نظرة عامة : نصائح للمقامرين و المغامرين

[Muhammed Mustapha]

اعرفكم بنفسى اولا انا واحد من الناس القديمة فى المنتدى و الحقيقة أنى غايب عن المنتدى من فترة بس حبيت اشارككم بعض الخبرات و التجارب بشكل عام لعل حد يستفيد ... انا مش رابط حساب المنتدى دا بحسابات تداول و مبعملش ردود و مش محتاج فلوس من المسابقة و لا اى حاجة فانا بكتب فقط لوجه الله و للمساعدة


رغم أننا كلنا بنرفض المقامرة "نظريا" و لازم نشتغل بإدارة رأس مال و ما إلى ذلك بس فى واقع بيقول ان أغلب المتداولين سواء فى المنتدى او عامة بيحبوا يغامروا و بيدخلوا بأعلى لوت خلينا مثلا نتكلم على رافعة ١:١٠٠ الى اغلب حسابات المنتدى ١:١٠٠ معادا الناس القديمة هتلاقوا رافعاتهم ١:١٠٠٠ "و انا كنت منهم"



فهقول شوية نصائح كده و هقول برضو ازاى تقدر تحسب اكبر رقم تقدر تدخل بيه على رصيدك على رافعة ١:١٠٠ من غير ما تقعد تجرب على الأزواج المشهورة بس فى موضوع تانى لو الناس عايزه الحسبة انزلهالكم .


لو هنتكلم على النصائح فهبدأها اولا متبقاش مدمن متدخلش ووخلاص عايز تقامر قامر بس متدخلش و خلاص و متشوفش تحليلات اى كلام على اليوتيوب او التليجرام ... يستحسن تحذف تليجرام اصلا لان اغلب الى عليه بيعكوا ... مشوفتش حد عربى كويس للاسف على اليوتيوب الا اتنين بس تقريبا و للاسف الاتنين بيستغلوا الناس عشان تشارك فى وكلاتهم أو شركاتهم أو كورساتهم ... فيفضل تحلل بنفسك و متمشيش ورا حد !

معندكش وقت لتعلم التحليل أو بتتضايق و بتمل مش هقولك اى حاجة غير اتعلم التحليل الكلاسيكى بس اعرف الدعوم و المقاومات و الترندات و الدايفرجنس و الحاجات البسيطة بس ... لو كتبت على اليوتيوب هتلاقيهم فى فيديو ١٠ دقائق بالكتير شوفه و أفهمه و افتح الشارت و أبدأ ..


ثانيا : لو نويت تغامر اوعى تغامر على اى فريم غير اليومى أو الاربع ساعات على أقصى تقدير عشان انا عارف الى بيحصل و لما بيعكس عليك الزوج انت مبيهونش عليك تقفل الصفقة ... ف على الاقل لو هتسيبها مفتوحة سيبها و انت محلل على اليومى عشان فرص نجاتك تبقى اكبر


ثالثا : ادخل على زوج واحد بس متشتتش نفسك تابع حركته و ادرسه كويس و ادخل عليه

بس لما تيجى تدخل عليه ما تتدخلش بصفقة واحدة ادخل باتنين أو تلاتة بمعنى ايه ؟ لو نويت تدخل بصفقة حجمها واحد دولار .. ادخل صفقتين مثلا واحدة ب ٦٠ سنت و التانية ٤٠ سنت مثلا ... خلى دايما واحدة حجمها أكبر من التانية ... و قسم لوتك على صفقتين أو تلاتة ...
ليه ؟ عشان لقدر الله لما يعكس دا هيزود من فرصتك فى النجاة بأن الصفقة الأكبر هتتقفل الاول لوحدها و التانية هتطول شوية + الخسارة الى قفلت عليها الاولى هتتخصم من البونص يعنى مثلا لو جايلك بونص ١٠٠$ و فاتح صفقتين فول مارجن و واحدة منهم قفلت على خسارة ٦٠$ مثلا هيبقى كأن عندك ٤٠ دولار بونص و تقدر تسحب الى فوق اربعين دولار ..." الناس القديمة و إلى فاهمة الميكانزم بتاع انستا .. هيفهم كلامى كويس"


ثالثا و الاهم : اسحب فلوسك مباشرة بعد كل صفقة ... كسبت ٤٠$ كسبت ١٠٠$ اسحب فلوسك مباشرة اعتبرها فرصة لالتقاط الأنفاس و انستا هتبعتلك السحب بسرعة لانك عملت صفقة واحدة فمش هيتعبوا فى المراجعة و ممكن تلاقيها جاتلك فى نفس اليوم .


