السلام عليكم ورحمة الله وبركاته
الحمدلله رجعت معاكم مره تانيه وبعتذر عن وجودى المتقطع خلال الفتره اللى فاتت لكن المهم ان التحليلات مازالت مستمره على نفس القدر من الجوده والمصداقيه والنجاح فى التحقق والحمدلله
ان شاء الله هكون معاكم النهارده فى التحليل الخاص بحركة العملات التقاطعيه الخاصه بيوم الاثنين القادم فقط يعنى تحليلات الافتتاح المتوقعه
هبدأ مع حضراتكم بتحليلى أو بمعنى تانى بتحديث تحليلى على زوج النيوزلندى دولار
طبعا انا كنت أشرت عليكم من فتره ان الزوج صاعد وقت ما كان السعر 0.6894 وان عليه كسر المقاومه 0.6974 كمحطه أولى
طبعا اما بقول انى كنت قايل حاجه زى كده أو اما بقول حصل كذا وكذا ده كلام مش فى الهوا أو انى بقول حصل كذا وكذا وهو محصلش , الحمدلله انا مش بتاع الكلام ده وكلامى
عليه الأدله والأهم من كده التاريخ , التاريخ اللى بيتقال فيه كلام سابق ليا بيكون موجود دايما
المهم ان الحمدلله وبفضله الزوج كسر فعلا مستوى المقاومه 0.6974 وحاليا فى الطريق للمقاومه التانيه الموجوده عند المستوى 0.7062 ومع كسر المقاومه ديه هيتفتح الطريق
للسعر لزيارة المقاومتين 0.7162 و 0.7200 على التوالى وان شاء الله وقت لما السعر يزور المقاومه المحدده هوضح لحضراتكم ساعتها المستويات المهمه اللى السعر ممكن
يزورها أو ممكن أنبهكم لو اتغير الاتجاه وبدأنا تريند هابط جديد