السلام عليكم
اى اللى بيحصل يا جماعة المنتدى داخل على 3 اسابيع مبيدفعش لا بونص تداول و لا مسابقات سواء اجوبة او مراجعات
و المشكلة الناس شغالة عادى و فيه اللى بينزل 30 و 40 رد يوميا
هى الناس دى مثلا بيتم الدفع ليها و احنا لا ؟
المفروض ان النظام اتغير و بقى اسبوعى و ده من حوالى 4 شهور و اكتر .. يعنى المفروض يتم الدفع اسبوعيا .. قليل كتير بس يتم الدفع .. لكن الوضع كدة غريب و سيئ للغاية
و اخر مرة تم الدفع فيها العداد اتغير عند ناس كتير بقيمة معينة و لم يتم دفعها و انا من الناس دى
طب و اخرتها .. العمل فى المنتدى بيحتاج وقت و متابعة عشان المحتوى يكون كويس .. محتاجين حد يفيدنا نكمل شغل و لا لا
هل المنتدى توقف عن الدفع ؟ طب هل ممكن يتوقف عن الدفع .. بصرف النظر عن العدالة فى التوزيع او الظلم اللى بيحصل او العشوائية او حاجات تانية كتير جدا موجودة و مبتتحلش
بس ابسط حقوقى كعضو شغال انى اعرف هيتم الدفع امتى ؟ و هيتم الدفع اصلا و لا لا
العداد اخر مرة اتغير و موصلش حاجة .. هل كمان اسبوع و لا اتنين هتغيرو العدادات تانى و مفيش حاجة توصل على المنصة بردو
ياريت اى حد عنده نصيحة او معلومة يفيدنا
و ياريت حد من المشرفين يشوف المشكلة و يعبرنا و لو لمرة واحدة