رابعا : اصبر على المكسب زى منتا بتصير على الخسارة مش قادر تتحكم فى نفسك و عايز تحافظ على المكسب اقفل بعد نص الهدف .. يعنى لو حاطط هدفك ١٠٠ نقطة و لقيته جايب ٥٥ نقطة اقفل عادى و اسحب بس متقفلش قبل نص هدفك مهما حصل .. خليك واثق من نفسك .
و لو خايف اوى حط استوب على الدخول و كمل .. خايف اكتر اقفل نص عقودك و كمل . بس اهم حاجة خليك واثق من نفسك لان ثقتك فى نفسك سر نجاحك بعد كده فى صفقات تانية .


خامسا : متبقاش عنيد متصرش على الشراء أو البيع ساعات السوق بيبقى مش واضح و لا يصلح للتداول و انت عايز تدخل فول مارجن اقفل المنصة أو احذفها و فكك متجريش ورا السعر .. و افتكر دائما أن خروجك لو كان صح .. هتعرف تدخل صح بعد كده .


سادسا : لو نويت تدخل فول مارجن يفضل تظخل من منصة اللاب مش الموبايل ... ليه ؟ لان الموبايل هيجنك .. و هتتهبل قدام الشارت و هتقعد كل شوية تبص عليه ... ادخل صفقتك من اللاب أو الكمبيوتر و سيبها و يستحسن أهدافك تبقى فى حدود ٦٠ الى ١٠٠ نقطة مش اكتر أو اقل .. الا لو هتشتغل سكالبينج خليها ٢٠ نقطة و على فريم كبير .



اخيرا لا يسعنى الا شكركم و تمنياتى لكم بالتوفيق ... لو عايزين الحسبة بتاعت اللوت و حجم الصفقات قولوا فى الردود

بالتوفيق .

[skylol]

السلام عليكم ورحمة الله وبركاته

اخي الغالي بخصوص موضوعك فشكرا لك على هذه النصائح وبالفعل انا اتفق معك فيما ذكرت ومصطلح المقامرة من وجهة نظري يطلق على المتداول الذي يدخل الصفقة حسب الشمعة التي امامة بحيث يكون دخوله بدون تحليل للزوج اما بخصوص الرافعة فلو كانت 1:100 او 1:1000 لن تفرق كثيرا مع المتداول الي يتداول وفق ادارة راس مال صارمة سوف ينجح سواء كانت بالرافعة الصغير او الكبيرة وبالنسبة لي انا اكثر الازواج اتداول عليها هي اليورو دولار والباوند دولار والدولار كندي يعني ثلاث ازواج فقط وانا بالفعل اسحب اي مبلغ اربحه من التداول على البونص حيث اي مبلغ فوق 50 اسحبه بشكل مباشر وينصح بعدم دخول صفقات فول مارجن الا عندما تخسر صفقات كثيرة ويكون عليك مبلغ كبير للتعويض بحث دخلك يكون اما ربح لتغطية الخسارة او المرجنة وبالتالي لا يكون عليك تعويض وبالتوفيق للجميع

[Reem Tarek]

شكرا جدا على النصائح دى و هحاول اطبقها من الشهر القادم
و عايزين الحسبة ايوة

[بدر اشطيبي]

السلام عليكم
وشكرا اخي الكريم على النصائح والمعلومات القيمة بالفعل فالابتعاد عن سلوك المقامر يعتبر اكبر تحدي من الممكن ان يواجهه المتداول خاصة في بداية عهده بالتداول بحيث يسيطر عليه وهم تحقيق الارباح الخيالية فيسقط في مجموعة من السلوكات التي تدخل في باب المقامرة وليس في باب التداول لكني اختلف معك بخصوص النصيحة الثالثة والمتعلقة بسحب الارباح مباشرة فهذا ايضا يدخل ضمن اطار سلوك المقامر بحيث يعكس عدم قدرة المتداول على السيطرة على سلوكه اثناء التداول وخوفه من الخسارة والمفروض ان يكون المتداول متمكنا من استراتيجيته وقدرته على السيطرة على مشاعر الطمع والخوف التي قد تتملكه ومن جهة اخرى فترك الارباح تتراكم يساعد في تكبير راس المال والذي من المفترض ان ينمو بصورة تراكمية حتى تتمكن من التداوةل باحجام كبيرة دون الاخلال بمبادئ ادارة راس المال.
شكرا على الموضوع وتقبل مروري.

