السلام عليكم
بخصوص بونص شهر 6
مبدئيا كدا خلى الموضوع هنا تفكير بصوت عالى
احنا ناس الحمد لله عندنا معلومات وخبرات فى السوق دا حبينا نفيد بيها المنتدى مقابل بونص
هتكلم عن شغلى فاتحداك تجبلى تحليل واحد منسوخ من مكان تانى
نسبه تتعدى ال80% من تحليلاتى صحيحه وبحدث الشارت بالهدف متحقق
هتكلم عن شغل ناس تانيه بجد ممتاز وانا شخصيا برغم خبره سنين فى السوق بستفيد منها
شغل ناس تالته نسخ واضح صريح من مواقع تانيه وردود كلها هرى ملهوش اى فايده
فانا لما اجى اراقب البونص للكام شهر اللى فاتوا ومش بتكلم عن شهر واحد بس
واشوف من عداد البونص كل واحد بيوصله كام بونص وردوده شكلها ايه
فالقى ان اكتر ناس مظلومه هى الناس اللى بتقدم شغل مفيد بجد
وناس تانيه الحقيقه تستحق البونص العالى اللى جالها لان مجهودها واضح
ناس تالته حقيقى متستحقش ربع البونص اللى خدته
يبقى ايه الموضوع بالظبط والبونص دا بيتحسب ازاى ؟؟؟
وايه الحل؟؟
انا زى مقولت فى الاول فعلا عندنا معلومات وحاجات بنفيد بيها الناس
وفعلا فى ناس بنستفيد منها هنا
ايه توزيع البونص اللى مفيهوش اى تكافؤ مع مستوى الردود وفايدتها
وفعلا قفل الناس من المنتدى كله
هنقول رد حلو طويل ..هقولك الناس عامله ردود تتعدى ال5 و6 سطور شرح للشارت وتفاصيله و من دماغها ومن خبرتها فى السوق مش منقول وواخده بونص قليل جدااا
ناس تانيه رد قصير وواخده بونص عالى
هتقولى لايك برده الناس واخده لايك محترم
يبقى فى ايه ؟؟
المفروض انتوا كمشرفين تفهمونا الدنيا ماشيه ازاى ومش كل منسال تقولى نظام
النظام دا لو صح كان هيوصل للناس نفس البونص كل شهر طالما شغالين بنفس الطريقه
لكن انا لما اشتغل بنفس الاسلوب من تحليل ومن عدد تقريبى للردود وشايف برده نسبة اللايك متقاربه
بس اجى وقت البونص مره 10 مره 150 مره 300 مره ارجع ل50
دى كدا ماشيه ازاى ؟؟؟