اكلات ووصفات صحيه

[alaa50]

اهلا وسهلا اخي علاء وشك على الكبق الجميل والسهل
بكل صراخة انا بالجزائر ولا نستخدم الطعمية لذالك من فضلك اريد اكثر شرحا لهذا الطبق اليومي عندكم.
كما انا اشيد بنصيحتك حول اكثار الزيت بطبيعة الحال اخي الزيت الكثير مضر للصحة فهو يصعد نسبة الكوليسترول بالجسم والادهى والامر اذا كان مغليا فهذا يزيد من نسبة الاضرار مع الاسف

اهلا بيكى
عجينة الطعميه نفسها عباره عن فول مجروش وبقدونس وبهارات وملح وبصل ومعلقة بيكربونات
الفول بتنقعيه فى ميه لمدة يوم كامل ودى صورته لو مش عارفه يعنى ايه فول مجروش


دى مكونات العجينه
وقت التحضير بتصفى الفول من الميه وتحطيه فى ميه جديده مع معلقة بيكربونات وعلى النار تقريبا هيستوى فى ربع ساعه
بتجيبى مفرمة اللحمه وتحطى الفول بالتدريج ومعاه باقى المكونات
ممكن تعيدى فرمهم اكتر من مره لحد متحصلى على عجينه ناعمه
العجينه بتسيبيها فى التلاجه نص ساعه وبعد كدا بتبدئى تشكليها وتقليها
دى الطريقه العاديه
بس طريقتنا اللى فوق بتفرق فقط فى طريقة القلى عشان تكون صحيه اكتر

[Asya adam]

[CENTER]

السلام عليكم
هوايتى فى الاساس هى المطبخ والاكلات
لكن بم انى عندى مشكلة زيادة الوزن فقررت ادمج الحاجتين فى بعض
همارس هوايتى باستكشاف عالم الاكل وفى نفس الوقت هبحث عن الصحى منه
هقدم هنا كل معلوماتى عن الدايت ووصفات الاكل الصحيه

فى البدايه هنخلى عندنا قواعد عامه خلتنى انزل من وزنى 10 كيلو على مدى سنتين والاهم الثبات عليهم
- ممنوع الاكل بعد غروب الشمس
-شرب الماء على الاقل لتر ونص طول اليوم
- رياضه يوميا حتى لو ساعه مشى

دى ثلاث قواعد ملتزم بيهم على مدى سنوات واكيد تاثيرهم على صحتى واضح

نبدء مع اول وصفه للريجيم



استخدام مشروب الكمون + الليمون
المشروب دا مفيد جدا صحيا
مفيد لانقاص الوزن حيث يحتوى الكمون والليمون على عناصر حارقه للدهون وايضا يعطيان الجسم احساس بالشبع
ايضا لليمون والكمون فائدة للحفاظ على البشره والحفاظ على نضارتها وشبابها وذلك لاحتوائهم على مضادات الاكسده
مشروب يعطى الجسم الاحساس بالراحه والاسترخاء
ايضا يساعد على تقوية المناعه وزيادة الاجسام المضادة فى الدم


[

/CENTER]

الموضوع مفيد جداا وشيق ولفت نظري بشكل كبير لاني فضلت فتره كبيره جداا مابين الدكاتره والمقالات اللي ع النت اللي بتتكلم عن الاكل الصحي ووصفات لانقاص الوزن لحد اما بفضل الله عرفت نظام اللقيمات ودي وصفه نبويه ومش قايمه ع التركيز ع نوع معين من الاكل او الشرب انما انك تاكل كل انواع الاكل لكن بكميات قليله .
او حد مهتم بالموضوع وعمل شكر هنزل موضوع كامل عن نظام اللقيمات

[alaa50]

نظام اللقيمات فعلا بدء ينتشر فى السنوات الاخيره بس هل هو فعلا مفيد ولا لا انا معرفش
يعنى كمبدء دينى انك تاكل كميه بسيطه دا اكيد صحيح
لكن تكرار الوجبات كل ساعتين او تلاته زى ماسمع او اعرف عن النظام دا هيجهد الجهاز الهضمى وكمان افراز الانسولين لحرق الكربوهيدرات الموجوده
مبدء ريجيم اللقيمات يتنافى مع مبدء الصيام
فهو امر محير
ياريت لو عندك معلومات تقدمها واكيد هيبقى موضوع كويس

[Asya adam]