[doaa sary]

اولا اهلا بيك اخى الكريم وعودة حميدة ملاحظة غيابك من فترة وكنت من الاعضاء اللى بتشارك ولها ردود ومواضيع كتير عظيمة فا ان شاء الله خير وترجع المنتدى مرة اخرى
ثانيا بالنسبة للنصايح كلها مهمه جدا وانا استفدت منها رغم انى قديمة ومن 2013 وانا بالمنتدى لاكن النصايح دى بتفيد اى شخص حتى لو بقالة 10 سنين بالفوركس
لابد من اكتساب معلومات يوميا
خلينى اقولك ان بالنسبة للتوصيات بالفعل معظمهم فاشل كنت بتابع مواقع تحليلات سواء فيس او تليجرام وبعد فترة تلاقى طلب منك فلوس اة مهو مش هيشتغل برضة ببلاش حقه!
نيجى للمواقع الاجنبية فى منها مجانى او مدفوع جربت المجانى فترة لاكن اكتشفت ان بالفعل مفيش حد قلبة عليك غير نفسك ومينفعش تفضل طول عمرك معتمد على المواقع
فا لازم يجى وقت وتتعلم واقفة كدا واستوب التحليل مش صعب يعنى اختار اى استراتيجية بمؤشر او 2 وجربها ديمو فترة بعدها جربها على الحقيقى ونصيحة انك تتعلم تحليل اساسى ايضا وتتابع الاخبار مش تشتغل تحليل فنى فقط او اساسى فقط التحليلان لن يقلون اهميه عن بعضهم

[tazi larbi]

السلام عليكم نعم اخي مشكور اخي الكريم على الموضوع الممتاز والنصائح القيمة وكلنا نحتاجها مهما بلغنا من تعلم ولبد لنا من مواصلة طلب العلم خاصة في الفوركس والتقيد بالافكار التي طرحتها امر مهم والتفرقة بين المغامرة والمقامرة والعمل المحترف فالافكار الخاطئة تؤدي بنا الى الشك في ان السوق مخادع وهو يعمل ضدنا نعم هذه الفكرة روادتني كثيرا فكنت اتداول بطريقة خاطئة واصمم عليها وفعلا استمرت معي الفكرة الى ان غيرت طريقة التداول وتغير كل شئ.
فمن الغباء فعلا ان نمشي بنفس الاسباب وننتظر نتائج مخالفة خاصة في الفوركس الاستراتجية يتم قياسها من خلال قلة الخسائر وكثرة الارباح ان كان غير ذلك هذا يعني ان الاستراتجية فاشلة ولا سر يخفيه عنك السوق السر معك في التحليل الجيد والدخول القوي اا لا ذنب للسوق في خسارتنا نعم لا ذنب له السوق اما صاعد او هابط او متذبذب وفي 3 حالات يمكننا الربح ان كان صاعد اشتري وهذا بعد تحليل جيد ان كان هابط نبيع ان كان متذبذب الافضل الابتعاد الىى ان يتضح مسار السوق اتمنى لكم النجاح والله الموفق

[mido elshabrawy]

السلام عليكم ورحمه الله و بركاته
اخي العزيز بالفعل مووع مهم جدا و لكن انا شخصيا لا انصح بالتداول بما يسمي مقامره او مغامره فلقد قمت بذكر العديد من النصائح التي لو اتبعها اي متداول
فسوف يكون لديه ربح جيد جدا من السوق و سوف يكون علي اولي خطوات النجاح و لكن يجب ان يتعب تلك الخطوات
فكما انت ذكرت لا يجب ان يتم التداول بكامل الحساب في صفقة واحده و يجب تقسم حجم الصفقه او الحساب علي عدد من الصفقات
و يجب ان يتم التداول علي زوج واحد حتي لا يتم تشتيت الانتباه علي أكثر من زوج فيقد المتداول تركيزه
و لكن نقطه الدخول فول مراجن لا اعتقد انني اتفق معك فيها حث انه يجب علي المتداول ان يحسب جيدا اماكن الدخول و الخروج و اماكن وقف الخساره و أماكن جني الارباح بكل دقه حتي لا يكون عرضه لخساره كامل رصيد حسابه في صفقه او صفقتين حيت يكون متواجد دائم في السوق لنتهز فرص جديده لتعويض خسارة السابقه ان حدثت لاقدر الله
اخيرا اريد ان انصح كل متداول ان يكون لديه قدر كافي من الالتزام و الانضباط في التداول حتي يستطيع ان يجني ثمار النجاح
تقبلو مروري و بالتوفيق للجميع ان شاء الله

