ما اخطاته بالطريقة كذا... وانك اذا كررت هذا الخطا فسيوقع عليك عقوبة كذا ...
واذا كرر المخالفة .. يرسل له رسالة واضحة ايضا مبين له فيها مخالفة .. والعقاب الموقع .. ويكون هناك فرصة لهذا المخالف انه يدافع عن نفسه ويصلح موقفه وان افلح يتم العفو عنه .. لانه ممكن يكون بيصرف على اسرة ومعتمد على هذا العمل كمصدر رزق
هتقولوا لي بس الشركة مشترطة عليك ، وكذلك المنتدي انهما من حقهما عمل امور فيها عقاب ليك دون ابداء الاسباب وده يعتبر حق لهم لان انت موقع على كده !!!!
اقول سبحان الله هو انا معترض ياجماعة دا انا باطلب ده تفضلا من هذا المنتدي الطيب اهله .. ومن هذه الشركة المحترمة .. ومعلش بقه .. لان ده فيحفاظ على سمعة المنتدي والشركة .. انتم ما شتفتوش اعضاء كتير بيقولو ان شركة اونستا نصابة .. دي لغت حسابي من غير ماعمل معاها حاجة وشوفو حسابي فيه كذا وكذا واحنا بنبقى محتارين ياتري العضو ده صادق ياترى بيكذب !!
اللي هيحسم الامر في هذه الحالة مندوبين الشركة هيقولو احنا اتصلنا بالشركة وسالناها عن موضوعه فقالت انا انذرته بعدم ارتكاب المخالفة كذا وهو ارتكبها .. كده تفضل صورة الشركة في نظرنا نقية .. ونفس الامر بالنسبة لادارة المنتدي .. وكلنا نعرف الخطا فنحذر من ارتكابه
انما تقولي انا من حقي ما قولش الاسباب وماتقولهاش فعلا ده مش ظريف .. لانه مش معني ان الشئ من حقك انك لازم تعمله .. ما انا من حقي اتزوج 4 ستات ومش متجوز الا واحدة ومكتفي بيها .. هل عشان انا من حقي اتجوز 4 يبقى لازم اتجوز 4 ؟؟ مين قال كده
عشان كده انا بقول ان صحيح من حق الشركة والمنتدي انهم يعاقبو العضو المخالف بالعقاب المقرر لكن مش مفروض عليهم انهم ما يوضحوش الاسباب
اللي موافق على طلبي يقول نعم .. وبناء عليه .. انا باطالب بالامور الاتية :
1 - ان تخفض الشركة اسبريدها من 3 ثابت على الصفقات على زواج الدولار الى 2 ثابت
2 - ان ترفع نسبة الربح من الاخبار من 10% الى 25% من الرصيد المبدئي
3 - - تحديد وقت العمل اثناء الاخبار لنستطيع تحديد الصفقة الخبرية من خلافها
4 - اما اعدة البونص الي20سنت في الرد او الموضوع مع احتفاظ الشركة بملكيته اوتركه كما
هو 10 سنت مع تمليكه لصاحبه وتمكينه من التصرف فيه على النو المذكور سلفا
5 - انه قبل توقيع عقاب من اي نوع على المخالف من الاعضاء يجب على الشركة .. اذا كانت
هي التي ستوقع العقاب وكذا على ادارة المنتى ان كان هو الذي سيوقعه ان تنبيهه اولا
العضو الى مارتكبه والى ضرورة تصحيح موقفه ..
واذا كرر المخالفة بعد التنبيه يوقع عليه العقوبة مع ارسال رسالة خاصة له توضح له العقوبة وسبب توقيعها وطريقة تصحيح هذه المخالفة وامكان العفو عنه بعد التصحيح .. بس خلاص

[gimli911]

بارك الله فيك اخي العزيز انت فعلا عضو رائع اتمنى ان تطبق هه الفرضيات اضافة الى تحسين خدمت نحو الاعضاء الجدد نحن نعاني من عدم تفعيل العضوية لديا 82 مشاركة ولا استطيع كتابة موضوع

[mod]

السلام عليكم ورحمة الله وبركاته
بارك الله فيك وجعله في ميزان حسناتك ان شاء ألله
بانتظار المزيد منك ...تحيااتي

[walidmax1974]

