Thread: 
زملائي الأفاضل .. النهاردة انا هكلمكم عن موضوع انا باعتبره من اهم الموضوعات التي يجب ان يعرفها اي تاجر
وهو ترتيب علامات الانعكاس .. الأول نقول المقصود بيه .. علامات الانعكاس هي العلامات اللي انت لما بتشوفها على الشارت تعرف ان الاتجاه هينعكس ..ونقصد بترتيبها يعني نعرف ايه العلامة الأولى اللي لما نشوفها ننتبه ان السعر سينعكس ، والعلامة الثانية يعني العلامة اللي بتيجي بعد العلامة الأولى مباشرة فتؤكد احساسك بان السعر فعلا سينعكس ، ثم العلامة الثالثة التي تؤكد العلامتين السابقتين .. لغاية ما نشوف الانعكاس فعلا متمثل امام عنينا
السؤال الأهم بقه : ايه هو اللي ممكن نستفيده من معرفة ترتيب هذه العلامات
الاجابة : انك ستعرف- اذا كنت في صفقة - متى تحديدا يجب عليك غلق صفقتك على اعلى ربح
وستعرف ايضا اذا لم تكن في صفقة متى بالتحديد ومن اين يمكنك الدخول في صفقة جديدة دخولا آمنا لا تخشى بعده من ضرب الاستوب لوز ..
اظن كده عرفنا ليه الموضوع هام جدا جدا جداااااااااااااااا
طيب عشان ما نطولش عليكم هنخش في الموضوع على طول .. وانا سامع واحد بيسال احنا هنستخدم مؤشرات معينة ؟؟
وانا برد عليه واقول له اطلاقا .. الا لما نضطر، واذا استخدمنا مؤشر مش هايكون من خارج المنصة للتسهيل على الناس ولن نستخدمه الا لتاكيد قراراحنا اصلا وصلنا له .. وعاوز اقول ملحوظة مهمة جدا انا هتكلم عن ترتيب العلامات دي بعد الاتجاه الهابط فقط .. وانت عليك ان تتخيل نفس الأمر بالنسبة للاتجاه الصاعد عشان ما نكررش الكلام .. نبدا بقه ..
العلامة الأولى : ان تنتهي شمعة الاتجاه - غالبا - بذيل ملحوظ .. يعني ايه الكلام ده .. يعني يبقى فيه شمعة هابطة تليها شمعة هابطة تليها شمعة هابطة وهكذا الى ان تاتي شمعة تهبط ثم يرتفع فيها السعر الى اعلى كاشفا عن ذيل ملحوظ .. هتقولي طيب ماهو ممكن تكون الشمعة اللي قبلها لها ذيل مثلها ، واللي قبل قبلها مثلهما على كده انت بقى عاوزني اجلس امام الشارت طول النهار هي الشمعة دي لا هي الشمعة دي وهكذا .. اقولك لا- طول بالك - انت مش هتقعد طول الوقت تراقب ولا حاجة العلامة الثانية هتريحك خالص انا عارف الوقتي ان بيدور في دماغك سؤالين
الأول : هو لازم يحصل الذيل ده في الشمعة اللي موجودة في آخرالاتجاه
الثاني : طيب ايه اللي بيدل عليه هذا الذيل
أجاوبك عن هذه الأسئلة ونكمل العلامات الباقية بالترتيب في الموضوع القادم باذن الله تعالى تحت عنوان تابع ترتيب العلامات الانعكاس .. فالى هناك ...
Subscribe