لا هو فعلا مفيد جدا وبيقلل الوزن بشكل ملحوظ وفيه مميزات كتير اهمها انك مش بتحرم الجسم من اي نوع من الاكل فبتاخد كل الفوايد اللي فالاكل
ونبينا صل الله عليه وسلم لا ينطق عن الهوي
قال ما ملئ ابن ادم وعاء شر من بطنه ..بحسب ابن ادم لقيمات يقمن صلبه ..
صدق رسولنا الكريم صل الله عليه وسلم

[alaa50]

لا هو فعلا مفيد جدا وبيقلل الوزن بشكل ملحوظ وفيه مميزات كتير اهمها انك مش بتحرم الجسم من اي نوع من الاكل فبتاخد كل الفوايد اللي فالاكل
ونبينا صل الله عليه وسلم لا ينطق عن الهوي
قال ما ملئ ابن ادم وعاء شر من بطنه ..بحسب ابن ادم لقيمات يقمن صلبه ..
صدق رسولنا الكريم صل الله عليه وسلم

منا مش مختلف معاك فى فكرة قول رسولنا الكريم انا اقصد ان كلام رسولنا عليه الصلاة والسلام يشير لعدم ملئ المعده فى كل وجبه اللى هى 3 وجبات فى اليوم
لكن زيادة الوجبات عشان تكون من 6 ل7 وجبات فى اليوم هو دا اللى مش متاكد من صحته
لانى فى الفتره الاخيره بدئت اشوف ان الجسم محتاج يرتاح بين كل وجبه والتانيه والجسم بيخلص مهمته فى الهضم فى ساعتين
فانت لو اديته اكل كل ساعتين يبقى مش هيرتاح حتى لو كان كميه بسيطه

[alaa50]

شوربة العدس من الاكلات المفيده جدا صحيا
كمان من الاكلات اللى احبها فى اوقات الريجيم لانى بحس بالشبع غير انى بحبه جدا



طريقة شوربة العدس
عدس ممكن نص كيلو او ربع كيلو
1 بصل +1 طماطم + جزر(انا بحب اكتر الجزر من 3 ل4 لكل نص كيلو ) + توم + بهارات وملح
بغسلهم كويس كلهم
وبسلقهم مع بعض كلهم واسيبهم يبردوا بعد ميستوا
بعدين بضربهم فى الخلاط كويس
واحطهم على النار يغلوا واضيف الملح والبهارات

[tamermosa]

موضوع مميز عن شوربة العدس ، بس ليا استفسار ، هي شوربة العدس تنفع مع الريجيم ؟ احسن انا فعلا بحبها

[alaa50]

موضوع مميز عن شوربة العدس ، بس ليا استفسار ، هي شوربة العدس تنفع مع الريجيم ؟ احسن انا فعلا بحبها

العدس من الاكلات المفيده جدا للريجيم بس تبعد عن تحمير البصل او لسان العصفور زى مبيعملها البعض
مسلوق كدا افضل وطعمه كويس جدا والطبق دا سعراته الحراريه مش بتزيد عن 200 سعر حرارى
دا غير ان قيمته الغذائيه العاليه من حيث الفيتامينات والمعادن والبروتين والالياف
غير انه بيعطيك احساس بالشبع والامتلاء

[alaa50]

سلطة التونه من الاكلات الخفيفه والمفيده للصحه والريجيم
التونه بيتم تصفيتها من الزيت
بنقطع طماطم وخيار وجزر نبشره وبصل مقطع وفلفل يفضل يكون حراق
نعصر عليهنص ليمونه
ملح وكمون والزعتر بيكون جميل معاهم
ممكن تتاكل بعيش سن او نص رغيف عيش بلدى

[alaa50]

من الاكلات المهمه خاصة لينا كمصريين هى الارز
لكنه غنى بالكربوهيدرات والسعرات الحرارايه فمش بيكون مناسب للدايت
بتعديل بسيط على طريقة طهى الارز ممكن تتخلص من كتير من سعراته الحراريه
اولا نغسله كويس جدا ويتم نقعه فى ميه وغسله مره اخرى
هنضيف ليه الميه بس نزودها شويه ويتحط على النار مع اول غلوتين تنزله من على النار وتصفى الميه
طبعا هيبقى اتخلص من كتير من النشا
هنرجع تانى على النار ونضيف ليه الملح بدون زيت او سمنه ونسيبه على الهادى لغاية ميكتمل سواه
بيبقى فى تاثير بسيط على الطعم بس المهم انه تخلص من كتير من سعراته تقريبا ممكن تحسبه النص بالطريقه دى