تعلّم Csharp

[zied toumi]

بسم الله الرحمن الرحيم
السلام عليكم ورحمة الله وبركاته

إنشاأ الله عيدكم مبروك و كل عام و أنتم بألف خير
أتوجّه إليكم بهذا الرّابط لكلّ من يريد أن يتعلّم #c
http://www.kutub.info/library/book/11488

[ismail1992]

سلام عليكم شكرا أخي العزيز على هدا كتاب المفيد في لغة سي شارب

[salim telecom]

السلام عليكم أخي الكريم شكرا لك اخي الكريم بارك الله فيك كتب جميل و انا كمهندس قد أعجبني
و الله أعلم و الله الموفق

[feres007]

شكرا على الكتاب القيم حقا انه مفيد
وارجو منك ان تضيف كتب اخرى في هدا المجال

[rikisabri]

السلام عليكم ورحمة االه و بركاته مشكور اخي الكريم على هده المعلومات
انل شخصيا استفدت منه فبالتوفيق لك وللجميع.
السلام

[zied toumi]

السلام عليكم ورحمة االه و بركاته, هذا كتاب آخر
http://www.rofof.com/11p8i721/DotNet_2008.html

---------- Post added at 02:10 PM ---------- Previous post was at 01:40 PM ----------

بسم الله الرحمن الرحيم
سأبدأ بإذن الله شرح لغة السى شارب فى إطار الدوت نت
و سيكون الشرح للمبتدئين أو مرجعا للمحترفين بإذن الله
و سأقوم بالشرح على Visual Studio 2005
و طبعا ممكن تستخدم الفيجوال سى شارب 2003 أو 2005
و سأضع الدروس بإذن الله بمعدل درس كل يومين أو درسين فى الأسبوع فى حالة انشغالى

[zied toumi]

نبدأ على بركة الله الدرس الأول و هو طبعا للمبتدئين فقط
كيفية التعامل مع البرنامج

حنفتح برنامج ال Microsoft Visual Studio و ندوس File و New و Project
و بعد كده نختار من القائمة Visual C# اختيار Windows و نختار Windows Application كما بالصورة

[zied toumi]

و طبعا ممكن نغير مسار الملفات بتاعت المشروع عن طريق تغيير ال Location كما بأسفل الصورة
و نضغط أوكى
حيظهرلنا صفحة مقسمة إلى 3 أجزاء رئيسية
الميمنة و هى تحتوى فى أعلاها على ال Solution Explorer و فى أسفلها على الProperties

[zied toumi]

الميسرة و تحتوى على الToolbox


الوسط و يحتوى على البرنامج بتاعنا
و يجب معرفة ال3 حاجات اللى فاتوا دول كويس قبل البدء
فى وسط البرنامج أمامنا Form1 و هى وجهة البرنامج اللى حنصممه و تسمى الفورم Form
و طبعا البرنامج لا يقتصر على فورم واحدة فقط بل يمكن إضافة المزيد عن طريق القائمة Project و Add Windows Form و لكن مش موضوعنا دلوقتى
المهم ...
حنغير الكلام اللى مكتوب فى أعلاها من فورم 1 إلى Dvd4arab و ذلك عن طريق :
نضغط على Form1 كليكة واحدة شمال و فى صندوق الProperties و سبق أن قلت أنه فى أسفل يمين الصفحة
حنلاقى خاصية إسمها Text حنغير الكلام اللى جنبها من Form1 إلى Dvd4arab
و حنلاقى زرار شكله زى زرار الPlay فى أعلى البرنامج كما بالصورة حندوس عليه

[zied toumi]

و ده بمثابة اختبار للبرنامج اللى احنا عملناه أو Debug و حيظهرلنا البرنامج
و الكلام المكتوب أعلاه هو Dvd4arab بدلا من Form1
دلوقتى نقفل الفورم اللى اتفتحتلنا و عايزين نزود زرار فى البرنامج
حنلاقى فى الToolbox تحت قائمة Common Controls اختيار Button ندوس عليه كليكة شمال و نرسمه فى الفورم فى المكان اللى عايزينه
أو ممكن ندوس عليه DoubleClick و حنلاقيه اتحط فى الفورم تلقائيا
طاب دلوقتى عايزين نبدأ فى برمجة لأن كل اللى كنا بنعمله إلى الآن شكليات
البرمجة لازم تكون فى أحداث معينة يعنى مثلا لما أدوس على الزرار يحصل كذا و كذا ...
حنوصل للحتة دى إزاى ؟
حندوس على الزرار اللى إحنا حطيناه ده و اللى اسمه دلوقتى button1 كليكتين شمال
حيظهرلنا صفحة جديدة مكتوب فيها الكلام ده

