السلام عليكم
طبعا المخاطرة اتكلمنا فيها كتير والمقصود بيها الطمع والجشع والدخول بلوت كبير غير متناسب مع حجم راس المال
مثلا راس المال 100 دولار فا نفتح الصفقه ب5 دولار!! بعد 20نقطة الحساب هيكون 0
لكن لو فتحنا ب 1دولار هتتمرجن بعد 100 نقطة
لو ب20سنت هنخسر بعد 500 نقطة وهكذا دة مفهوم ادارة راس المال انك تحد من طمعك وتختار لوت يناسبك وتحسب الخسارة قبل المكسب
طب اللى عايز يخاطر ! هقولة خاطر مفيش مشكلة
لاكن اشتغل بحسابين سواء بونص وايداع او 2 ايداع لان ممنوع يكون معاك اكتر من حساب بونص بالمنتدى
حساب هتشتغل علية بمخاطرة براحتك ودة للاسف مهما كانت خبرتك هتخسرة لا محالة لان الطمع معروف
الحساب التانى ادخل بااقل لوت يعنى بسنتات ومتطمعش وتعلى لوت على الحسابين سيطر على نفسك
الحصيلة من وجهه نظرى
الحساب اللى فية مخاطرة هيتمرجن
والحساب اللى شغال فية بادارة راس مال هتكسب اة ربح قليل لكن هيكون صامد ويستحمل
ودة يعلمك انك فيما بعد حتى لو اشتغلت بحساب واحد تبعد عن الطمع وتشتغل بادارة راس مال وادارة المخاطر