[SIZE=5]السلام عليكم ورحمة الل
الحقيقة كتير من المبتدأين او حتى اصحاب الخبرات المتوسطة ومن لهم فترات ليست قليلة من المتاجرين فى حالة من التوهان داخل دائرة الفوركس وكتير ما نسمع اسئلة كثيرة جدا عن افضل الفريمات وهناك من يسأل عن المبلغ الأفضل للتجارة وهناك اخر يقول ماهى افضل ادوات التحليل هل هى كلاسيكية ام رقمية ولا توجد اجابات قاطعة
الحقيقة كل اللى لازم اولا تسألها لنفسك هل انا فعلا انفع اكون تاجر فوركس ؟
دة يتوقف على درجة حبك واهتمامك للفوركس وتجاربك
انما لو داخل عشان تسلم حسابك لحد يتاجرلك مافيش داعى ولو داخل عشان تاخد توصيات على الجاهز ومعندكش استعداد للتعلم والعمل بمجهودك اعرف ان الفوركس مش مجالك وبعدين اصلا لو الفوركس مجال للكل طب مين حيكون مهندس ومين يكون دكتور او او او
لازم نعترف ان كل واحد لة ما يناسبة من اعمال
والكل بيلعب كورة لكن هل الكل صاحب شهرة واحتراف ؟
كتير من الناس بتقولك اية افضل فريم اعمل علية
افضل فريم هو الفريم اللى ترتاح لة انت وانت بس اللى تحددة ودة تحددة على اساس اية ؟
على اساس حجم رأس المال
مدى تفرغك للفوركس واللى متفرغ مش زى اللى بيشتغل اكيد
مقدار وحجم المخاطرة
يعنى من الأخر شخصيتك الللى اللى بتختار
يعنى الفريمات الكبيرة تحتاج الى رأس مال كبير عشان يستحمل الأنعكاسات حتى تصل الى الأهداف ودى بتديلك نوع من المرونة اكبر
الفوركس مهم جدا انك تستخدم الأدوات الفنية فية فى الوقت المناسب
يعنى مينفعش تستخدم مؤشرات تشبع زى الستوكاستيك او الأرس اس اى او غيرة فى مرحلة الترند لأن الترند حياخدك لفووووووق ومهما كان المؤشر بيعطى تشبع بيع الا انة حتلاقية مكمل صعود طب اية مش المفروض المؤشر فى حالة تشبع بيع ههه لا انسى دة ترند ياصاحبى
اذن عليك ان تعرف ان ما ينفع فى اوقات التذبذب لاينفع فى اوقات الترند الواضح
اذن المؤشرات المذكورة سابقا تستخدم فى اوقات التذبذب وسوف تعطيك افضل النتائج ولكن فى حالة الترند لا
اذن ليس المؤشر هو اللى وحش لا ياصاحبى انت اللى بتستخدم مؤشر فى غير وقتة ولا فى مكانة اى انك تستخدم اداة غير مناسبة
الخلاصة من الكلام ان كل ادوات الفوركس صحيحة ولكن العبرة بكيفية استخدامها والتوظيف الأمثل لكل اداة
الكلام دة مهم جدا لكل واحد عاوز يكون تاجر فوركس ناجح ولكل واحد فشل وفاكر ان الفوركس لعنة وان مافيش حد بيكسب منة
طيب اللى خسر بأستخدمة مؤشرات غلط مع الترند كان لازم يستخدم اية
مافيش كلام ان افضل استخدام مع الترند هى على سبيل المثال
الموفينجات والمومنتيم
اذن من الأسئلة المفيدة انك تعرف الأول انت فى حالة ترند ولا فى حالة تذبذب هو دة الأهم عشان تحدد افضل اداة تستخدمها
[/SIZE]