طبعا من البديهى ان تكون متداول على علم بالسوق ووالمعرفة المتوسطة بأساسيات التداول الفنية لاشك فى هذا والا تبقى جاى تهزر وتقامر مش تشتغل وتتاجر اذن هذة الفرضية منتهية ولاشك
من احد اسباب الخسارة لكتير من الأعضاء هنا او حتى على المستوى الخارجى بشكل عام هو
استخدام حسابات صغيرة ماليا
فى فرق كبير بين انك تنجح فى التداول نظريا وبين انك تحقق ربح مرضى عمليا
يعنى حضرتك بتتعامل مع سوق فى منتهى الخطورة والحساسية للأخبار ومتسارع جدا
وهذا يحدث بالفعل للمتداولين المحترفين لذا يجب عليك أن تكون قادراً على تغطية أية خسائر لديك وسوف يكون ما يزال عليك امتلاك المال في حسابك من أجل الإستمرار بالتداول بما يعنى ان لو حسابك صغير الرغبة فى الربح والتطلع ممكن تخليك عشان تقنع بالربح تزود اللوت فى صفقاتك وبتالى انت تخاطر وهذا امر لايمكن ان تقف امامة لأنة لو معاك حساب ب100 او 200 دولار وعاوز تكون فى الأمان مش ممكن تقنع بأنك تعمل صفقة بحجم 10 سنت يعنى لو حضرتك حققت ربح 20 الى 50 نقطة ربحك يكون 5دولار هذا بأفتراض انك بتحقق نجاح مستمر وهذا غير منطقى وايضا غير مقنع لأن المجهود والتعب واحد سواء كان حسابك 100 دولار او 1000 او 10000 دولار بس الربح بيختلف
وعشان كدة التداول سهل انما تحقيق ربح وعملى ومجدى صعب فيضطر للمغامرة فيخسر حسابة
ودة اللى اغلبنا هنا بيحصل معاة ويضطر ينتظر الشهر الجديد من تانى والبونص الجديد