كل ما يتعلق بالسفر للسياحة

[tamermosa]

السلام عليكم و رحمة الله و بركاته
انا معاكم هنا حفتح موضوع عن السياح بالخارج
و حشارككم سفرياتي الى الخارج
انا سافرت للخارج للمشاركة في مؤتمرات عالمية في تخصصي
يعنى منها علم و منها سياحة
و حخصص يوميا جزأ من وقتى علشان اشرح فيه كل التفاصيل النممكنه
بداية من
تجهيز الأوراق للحصول على الفيزا
حجز الطيران و الفنادق
و بعدها نبتدى نكلم عن دوله دوله من اللى زرتها
و اكلم عن اهم الاماكن السياحية فيها
و ححط صور حقيقية انا صورتها بنفسي في تلك الدول
و على راس الدول اللى زرتها كانت ايطاليا
و فيها زرت مدن عديده فطبعا زرت روما و ميلانو و فينيسيا و تريستا
و زرت ايضا فرنسا و عاصمتها باريس
و امستردام عاصمة هولندا
و انا طبعا مع الشرح حبقي سعيد اني اجاوب اي استفسار
من اي عضو في المنتدى و ححاول افيده على أد خبرتى المتواضعة
اسيبكم على خير و ان شاء الله يوميا حعمل رد حشرح فيه جزئية
من الأجزاء اللى انا قلتها و طبعا لو في حاجة نسيتها حضيفها علاطول
و دي صورة من روما انا اللى مصورها للباص السياحى
اللى انا كنت حجزه و هو بيلف روما علشان نزور اهم المعالم السياحيه فيها
شكرا لكم جميعا

[skylol]

ما شاء الله احسن حاجة لما تكون الرحلة سياحة وعلم في نفس الوقت وانا اعتبر ايطاليا من افضل الدولة الاوربية في السياحة

طالما زرت مدينة فينيسيا التي تعتبر من افضل الاماكن السياحية في ايطاليا يا ريت لو تنزل لنا بعض الصور لو صورت

[tamermosa]

ما شاء الله احسن حاجة لما تكون الرحلة سياحة وعلم في نفس الوقت وانا اعتبر ايطاليا من افضل الدولة الاوربية في السياحة

طالما زرت مدينة فينيسيا التي تعتبر من افضل الاماكن السياحية في ايطاليا يا ريت لو تنزل لنا بعض الصور لو صورت

ان شاء الله جنزلك صور كتير في فينيسيا ( البندقية ) بس لما يجي دورها ان شاء الله
علشان انا عايز اكتب هنا كل حاجة عملتها بالترتيب من يوم ما بدأت السفر
و حشرح كل ما يتعلق بالمدن اللى زورتها بالصور مدينه مدينه و بالترتيب ان شاء الله

[capoeira]

بصراحة ايطاليا جميلة اوى بس كلها مصريين بصراحة لازم نروح مكان مختلف انا اظن انهم مش منتشرين فى كل المدن هناك
عايزين مكان يبقى انت المصرى الوحيد انا بصراحة زهقت مصريين عايز اغير شوية اسيبهم هنا اسافر الاقيهم فى وشى برضه
مش معقول يعنى

[ohabaiba]

منتظرين منك اخي تامر شرح تفصيلي لكل هذه النفط فهي مهمه
حيث اغلبنا يستفيد بها فغي سفره وانت تتكلم من البدايه الي الوصول الي الماكن الذي تريد ان تسافرله

[tamermosa]

منتظرين منك اخي تامر شرح تفصيلي لكل هذه النفط فهي مهمه
حيث اغلبنا يستفيد بها فغي سفره وانت تتكلم من البدايه الي الوصول الي الماكن الذي تريد ان تسافرله

ان شاء الله حمشي خطوه خطوه زي ما كتبت من اول تجهيز ورق السفر و شنطة السفر لركوب الطيارة و الرجوع للوطن مرة أخرى

[alym]

السلام عليكم و رحمة الله و بركاته
انا معاكم هنا حفتح موضوع عن السياح بالخارج
و حشارككم سفرياتي الى الخارج
انا سافرت للخارج للمشاركة في مؤتمرات عالمية في تخصصي
يعنى منها علم و منها سياحة
و حخصص يوميا جزأ من وقتى علشان اشرح فيه كل التفاصيل النممكنه
بداية من
تجهيز الأوراق للحصول على الفيزا
حجز الطيران و الفنادق
و بعدها نبتدى نكلم عن دوله دوله من اللى زرتها
و اكلم عن اهم الاماكن السياحية فيها
و ححط صور حقيقية انا صورتها بنفسي في تلك الدول
و على راس الدول اللى زرتها كانت ايطاليا
و فيها زرت مدن عديده فطبعا زرت روما و ميلانو و فينيسيا و تريستا
و زرت ايضا فرنسا و عاصمتها باريس
و امستردام عاصمة هولندا
و انا طبعا مع الشرح حبقي سعيد اني اجاوب اي استفسار
من اي عضو في المنتدى و ححاول افيده على أد خبرتى المتواضعة
اسيبكم على خير و ان شاء الله يوميا حعمل رد حشرح فيه جزئية
من الأجزاء اللى انا قلتها و طبعا لو في حاجة نسيتها حضيفها علاطول
و دي صورة من روما انا اللى مصورها للباص السياحى
اللى انا كنت حجزه و هو بيلف روما علشان نزور اهم المعالم السياحيه فيها
شكرا لكم جميعا

انا عايز اسافر الدول الاوروبية كسياحة ايه الميلغ اللى مطلوب منى بالدولار وايه اول خطوة ممكن اعملها
لما هاجى اسافر لانى فعلا نفسى اسافر سياحة لكن مش عارف المفروض يبقى معايا كام فلوس
علشان السفر