[theprof]

السلام عليكم ورحمه الله وبركاته وبعد تحيه طيبه وبعد اخي الكريم بالنسبه لموضوعك عن النصايح الغاليه اللي افدت الجميع بيها اولا مشكوور جدا عن تلك النصائح الذهبيه الليهتفيد اىمبتدئين بقدر المستطاع ان وعوا ذلك. موضوع المخاطره العاليه او المقامره دي كن الموضوعات إللي بتصيب المبتدئين في المجال لانه المعظم بيكون داخب المجال وفاهم انه ممكن يعمل اموال واطيان من الفوركس المفروض يتعلموا اداره راس المال تكون ازاي وعدم المخاطره في صفقه واحده دي موضوع لازم ناخد بالنا منه. اتفق معاك انه التداول يكون علي زوج واحد افضل مليار مره من التداول علي اكتر من زوج لانه الانتباه بيتشتت كدا وطبعا لازم اي متداول يكون عالي الانتباه. تقبل تحياتي وعوده حميده

[Midoo55]

تحياتي وتقديري لحضرتك وبعد انا اولا اشكرك علي مثل هذه النصائح الغاليه جدا التي اراها مهمه جدةا بالنسبه لكل متداول يعمل ف الفوركس ولكن انا عندي ماحوظه هامه ان رأس الموضوع وعنوانه المقامرين والمغامرين
حضرتك لفظ المقامرين هذا هو لفظ لا يصح اطلاقا من وجهة نظر الشارع وكثير من المتداولين ممكن يعقب لك علي هذه النقطه
لأن القمار المعروف بلفظه وهو حرام شرعا ولا يجوز لأي انسان
مسلم ايا كان ان يعمل او يربح من القمار لأن الله تعالي
قد حرم هذا الامر ونهي عنه . واريد ان اصحح لك معلومه هامه
هي ان الفوركس ليس قمارا ولا تخلط بين الاثنين يا اخي الفوركس
تجاره بين عملات حضرتك بتبيع وتشتري والمكسب وارد والخساره
وارده والفوركس وان كان فيه بعض الشبهات الا انه
غير محرم بالقطع مثل القمار لأن القمار محرم بالقطع .
واما عن المغامره في السوق لا شك ان كل منا يخاف ع رأس ماله
ويتداول بحذر شديد للغايه ولكن هذا لا يمنع اطلاقا ان يكون المتداول لديه شيئ من الجرأه والحماس والقدره ع مواجهة الصعاب بشكل مستمر

[Ayman Abdellatif]

اخى الكريم اولا مرحبا بعودتك للمنتدى و اتفق مع ماجاء به موضوعك من نصائح فهى تدال على
احتكاك حقيقى بالسوق و لا شك فى ان التعلم للاسس الاوليه للتداول سوف يساعد بشكل كبير على القيام
بالتحليل الفنى و يجب الا نتعجل الربح حتى يكون لدينا القدرة على ادارة رصيد الحساب الخاص بنا
عوضا عن الاعتماد على توصيات يقدمها لنا الغير قد تكون صحيحة و قد تكون خاطئة فى التحليل الفنى
التى استندت عليه و يفضل عدم المبالغة فى استخدام الرافعة المالية فارى ان الرافعة المالية التى وضعتها لنا
الشركة فى البداية مناسبة للتداول و الحفاظ على راس المال ايضا و تروض المتداول عن الدخول فى المزيد
من الصفقات دفعة واحدة و التى بها يحدث التشتيت الذهنى و يؤدى هذا الى تغيير فى اتخاذ القرار
تقبل مرورى مع تمنياتى لك و للجميع بالتوفيق