public partial class Form1 : Form
{
public Form1()
{
InitializeComponent();
}

private void button1_Click(object sender, EventArgs e)
{

}
}

private void button1_Click(object sender, EventArgs e)
و الكلام ده معناه :
Private أى خاص بالحتة دى أو بالModule اللى إحنا فيها و حنشوف الكلام ده فيما بعد
Void يعنى حدث
button1_Click تدل على الحدث اللى حيحدث عنده الكود اللى حنكتبه هنا و هو كليكة شمال على button1
و الكلام الغريب اللى بين القوسين ده هو الParameters-List و فكك منها دلوقتى
طاب دلوقتى إحنا حنكتب كود يخلى الكلام اللى مكتوب على الزرار بتاعنا و هو button1 يتحول إلى مثلا You clicked me
حنكتب فى المكان اللى كان واقف فيه المؤشر بين العلامتين { و } الكود ده

button1.Text = "You clicked me";

---------- Post added at 02:29 PM ---------- Previous post was at 02:23 PM ----------

مع ملاحظة أنه يجب وضع العلامة ; فى آخر كل جزء من الكود
و أن أى نص غير متغير يجب وضعه بين علامتى " " و يسمى String
دلوقتى الزرار اللى إحنا حطيناه ده كان مكتوب عليه button1 و دى خاصية إسمها Text زى بالظبط الخاصية اللى كان اسمها Text اللى غيرنا بها إسم الفورم فيما قبل إلى Dvd4arab
و ده يختلف عن إسم الزرار فلو مثلا إحنا غيرنا الكلام اللى مكتوب على الفورم حيفضل إسمها ثابت و هذا الإسم لا يظهر لمستخدم البرنامج بتاعك و لكن تستخدمه أنت فى الكود فقط
يعنى لما حندوس كليكة شمال على الزرار بتاعنا حيتغير الكلا اللى عليه (Text) إلى You clicked me و لكن إسمه (Name) اللى هو button1 حيفضل ثابت إلا لو غيرته عن طريق الProperties أو عن طريق الكود ب button1.Name
و دلوقتى حنشغل البرنامج عن طريق الزرار اللى شبه Play اللى اتكلمنا عليه من قبل
حيظهرلنا البرنامج و الكلام اللى مكتوب على الزرار button1
حندوس على الزرار ده و حنلاحظ إن الكلام اللى عليه إتغير إلى You clicked me
و ممكن مايكنش باين عندك كل الجملة You clicked me فده ناتج عن إنه الزرار صغير أوى فممكن تكبره عن طريق كليكة شمال عليه و غير أبعاده عن طريق النقاط ال8 اللى حوله
و طبعا إحنا عندنا أعلى الصفحة 2 Tabs إلى الآن :
واحدة اسمها Form1.cs* و الثانية Form1.cs[Design]* و الأولى بتجيبلك صفحة الكود و الثانية صفحة التصميم اليدوى

---------- Post added at 02:30 PM ---------- Previous post was at 02:29 PM ----------

و طبعا فيه حاجات كتير أوى ممكن تغيرها فى الزرار button1 أو الفورم Form1 فممكن مثلا تغير طولها Height أو عرضها Width أو ....
و ده عن طريق إما يدويا فى صندوق الProperties كما غيرنا الText من قبل أو بالكود عن طريق كود شبه اللى احنا عملناه من شوية

فممكن مثلا كل ماندوس على الbutton1 يزيد عرضه بمقدار معين و ذلك عن طريق إننا نكتب تحت الكود بتاع تغيير الText الآتى و لكن قبل إغلاق علامه ال {
نكتب button1 و ده إسم الزرار و ليس الكلام اللى عليه و بعد كده نكتب نقطة . حنلاقى قائمة كبيرة إنفتحتلنا و هى كل الأشياء اللى ممكن نغيرها فى هذا الزر
حنختار من القائمة Width و هو العرض و لو مش لاقيينها نكتب W و حنلاقيها بسهولة و لما تيجى العلامة عليها ندوس Enter و حتتكتب لوحدها و ده مش أكتر من تسهيل بدلا من كتابة كل الكلمة
و ممكن بدلا من Enter تكمل كتابة الكود عادى جدا و تدوس = .... أو أى حاجة إنت عايزها حسب الكود

نرجع لحتة العرض
و إحنا لحد دلوقتى كتبنا button1.Width حنكمل الكلام ده إلى أن يصبح

button1.Width = button1.Width + 20;

