رغم ان دخولى كان صحيح الا ان السعر عكس علية
رغم انى استخدمت التحليل الفنى بشكل سليم لكن دخلت والصفقة مش ماشية للهدف وخسرانة
رغم ان كل الأشارات بتقول دخول الا ان الصفقة خسرانة
كل دى عبارات بنسمعها كتير وبنقولها كتير لكن ياترى بحثنا فى اسبابها ؟
لازم نعرف ان السوق فى بعض الأحيان مش بيمشى بشكل منتظم واحيانا بتغلب علية نوع من الهوجة او التخبط او تعارض السلوكيات البياعة مع السلوكيات اللى بتشترى نتيجة لتخبط فى اوزان العروض والطلبات
طيب نتيجة اية
طيب نأكد تانى على ان في بعض الأحيان يقوم السوق بحركات لا يمكنك التنبؤ بها أو حسابها وتصبح المؤشرات او الأدوات غير مفيدة ونرجع نسأل لية حصل كدة
الأجابة هى فى هذة العوامل
1- الأخبـــار
قد تكون الأخبار هي السبب الأكثر شيوعًا للإشارات الخاطئة لأ السوق هو الحقيقة و يمثل كل شيء و احيانا قبل نشر بعض الأخبار رسميًا تتفاعل عروض الأسعار بشكل فية عشوائية ومضاربات فيها تفاؤل او تنشاؤم زيادة
2- أخطاء في حسابات المؤشرات
فى كثير من الأحيان ايضا يكون سبب آخر لظهور الإشارات الخاطئة هو الأخطاء في حسابات المؤشر
يميل العديد من المتداولين إلى نسيان أنه بعد تحركات السوق المفاجئة فإن البيانات التي يتلقونها مشوهة بشكل كبير نتيجة انك بتستخدم مؤشرات اصبحت غير متناسبة للموقف الحالى
3- الإنهيارات الكاذبة للمستويات
واللى هى مستويات دعم او مقاومة او ترندات مختلفة مش شرط تكون رئيسية طبعا
طبعا فى اسباب تانية بس دى اعتقد اشهر الأسباب فى رأى الشخصى والموضوع مطروح للتفاعل والنقاش