انا مش بفضل مستويات الفيبوناشي في حاجة الا تحديد الاهداف واعتقد ان هي اكبر فايدة منها ده ويمكن بنسبة اقل شوية تقدر تعتمد عليها في الدخول ولكن ده مش موضوعنا دلوقتي , بالنسبة للفيبو المستويات الرئيسية كلها تعتبر اهداف ومناطق ارتكاز قوية تقدر تعتمد عليها وقوى النقطة بيعتمد بالاساس على نقطة دخولك فأقرب مستويين هما احسن نقطتين تقدر تعتمد عليهم في وضع الهدف , طبعا برفض فكرة الاعتماد على اهداف بأرقام ثابتة زي قفل الصفقة على 50 نقطة او 10 نقاط والارقام اللي ملهاش اي اساس اعتمادي ومحطوط بالعشوائية , لكن كرأيي شخصي انا شايف ان مستويات الدعوم والمقاومة خاصة اللي بتعتمد على ارتكاز واحد هي احسن المستويات اللي تعتمد عليها في وضع الاهداف ومع التداول المستمر لقيت ان دي اكتر نقطة بيحترمها السعر وبيتوقف عندها ويمكن الطريقة محتاجة لبعض التفكير في استثمار الفكرة دي لتحديد نقطة دخول.