اعضاء منتدى فوركس العرب الكرام
كان ليا سؤال واتمنى سعة الصدر من الاعضاء الكرام لانى عارف انى أسألتى كتيـــ ــر
من حوالى اسوبعين قريت فى اعلان وظيفة فى الفوركس وانا لسة مبتدىء وحابب المجال وحاليا بدون عمل
قولت اما اروح اجرب وربنا يكرم ان شاء الله
فروحت ودخلت انترفيو انا واتنين كمان
ال اتش أر عرفنا بنفسة وياعنى اية فوركس ومكنشى فى حد من الاتنين التانين يعرف حاجة عن الفوركس غيرى
وفهمنا ان الشركة بتاعتهم شركة وسيطة لشركة امريكية تانية وان شغلنا كلة عبارة عن ان الشركة الوسيطة دى او المكتب اللى احنا هنشتغل فية هيكون عبارة عن :
انهم هيفتحولنا حساب بأسم الشركة وفية 500 $ واحنا هنتداول بية ولينا تارجت فى الشهر 200 نقطة لازم نحققهم
لو حققنا 50% من التارجت بناخد المرتب كامل (2000 ج) لو حققنا 25% من التارجت بتاخد نص المرتب
وشرط علشان نشتغل ان يتعملنا اختبار والاختبار عبارة عن :
ان يكون ليا حساب حقيقى فى أى شركة ولازم يكون ميتاتريدار 4 وفى خلال اسبوع نحقق ربح 50 نقطة من بعدها بيتم العمل فى المكتب الوسيط دا
فأنا مش فاهم ومحتااار الحوار دا بيبقى نصب وفعلا فى مصر حاجة كدة مع العلم انى لما روحت المكان دا حسيت انة ولا مكتب ولا حاجة
عبارة عن شقة كبيرة وفيها حوالى 5 اجهزة كمبيوتر ولكن الراجل ال أتش أر قالنا ان الناس اللى بتشتغل معاهم وبتوصل لمرحلة خبرة بعد 6 شهور بيشتغلوا من البيت
فياريت قبل مادخل فى الخطوة دىالكل يفيدنى اذا كان الحوار كويس ولا لا لانى مش عارف ومفيش حد من صحابى عندة خبرة فى المجال أسالة مع العلم :
ان الشركة بدينى حساب شخصى أضافى خاص بيا بقيمة 200$ والربح كلة ليا لواحدى
وفى حالة انى عملت خسارة بفلوس الشركة(500$) وكان خسارة غير طبيعية ياعنى فزلكة منى ياعنى غير مبنية على تحليل منطقى بيتم خصم المبلغ المفقود من مرتبى
أســـــــــــــــــــــــ ــــــــ ــــــــف جدا ع الاطالة واتمنى مساعدتكم