السلام عليكم ... اخى الكريم اولا حضرتك شخص مهذب جدا بجد و طلبات حضرتك بسيطة و مفيدة لنا جميعا و لكن اتفق مؤقتا حتى مع حضرتك على اخر بندين و هو زيادة البونص
على الردود و المشاركات بعد أذن الادارة طبعا و توضيح لماذا عوقب اى زميل منا
و لكن هذا لا ينفى ان الطبات الاولى مهمة و لكن ممكن نقول واحدة واخدة برضوا و يشكر المنتدى و شركة انستا انها اتاحت لنا بونص مجانية للتداول بها
و شكرا

[lovemoon]

أهلا بك أ/محمد و تحية لك اخي الكريم علي هذا الموضوع
واسمح لي اشارك برأيي
بداية انا كنت مشرف في احد المنتديات الكبيرة جداااا جداااا و هقولك كلام من واقع تجربة و هقول رايي بمنتهي الحيادية
اولا مفيش شركة كلها مميزات من غير عيوب حتي الشركات المنافسة و الكبيرة قد تكون هذه الشركة لها كيان بوجود المنتديات الكبير هذا لا يعني انها ليس عندها عيوب و قد يغفل هذه العيوب الخطيرة الكثير و الكثير من
العملاء و فيه عملا ادركت حجم الشركات الكبيرة و المنافسة عيوبها و مميزاتها
حتي اللي بيقول علي انستا شركة فيها عيوب كتيرة اغلبهم بيكونوا اي بي للشركات اللي مفروض انها كيبرة و بيتسفادوا منها
ثانيا بالنسبة لانستا دي كانت فاتحة خير عليا و انا فيها من قبل ما يكون فيها منتدي بونص مشاركات فيها عيوب اه بس مميزاتها اكتر من عيوبها و مميزاتها تشفع لها بصراحة
انت معترض علي السبريد عالي شوية مقارنة بشركات تانية دا افضل مليون مرة من شركات مشهورة سبريدها قليل جداا بس استاذة في تلاعب الحسابات و كلام كتير جدااا انا مش عايز اطول عليك
ثالثا بالنسبة لقيمة المشاركة انستا حسمت الموقف ومش هتفكر فيها مرتين وهي غير مجبرة علي هذه هذا النوع من المنتديات ابسط شئ هيقولوا لو مش عاجبك نظام المنتدي العربي فيه الأجنبي الموضوع دا اتكلم فيه ناس كتيرة جدااا و قرار انستا ماشي علي الكل واي جدال في هذا الموضوع لا هيقدم ولا ياخر و عشان مش تزعل نفسك او تضيع وقتك شوف الجانب المليان من الكوباية
هتلاقي ان انستا بتقدم فرصة عمل من غير ايداع فرصة شغل بجد فرصة للي عايز يتعلم هي مش فرصة واحدة دي فرص كتيرة اوي اوي اوي

[ahmedf23]

السلام عليكم ورحمة الله وبركاته
هذا هو السوق اخي الفاضل اختر ما يساعدك فقط
كل الشركات تتعمل بمبدأ أفيد و أستفيد
بالتوفيق لك

[elshaer1410]

السلام عليكم ورحمه الله وبركاته
اخي الكريم اعزائي اصحاي كل الردود
لكم من كل التقدير والشكر
فلقد استفد كثير من هذا الموضوع
فهو حقآ في غايه الاهميه ولقد تعلمت منه الكثير فعلآ
لقد وضعت يدك ع بعض العناصر الهامه بالنسبه لي
وارجو ان تتقبل مروري اخي الكريم

[a7med84]

دائما الاسبريد الثابت بيكون ده نظام التعامل بهففى الشركات

نفقاط ثابته واسبريد على والله المسيتعان وبالتوفيق والله يوفقك

[waael sami]

السلام عليكم ... اخى الكريم اولا حضرتك شخص مهذب جدا بجد و طلبات حضرتك بسيطة و مفيدة لنا جميعا و لكن اتفق مؤقتا حتى مع حضرتك على اخر بندين و هو زيادة البونص
على الردود و المشاركات بعد أذن الادارة طبعا و توضيح لماذا عوقب اى زميل منا
و لكن هذا لا ينفى ان الطبات الاولى مهمة و لكن ممكن نقول واحدة واخدة برضوا و يشكر المنتدى

[abokarem]

السلام عليكم
اعتقد انه لن يلتفت الى هذه الطلبات ههههههههه واتمنى فقط ان يكون هناك تحذير قبل اغلاق الحساب وان يكون
الاغلاق اخر شىء وبعيد جدا