’هه

[محمد السيد محمد]

قلنا ولا يحلى الكلام الا بالصلاة والسلام على نبينا محمد خير
الانام .. نرجع لموضوعنا ان الناس اللي بيصدرو لنا الاستراجيات دول .. لما تخسر صفقتك او يتمرجن حسابك كله وتقعد بقه تحلل ايه سبب خسارتك .. تكتشف بقدرة قادر انك انت اللي غلطان .. ههههه .. غلطان ازاي ياجماعة ؟؟!!! دا انا متاكد من الاتجاه صاعد على الساعة والاربعة واليومي والشهري ومفيش نموذج سعري بينبه على الهبوط ومفيش كسر واحنا تحت مش في قمة السعر .. ومفيش مستويات مقاومة على مدى 1 نقطة قدامي ومفيش تشبع بيعي نبهني له الاستوكاسايك ومفيش دايفرجنس ..
وطالع من منطقة دعم قوية ومع ذلك انعكس وكسرها وكسر المناطق اللي تحتها واتمارجن الحساب .. ليييييه؟؟
ايوة انت برده اللي غلطان مين قالك ما تستعملش استوب لوز ؟؟ طيب وايه المشكلة ما انا مخلي حجم الصفق 0.25% يعني عشان يمرجن الحساب لازم ينزل 400 نقطة كاملة ليه ينزل 407 نقطة هو عند معايا وخلاص ؟؟.. !!!
طبعا الناس اللي خسروني في بلاد بره زمانهم بيضحكوا على الوقتى بس بالانجليزي hahahahaaaaaaaaa
ماشى ياولاد الـ ..............حلال المرة الجاية هاستعمل الاستوب لوز ..
اشتغل تاني ومجرد ان اعقد الصفقة بعد تحليل دقيق .. وانظر لمؤشر السعر اجده وقف بيبص علي ... اقوله ههههههه فاكر يامعلم مش ناسي
هحط الاستوب لوز يقولي شاطر انا مبسوط منك .. وساعة ما احط الاستوب لوز يبقي عامل زي الكلب اللي حطيت له عظمة .. ينزل مخصوص يضرب الاستوب لوز .. اشد الاستوب للخلف وهو وراه أشده وهو وراه .. وفي الاخر استسلم واقول يمكن يتكسف على دمه ويسيبه المرة دي ابدا.. ييجي يضربه وبعدين يقف ويبص لي .. ويقولي مش قلت ماتحاولش هجيبك يعني هجيبك .. ووالله ما يمشى اكتر من كده نقطة ويروح راجع تاني .. بابن الـ ...........حلال
انا غلطان اني سمعت كلام اللي قالولي استعمل الاستوب لوز .. انا عندي خطة تانية انا لما يعكس معايا السعر هعمل صفقة عكسية ومش ممكن هخسر تاني ابدا ..هو انت مفكرني هاستسلم
حللت .. وصغرت حجم الصفقة قوي .. وعلقت على صفقة عكسية .. طبعا هو مش واخد باله من الكمين اللي انا عاملهو له وبيرجع بظهره راح واقع في الصفقة العكسية راح باصص لي وضحك قويييييييييييي بس بالانجليزي برده....
وراح طالع منها ومشى بالعرض لا هو طلع للشراء ولا البيع .. طيب اعمله ايه ده اعمله صفقة بالجنب ازاى اقول استني ياولا .. يمكن يطلع او ينزل .. انتظر على كده قد ايه كثير .. ايوه المدة التي تكفيني نفسيا ان ازهق واقرر ترك الفوركس .. الله استنو استنو ده بدا يتحرك دا نزل ايوة كده ياراجل انت شككتني في نفسي ..دا انا ظنيت انهم قفلوا السوق يااااه دا جاب 100 نقطة ووقف ... الله يكون عاوز ترجع ؟؟ طيب لو قفلت عشان آخد الـ 100 نقطة ما هو انا مش ضامن انه يرجع ولو ما اخدتهمش يبقي انا كنت مستني كل ده على الفاضي .. اقولك آخد الـ 100 نقطة وهو باين اهه عامل تشبع بيعي في الاستوكاستيك وعلى طرف قناة البولينجر يعني راجع راجع .. يروح راجع فعلا شوية بسرعة .. ايوة شفتم بقه .. انا واد كده خبير ياعم .. اقفل بقه .. واراقبه وهو بيرجع ان شاء الله 50 نقطة والا حتى 20 كويسن برده
وبعد ماقفل بالظبط .. يروح جاري ناحية اللي قفلتها .. الله يخربيتك .. اقف طب استني .. ولا هو هنا .. ومايسيب الحساب الا ما يمرجنه ... لالالالالالا .. الموضوع ده مش طبيعي دي مش تصرفات جماد دي تصرفات حد عاقل قوي وقاصدني .. ياتري في الشاشة .. والا في الهارد .. لالا ده في برنامج الميتادريدر نفسه .. فاصل ونعود ..