---------- Post added at 02:31 PM ---------- Previous post was at 02:30 PM ----------


و برده ماننساش علامة ;
و نشغل البرنامج
حنلاقى كل ما بندوس على الزرار بيزيد عرضه
و ماحدش يفتكر إنه دى زى المعادلات الجبرية يعنى ممكن نضيع اللى فى اليمين مع اللى فى الشمال
و لكن معنى المعادلة دى إنه اللى بعد علامة ال = يتم حسابه و تخزينه فى اللى قبل علامة ال=
و بذلك كل مرة يتم إضافة 20 على button1.Width
و ممكن تكتشفوا بقى فى الخواص الأخرى للأشياء لأن من الدرس اللى جاى إن شاء الله سأبدأ فى شرح البرمجة الحقيقية بلغة السى شارب


نيجى على آخر حتة فى الموضوع بتاعنا و هى كيفية عمل البرنامج .exe علشان نشغله عند أى حد
ممكن نعمل برنامج مكون من فايل واحد .exe و ده لو انت عايز تشغله على جهازك فقط لأنه مش مضمون إنه يشتغل عند الناس التانية
و ده حتلاقيه فى الملف اللى اسمه Bin فى مجلد الشغل بتاعك
فلو كان مثلا المسار اللى انت اخترته فى الأول خالص
C:\Documents and Settings\TheGhostFish\My Documents\Visual Studio 2005\Projects\WindowsApplication1
حيبقى مسار المجلد Bin بتاعك و جواه مجلد Debug أهوه
C:\Documents and Settings\TheGhostFish\My Documents\Visual Studio 2005\Projects\WindowsApplication1\WindowsApplicati on1\bin\Debug
و حتلاقى ملف إسمه WindowsApplication1.exe و هو ده البرنامج بتاعك

أما لو عايز توزع البرنامج بصورة أوسع ممكن تعمله setup.exe زى بتاع البرمج اللى بننزلها كلها
و ده عن طريق تدوس Project فى أعلى البرنامج و تختار آخر خيار و هوWindowsAppliction1 properties حيطلعلك صفحة تضغط فيها على Publish و هو آخر خيار و حتلاقى زرارين فى آخر الصفحة و هما Publish Wizard و Publish Now و هما المسئولين عن العملية دى

و بكده نكون خلصنا الدرس الأول و ياريت المبتدئين يصحصحوا شوية علشان من الدرس اللى جاى بإذن الله حندخل فى التقيل

تم بحمد الله الدرس الأول

---------- Post added at 02:32 PM ---------- Previous post was at 02:31 PM ----------

الدرس الثانى

Using Console

حندوس من قائمة File فى أعلى البرنامج على New ثم Project
و بدل ماختارنا Windows Application حنختار Console Application
حيطلعلنا المرادى كود على طول من غير فورم
فال Console Appliction مش زى أى برنامج
بل كل الشغل اللى فيها عن طريق نافذة زى ال Command Prompt

دلوقتى مؤشر الكتابة واقف تحت جزئية

---------- Post added at 02:33 PM ---------- Previous post was at 02:32 PM ----------

و طبعا بين علامتى { و }
فيه أوامر كتير ممكن نكتبها فى الحتة دى لها علاقة بالConsole
فحنكتب Console و ندوس . و حنلاقى قائمة كبيرة انفتحتلنا
حنختار WriteLine و نكمل الكود علشان يبقى بالمنظر ده

---------- Post added at 02:35 PM ---------- Previous post was at 02:33 PM ----------

هذا هو الكود

static void Main(string[] args)

Console.WriteLine("Welcome to C Sharp");

---------- Post added at 02:36 PM ---------- Previous post was at 02:35 PM ----------


و بعد كده ندوس فى أعلى البرنامج على زر Start Debugging
حنلاقى صفحة سوداء انفتحتلنا و انكتب فيها عبارة Welcome to C Sharp
و بعد كده تتقفل فى ساعتها

فعلشان نلحق نشوف اللى بيحصل يبقى من الأفضل لما نيجى نشغل برامج الConsole بدل ما ندوس Start Debugging ندوس من قائمة Debug فى أعلى البرنامج على الخيار Start Without Debugging
و حنلاقى البرنامج بيطلب مننا ندوس أى زرار قبل ما يتقفل
دلوقتى حنزود على السطر الأول اللى كتبناه سطر جديد بحيث يكون الكود كله

---------- Post added at 02:37 PM ---------- Previous post was at 02:36 PM ----------

"Console.WriteLine("Welcome to C Sharp ) ;
Console.WriteLine("How Are You ? " ) ;