استراتيجية واحدة في كل مرة

[traading]

يتلخص هذا عادة في عدم وجود الصبر والتوقعات غير الواقعية للأسواق الفوركس.

أيضا العديد من المبتدئين في الفوركس يسعون خلف "الإشباع الفوري" - إنهم يتوقون إلى الشهرة الفورية والثروة بدون أي استثمار حقيقي لوقتهم.

[doaa sary]

اخى الكريم طبيعى ان الصفقه تاخد ساعات او ايام والربح مش هيجى فى نفس اللحظة مينفعش نغير استراتيجية كل صفقه ولا كل يوم الطبيعى اننا بنجرب الاستراتيجية فترة على الحساب التجريبى واذا ارباحها تفوق حجم خسائرها بنشتغل بيها على الحساب الحقيقى
لابد ان نثق فى تحليلانا ونسيب الصفقه توصل للهدف المحدد

[forex_man1]

اه فعلا الكل فاكر ان الفوركس دا عصا موسي السحرية والا خاتم سليمان لما يدعكه يطلع له جني ويقوله شبيك لبيك ويبقى مليونير في اسبوع ما يعرفش ان الفوركس دا علم بحر غويط لازم له دراسة وتجريب ولا ان الفوركس دا استثمار ممكن ينجح وممكن يفشل

[Ahmed Mansour]

دا بالنسبه للمتداول الفاشل اللى فاكر ان اى استراتيجيه هايستخدمها يبقى لازم مع كل صفقه تحقق ارباح ولو صفقه واحده ضربت الاستوب يقول هو ايه اللى حصل للاستراتيجيه هى هاتبداء تخسرنى ولا ايه انا لازم ادور على استراتيجيه تانيه وتبداء رحلته بقا انه يكون كل شغله فى الفوركس هو انه بيدور على استراتيجيات ويطبقها وتخسر ويخسر معاها جزء من رصيده اصبح مابقاش متداول ويشتغل فى السوق بقا بيشتغل انه يدور على استراتيجيات هو حر هايفض طول عمره يدور ويجرب ويخسر ودا مش عيب فى الاستراتيجيات ابدا دا عيب فى تفكيره هوه لازم يعرف ان اى استراتيجيه مهما كانت نجحها واى متداول مهما كان عنده مئات الصفقات الناجحه هتلاقى عنده برضوه صفقات خسرانه ودا شئ طبيعى جدا وبيحصل وهايفضل يحصل

[castoil]

بالطبع ينبغى على المتداول أن يلتزم بإستراتيجية واحدة فى كل مرة يحافظ عليها و يقوم بتطويرها وهذا ما سوف يساعده فى تحقيق أهدافه التى يرغب بها و يصل إليها بأمان مهما تقلب السوق عليه و مهما كان عدد صفقاته الخاسرة فكل استراتيجية من حقها أن تظهر لنا بعض الخسائر أحياناً لكن علينا الصبر عليها فلا يوجد شئ كامل لكن ينبغى أن تكون مميزاتها أكثر من عيوبها و أرباحها أكثر من خسائرها فى الإجمال مما يساعد المتداول فى الوقوف على قدميه من جديد مهما تقلب به السوق و ينبغى أن نعلم أنه كلما طالت مدة بقاء المتداول فى إستراتيجية واحدة كلما زادت أرباحه منها و كلما زاد وعيه بالسوق نتيجة للتركيز و التطوير المستمر بمرور الزمن.