خواطر فوركساوى

[abo.tali.wtalin]

خواطر فوركساوي

التوتر أثناء المتاجرة
من اهم أسباب الخسارة لاي متداول فوركس واشدها خطورة هو التوتر والضغط النفسي والعصبي الي بتتعرضله وانت قدام الشارت وفاتح صفقاتك وشايفها خسرانه

وده بالتحديد بياخدك تلقائيا للمستوي التاني اشد خطورة وهو التهور

وهو شعور لا ارادي بتلاقي نفسك فاجئه بتلغي عقلك وبتنسي اي حاجه اتعلمتها عن الفوركس

وهديك مثال هتشوف فيه نفسك اوي

خلاص هتتوكل علي الله وهتدخل مجال الفوركس . عملت إيداع ب200 دولار في احدي الشركات . فتحت حساب ونزلت المنصه وخلاص بقيت جاهز لأول تداول لك

وبناءا علي معلوماتك ظبطت تحليلاتك* مع خطتك وعملت حساب لإدارة راس مالك وبسم الله فتح اول* صفقتين بإجمالي مخاطره 5%* يعني 10 دولار من راس مالك* وقسمتهم علي 2 يعني كل صفقه انت حاطط استوب لوز لها بعد 50 نقطه . وانت داخل اساسا بعقود مايكرو يعني النقطه فيها ب10 سنت* وطبعا مظبت الهوامش بتاعتك وكل حاجه زي الفل لدرجت انك فتحت الصفثتين ووضعت أوامر ستوب لوز/ وتيك بروفت
ويا يقفلو علي ربح أو يقفلو علي خساره والخسارة 5% فقط

لغاية هنا وانت زي الفل وماشي صح جدا
اول وتأتي وتالت يوم* وانت ماشي علي المبدء راس مالك كبر وبدل ما هو 200 بقي 400

تعاله بقي وقاااابل
تدخل علي الفيس بوك تتابع شخصيات علي التلجرام والواتس اب تشوف ارباح خياليه ونشوف احجام اغرب من الخيالية والمشكلة أن ممكن يكون من ضمن الحسابات الي انت بتشوف أرباحها راس ماله كان زيك بالضبط وهو 200 دولار بس الراحل ده بيعمل 50 دولار كل يوم ربح . وانت راضي بقليلك لو عملت كل يوم 5 أو 10 دولار بتقول فضل ورزق من ربنا

وفي النقطه دي تحديدا* تحديدا تحديدا وبعيدها اهو كتير فاجئه بتتحول اولا تفكيرك وعقلك بيحصلهم شلل مؤقت . مع* شوية عواطف ودلع من القلب يدخل الطمع والتهور طريقك وتلاقي نفسك داخل بيت الشيطان من اوسع أبوابه وتبدء معركة الوسوسة القهرية

هاجس يقولك ايه يا اخي الي انت بتعمله ده مانت شايف الأرباح ناس بتكسب 50 و 100 دولار في اليوم وانت يا فقير فرحان بال5 دولار جمد قلبك وعلي حجم العقود شوية . طب اقولك النهارده بس

وفعلا بتسمع الكلام وبدل مانت بتدخل بمايكرو لوت . تدخل بميني لوت وتلاقي نفسك سبحان الله عملت ربح فعلا محترم
تعال بقي اقولك والله العظيم ما هتعرف ترجع زي الاول تاني وهقولك ليه في الاخر

دخلت حضرتك بأحجام كبيره والمبني لوت بقي نص لوت استاندر يعني النقطه ب5 دولار ده بعد ما بقي حسابك 500 أو 600 دولار

خد بقي القاضية الي هتقضي عليك وعلي حسابك مهو الطمع قل ما جمع

اكتمل شحن الطمع في نفسك وبقي 100% وبقيت جاهز للتحدي
دخلت حضرتك صفقه تهورية ب لوت استاندر كامل منا قولتك مؤشر الطمع بقي عالي عندك اوي وعايز توصل للالف دولار بقي

بعد ما دخلت الصفقه يا استاذي الفاضل وللاسف عكست عليك وبقيت شايف حسابك بالسالب 50. 80. 100. 200 تعامله بقي وقولي احساسك وانت شايف حسابك مستمر في الخسارة

تبتدئ بقي تفكر
طيب ادخل هيدج
ولا اقفل جزء من العقد
ولا افتح عقد تبريد
ولا اقفل علي الخساره وخلاص
ولا اسيبها وهي وحدها
ويبتدي القلق والتوتر وتأنيب الضمير ويارتني ما دخلت وحرفية يمكن كل دقيقه تفتح تشوف الشارت والصفثه وصلت لفين . والاصعب انك تفضل فاتح المنصه ومراقب الموقف . وتبتدي تقول يارب يارب يارب استغفرك الله العظيم وتفتكر الأذكار بس عشان انت في موقف صعب

في أغلب الحالات بتدخل يا هيدج يا صفقة تبريد وبينتهي بيك المطاف انك تخسر حتي رأس مالك الرئيسي الي هو 200 دولار

أو علي ااقل تقدير بتقفل علي ااقل خساره وبترجه تاني عشان تعوض الخسارة تدخل الدوامة مره تانيه وبرضو بتخسر حسابك

وللاسف الشديد كل ده والخسارة دي انت الوحيد السبب فيها مفيش غيرك . لان ميحدش ضربك علي ايدك تعمل كده ولا حد كان بيتداول معاك انت وحدك فقط سبب خسارتك

تعال بقي اقولك علي النقطه الي قولتلك هقولهالك في الاخر

انت خلاص بقي عليه العوض ومنه العوض فيك في الفوركس لان أي دخول لك في السوق تاني هتبقي داخل عشان تعوض خسارتك الاول وهكذا . الا اذا* الا اذا الا اذا اتعلمت الدرس من مرة واحده

مش عيب انك تغلط وتتعلم من اخطائك
لكن العيب انك تقرر نفس الخطأ هو هو كل مره

البوست القادم باذن الله هيبقي تكمله للبوست ده في حل مشكلة التوتر والطمع والتهور

خواطر فوركساوي هي تجارب شخصية ذاتية