[mirinda]

السلام عليكم .. فانتظارك اكيد باذن الله
والاهم اننا نعرف معلومات زي دي من شخص قام بالتجربه بنفسه من سفر ورحلات وصور فعلا شيء مميز ومشوق

[tamermosa]

بسم الله الرحمن الرحيم
نبتدى بمشيئة الله الجزأ الثاني و هو الجزأ الخاص بالتأشيرةو تجهيز الورق للحصول عليها
و هو حقيقة أرخم جزأ في الموضوع كله ، ححاول اختصر عل أد ما قدر في الجزأ ده علشان هو يفتقد الى المتعه
الموجودة بباقي الأجزاء ان شاء الله ، طبعا انا اول ما جالى ايميل من الجهة العلمية في ايطاليا بالموافقة على حضورى مؤتمر علمي
بدأت أجهز نفسي و اوراقي و كان اول حاجة جهزتها في ملف السفر هو جواب الدعوة من تلك الجهة
طيب في ناس كتير حتقولي طيب احنا ازاي يجيلنا جواب زي ده ، اقولكم اكيد كل واحد له تخصص معين في شغله
هو ممكن يدخل على النت و يدو على ورش العمل workshops او اللقاءات التخصصيه في تلك النقطة meeting
او المؤتمرات اللى تخص شغله و رفع كفاءتها conferences و يحاول يشترك فيها و يدور طبعا على ارخص حاجة فيهم علشان الحاجات دي بتبقى في أكثر الأحيان مكلفة ، طيب ليه الجزأ ده ؟؟؟؟ ما هو احنا ممكن نطنشه، فعلا ممكن ، بس ساعتها حيبقي مطلوب منك حساب بنكي كبير و محترم ، اما حجة السفر لحضور اي تدريب علمي بيكون حجة امام السفارة بتقلل المبلغ المالي المطلوب في حسابك البنكى ، اما لو مسافر لمجرد السياحة فقط فيبقي لازم تيقى أدها و توريلهم حساب بنكى محترم ، متهيألي اتفهمت النقطة دي، ليه حنخاول ندور على اي حاجة علميه في تخصصنا للاشتراك فيها ، نكمل بقى
حنتصل بالسفارة و نحدد ميعاد و دلوقتي بقى تقريبا لكل السفارات مواقع على النت ممكن من خلالها تحديد المواعيد
طبعا الاتصال بيتم قبل السفر بحدود 4 شهور علشان المواعيد بتكون خلال 3 شهور فقط قبل السفر
و بيكون عليها الورق المطلوب منك و هو تقريبا التالي:

1- جواز سفر شخصي مازال ساري المفعول لفترة لا تقل عن 6 شهور
2- 3 او 4 صور شخصيه ( بيختبف المقاس و الشروط على حسب السفارة )
3- جواب الجهة الداعية و هو ايميل الجهة العلمية اللى انت اشتركت فيها
4- حساب بكى ل 6 شهور ( لايتجاوز تاريخ استخراجه عن شهرين من موعد اللقاء )
5-تأمين عن فترة السفر ( من اي شركة تأمين في مصر، لو حتسافر في حدود اسبوعين تقريبا حتدفع في حدود 200 ل 300 جنيه )
6-حجز مبدأي للطيران ذهاب و عودة ( و ده بيكلف في حدود 100 جنية فقط علشان هو مش حجز نهائي )
7- حجز للفنادق خلال مدة السفر ( مواقع على النت كتير بتحجز بحوالى 10% مقدم فقط فورى )
8-جواب من جهة العمل يحدد وظيفتك و مرتبك
لو مش موظف و عندك مشروع تجيب برضه مايثبت من الجهة التابع ليها شغلك الخاص
9- لولم تسافر الى اوروبا من قبل فمطلوب منك شهادة تحركات من مجمع التحرير

تقريبا دي كل الاوراق المطلوبة و سامحوني لو كنت نسيت حاجة
طبعا اهم شئ في السفارة كلها علشان يدولك التأشيره هو ضمان عودتك
بمعنى لو انت موظف حكومي و جبت ورقه بكد فده بيسهل التأشيره الى أقصى حد
طيب لو مش موظف فيبقى لازم تثبت ليهم ارتباطك القوى بالعوده عن طريق مشروع قوي ليك هنا في مصر يضمن عودتك ،
كمشروع تجاري محترم او عيادة او اي شئ يعتبر ليهم انك مرتبط بيه
اما للأسف اكثر حالات الرفض بتكون لما يحسوا بعدم وجود شئ مادى يربط بالعوده فبيخافوا من هروبك و عدم عودتك
طبعا انسوا فيلم احمد حلمي و انك حتكلم عن هوا مصر و ارضها و نيلها و ناسها الطيبين
اللى انت متقدرشي تستغني عنهم و حترجع تاني علشانهم ، ده كلام مايأكلشي عيش معاهم ههههههه
كده ، حنهى الجزأ التاني
و ان شاء الله حبتدى معاكم المرة الجاية رحلتى الاولي للسفر خارج مصر مدعومة بصور حقيقية
و هي رحلة كانت من القاهرة ل روما ل تريستا ل فينيسيا ثم الغودة بنفس الترتيب
انتظرونى في الجزأ الثالث بمشيئة الله

[skylol]

كيف تكالف المعيشة في ايطاليا كم حتكلف رحلة مثلا لمدة اسبوع في ايطاليا سواء السكن والاكل رخيص غالي وهل الاسعار بتختلف في كل مدينة وهل الاختلاف كبير يعني

وهل قابلت عرب كتير في ايطاليا؟