السلام عليكم ورحمه الله وبركاته
الاخوه الاعزاء اعضاء وزوار ومشرفي هذا المنتدي العظيم...
اسمحوا لي في البدايه ان اعتذر للاخوه المبتدئين امثالي فانا واحد منهم اذا دخلوا علي هذا الموضوع وفي اعتقادهم انهم سيحصلون علي كلمه السر في عالم الفوركس ..بسبب العنوان الذي اخترته للموضوع....انا لا اعرف السر... ولكني باحث مثلكم عنه واتمني من الاخوه الخبراء والمتمرسين ان يدلونا عليه ...ان كان هناك سر!!!! بالاجابه علي هذه الاسئله
1-انا من اكثر من شهر لاهم لي الا تعلم هذا الشئ المسمي بالفوركس علي الاقل 10 ساعات يوميا اقضيها في قراءه المواضيع في المنتديات الخاصه بالفوركس والتحليل الفني والاستراتيجيات لدرجه اني اتخيل احيانا اني ممكن ادي محاضرات في الدعم والمقاومه والترند صديق المتاجر !! والشموع والمؤشرات ..عندي فكره كبيره عن كل حاجه ...خلاص بقيت فيت!! ....ادخل بقي علي الحساب الديمو واحلل الشارت..وادخل شراء او بيع ....الاقي نفسي خسران
قلت لنفسي ....النت مليان استراتيجيات..قرات وحفظت عشرات الاستراتيجيات ..وجربت بعضها علي الديمو...برضه خسرت
طبعا هتقولوا لي انت مش فاهم صح ...جايز جدا اكون مش فاهم صح ...ولكن لما ارسم مؤشر ..او اضع استراتيجيه علي اي شارت وارجع بالشارت لورا واختبر نفسي واقول هنا فرصه شراء او هنا فرصه بيع ..وتطلع توقعاتي صح ...ارجع لاخر الشارت ..الوقت الحالي يعني واتوقع حسب ماشفت في نفس الشارت ان دي ..مثلا ...فرصه شراء اشتري ..وبرضه اخسر..طبعا مش دايما ساعات ثصدق توقعاتي والسعر يتحرك كما توقعت بس مش عارق اذا كانت صدفه ولا لا
السؤال الذي ارجوا من حضراتكم الاجابه عليه هو...هل للفوركس قوانين ونظام او مقدمات توصل لنتائج بمعني لو اخترت كام مؤشر وكام استراتيجيه ودرستهم كويس جدا جدا ..وقرات كل ما كتب عنهم حتي لو اخد مني سنه كامله وطبقتهم بحذافيرهم هنجح فعلا .....ولا هي مساله حظ ومره تصيب ومره تخيب
بمعني اخر ...لو هي مساله دراسه ومتابعه وصبر علي التعلم نكمل فيها
لو حظ ..اشوف حاجه تانيه اضيع فيها وقتي ومجهودي وفلوسي
ارجو ان يكون المعني من الموضوع وصل لحضراتكم
اشكركم شكرا جزيلا واسف جدا علي ضياع وقتكم