للناس المبتدئة بمجال الفوركس اسمع منى الاتى :
١- الفوركس سوق تجارة عملة ومعادن و اسهم وحاجات كتير ... كله حرام ما عادا العملات الحقيقة والاسهم ... و مش هشرح حلال ليه وحرام ليه..
٢- لو عايز تتعلم فوركس دور على جوجل واليوتيوب... بلاش تسال حد ..دور بنفسك و ابحث عن الشموع اليابانيه راح تفهم كويس.
٣- مكسب الفوركس هو توقعك لاتجاه السعر ان كان صاعد او هابط... وتقدر تشتغل بحساب وهمى لغاية ١٠٠سنة ادام.
٤- احسن شركات برشحها شركه انستا ابدا بالبونص الي هتحصل عليه من المنتدي وابدا تتداول
باقى ما باقي ميزاتهم اقل حتى لو ليهم سنين فى السوق.
٥- الفوركس ١٠٪ شراء و ١٠٪ بيع و ٨٠٪ صبررررررر.
٦- من الناحية النفسية ولتجنب الضغط العصبى للشغلانة دى ... اياك تشتغل بفلوس مستلفها بل اعمل حسابك انك نازل تشتغل بيهم علشان اصلا تخسر .... وهنا بس راح تكسب وعن تجربة.
٧- اسحب ارباحك اول باول لغاية ما ترجع راسمالك وعليه شوية زيادة. وبعد كدة سيب الفلوس تكبر ....
٨ - نيجي بقي للطمع ودى لعنة سودا على الكل بيقع فيها ... و مطبتها فى الاتى
المضاربة فى الذهب وهى اصلا محرمة.
حد باكستانى او هندى او افريقي يوعدك بمضاعفة راسمالك و له النص... كدة انت لبست مع نصاب وانت اللى غلطان او انت اللى جحش.
او تفتكر انك لما تدخل ب٣٠٠$ او ٥٠٠$ راح تكسب حلو..... لا يا حلو انت .... ال٣٠٠ لحد ال٥٠٠$ راح تخسرهم
اما لو انت صاحب اعصاب و طول بال فتشتغل اقل واجب ٣ شهور عقبال ما تضاعف ال٥٠٠ وتبقي ١٠٠٠$ و ده لما تشتغل على زوج واحد وتكسب ملاليم كل يوم... ففيك مخ للكلام ده ؟!!!!
...
اعمل مثلى برب ربنا يوفقك... جمع مع اصحابك كل واحد ولو ١٠٠$ و خلى بيدك ١٠٠٠$ و اشتغل بصبر عليها... وبحكمة و اسحب او باول .... بكرة وبعده هتمسك مبلغ...بس بقولها لك من دلوقتى .... هتتعب جدا ... لان الفقر مش عايزك تتطلع بسهولة من تحت يده... واقوى سلاح هيبهدلك بيه هو الطمع ....
٩- اخيرا ...لو هتخلى غيرك يشتغل بفلوسك... يبقي يديك حساب مشاهدة حقيقي وباسمه و شغال بيه مش اقل من شهرين... وتقعد تراجع مكسب كل يوم
و تشوف لمدة شهر اسلوب شغله و بيخاطر ازاى ...
ان لم يعطيك حساب باسمه او اداك اى اى عذر... يبقي بالجزمة و ترزعها على قفا امه علشان ده نصاب...لكن ان رضيت وسلمت له و تنازلت عن النقطة المهمة دى.. فخد الجزمة اطبخها وكلها بالف هنا وشفا على قلبك ...
و تحياتى لكم
١٠ - نسيت صحيح حاجة مهمة .... سيبكم من قنوات التوصيات بس جربها على حساب تجريبي علشان تتاكد انها تمام و هتكسب من وراها و فى كتير جدا منها مجانى