[memoxmax]

السلام عليكم ورحمه الله وبركاته
اولا انا بشكر جميع القاثمين على هذا المنتدى الممتاز واشكر جميع اعضاء المنتدى الكرام على تفاعلهم البناء
واشكر صاحب الموضوع على معلماته القيمة واتمنى لك التوفيق ئيبلاشللا

[saro123]

انا اعتقد ان نجاح الاستراتيجة يتوقف على من يقوم بتطبيقها لابد ان يكون لدية مهارة فيها وبالتالى هنا ياتى دور التدريب الجيد
عليها قبل استخدامها على الحساب الحقيقى

[منى الجندى]

حضرتك مصاب باحباط لا اشكك بكلامك ابدا السوق فعلا غدار حتى اكثر المحترفين يقولون ذلك
عموما ان كنت تعرضت لمرجنة انصحك بانك تبتعد حتى تستعيد بعض الافكار الايجابيه لو دى قصتك ا مشكلتك
ياريت تطرحها كنت كيف تتعامل يمكن يكون هناك خطا لم تدركه او صواب تحخذرنا منه

[haffoudhi]

والله انت بتحكي قصتي كانك كنت معي في كل مرة اتمرجن فيها والله احيانا اقوم بصفقه بيع واخرى شراء على نفس الزوج فياخذ الاسبريد من الاثنين ويخلي النتيجه سالبه في الحالتين ويبقي يتفرج علي ويضحك ساخرا ابن الحلال

[samozein]

السلام عليكم ورحمه الله وبركاته
بالنسبه لموضوع الاستراتيجيه فهي تعتمد على السوق هو من يقوم بتغييرها
والسلام عليكم ورحمه الله وبركاته

[a7med84]

الخساره للتعلم اخى الكريم شكرا لك عىل عرض الموضوع بشكل جميل

واهميه الاستوبلوز ولكن الاهم هو مكان الاستوب لوز لا يحدد عشوائيا مهم جداةتحخديد مكان الاستوب بشكل دقيق

[rojan22]

السلام علیکم،
و انا اسألکم لماذا حسابکم بیتمرجن؟
طیب لماذا یکون مجال للتمرجن؟
یا جماعه و نحن فی البدایه من الافضل ان نعمل صفقات قصیرة المدی،
و نرضی بقلیل من الربح و قلیل الخساره،
بالتوفیق للجمیع

[ahmedibrahim258259]

السلام عليكم ورحمة الله وبركاته ههههههههه والله موضوعاتك شيقة جدا اخي الكريم وان شاء الله منتظرين منك الكثير
تقبل مروري

[INTHENAMEOFALLA]

ممكن يكون عندك حق فى هذا الكلام وعموماً المكسب والخسارة على الجميع وكل شىء غير مضمون فى النهاية ومن اراد ان يدخل الى عالم الفوركس يتحمل تذبذبه وعدم استقراره