.
كتير مننا بيفتح صفقات وبيبقى مش عارف ينام . و ده عن تجربه شخصيه . ولما تنام بتلاقي الشموع جايه تتراقص في احلامك ؟ ( يووووه كتيييير )
انا كـ big.pharaoh .كنت بكون فاتح صفقه سواء بيع أو شراء . ابقى قاعد طول اليوم قدام الشارت بتابع الصفقه , وهوب يكبس عليا النوم
مضطر انام مش كده؟ اكيد لازم انام . ماهو قلة النوم دي هتبوظ تفكيري مش هعرف افكر ولا هعرف احلل بطريقه صحيحه ( ماهو لو انا مش عارف افكر ) مش هعرف أخرج من الصفقه امتى !
الفوركس بيعتمد على اكتر من عامل للنجاح ( أهمهم انك تعرف هتدخل أمتى الصفقه ,, وأمتى هتخرج منها ) مهم جدا على فكره اني اعرف هخرج امتى من الصفقه .
لو عرفت هتدخل امتى وهتخرج امتى من صفقتك , يبقى انت كده بقيت معلـــم .
طيب برضو لسه محلناش المشكله بتاعت ( الأحلام ) , واني بشوف نفسي صحيت من النوم وروحت اقفل صفقتي او السعر هبط ووصل للهدف
( على فكره كتير حصلت معايا , أحلم ان السعر هبط أصحى الاقيه هبط فعلا ) ياريت أحلم بكل صفقه
بس الكلام دا كان زمان !!
اه دي حقيقه انا كنت بعاني من الموضوع دا زمان .. دلوقتي تقريبا شبه عندي تحكم بأعصابي وقلقي تجاه السوق ( مش هقدر اقول تحكم كامل ) ولكن على الاقل تحكم بنسبة 75%
طيب عشان تحل الموضوع ده تعمل ايه ؟
1- وضع وقف الخساره , وأخذ الربح
2- إدارة رأس مال صارمه ( متدخلش بلوت كبير )
3- عدم الدخول في أكثر من زوج عملات
اتمنى ان كل واحد بيحلم بالشموع , , كل واحد بيحاول ينام ويسيب صفقته ومش عارف ,, كل واحد بيخاف يفتح صفقه عشان هيعاني من حرقة الاعصاب دي .
أرجوك أتبع النصايح اللي فوق دي