الكل متفق ان المنتدى حالته دلوقتي مابقتش زي زمان والمشاركات بقت اغلبها مخالف بشكل مبالغ فيه
ومحدش يقدر ينكر ده بدليل الاعضاء المتفاعلة في القسم عارفة هي كام مرة كتبت مشاركة مضمونها ان الموضوع مكانه غلط او مخالف او مكرر
للاسف مش هنقدر نسيطر على الموقف لان اغلب المخالفين من الاعضاء الجدد وحتى لما بننصحهم يصلحوا الموضوع طب هنعمل ايه في اللي حصل والمواضيع الكتيرة اللي ملت القسم
زمان كان فيه تفاعل كبير بين الادارة وكان فيه اكتر من مراقب على الاقسام من بينهم كان سمارت واكتر من شخص بالاضافة للمدير فوركس مصر وناس تانية معاه دلوقتي مش بنشوف الا سمارت وفوركس مصر بس واخر اسبوعين كان فيه انقطاع عن المنتدى ما بينهم لدرجة ان القسم انفجر بمواضيع مخالفة ولدرجة كمان اني فتحت القسم في ساعة لقيت 15 موضوع مخالف في القسم ملهمش علاقة بيه وكلهم من شخص واحد !!!!!!!
, زمان لما كان حد بيخالف حسابه كان بيتوقف دلوقتي مابيحصلش حاجة والمنتدى الاستفادة منه قلت من بين المواضيع الكتير المخالفة اللي بتتصدرده غير المشاركات اللي بتتنسخ والمشاركات المريبة اللي في خلال دقيقة او اتنين بتكون عليها اعجاب رغم ان وقت نزولها بيكون التفاعل قليل في المنتدى
للاسف انا شخص متضرر من كل المخالفات والاحتيالات اللي بتحصل بسبب ان ناس بتخالف بقت بتاخد اكتر مني بكتير وبقى فيه علامات استفهام كتير قصاد توزيع البونص والمسابقة واللي بيحصل
انتظرت اكتر من 4 شهور عشان استنى الوضع انه يتحسن وللاسف كل مرة بيجلي بونص اقل من 100 دولار وبكتير رغم اني من الاعضاء القديمة بالمنتدى وبتفاعل بشكل يومي بتحليلات واجابات سليمة بتوفي كل شروط المنتدى والقسم وبلاحظ تغير البونص بمبلغ اكبر اضعاف اضعاف لناس كل ما بشوفلهم مشاركة اما ناسخينها او اجابة ملهاش علاقة بالموضوع
لحد امتى هيفضل الوضع ده النتائج غير مرضية بالمرة حتى المسابقة اللي بدأت متأخر عن ميعادها شهر ومابقتش عارف هل الشهر ده مشاركاته خارج المسابقة ولا اتحسبت ضمن القديم ولا راحت علينا