عندك حق اخى الكريم اللوت الصغير امان ليك وتقدر تتصرف اى وقت لو حصل انعكاس وتقدر تخرج من خسايرك بسهولة لو حتى السوق عكس عليك 100 ولا 200 نقطة ولاهتفرق معاك وهتخسر سنتات
اللوت الاصغر يحميك من المارجن كول ويسمحلك تدخل صفقات اخرى وفرص تانية لكن المخاطرين وانا للاسف منهم لما يدخل صفقه بيبقى قلبة فى كفة خايف يتمرجن وغالبا بالنهاية بيتمرجن حتى لو كسب اضعاف راس المال وسحب واستفاد
لاكن غالبا راس المال مش صامد ومبيقعدش اكتر من اسبوع حتى دى الميزة فقط مكسب كبير لكن العيب بتبقى خايف ومتوتر وتندم اشد الندم لو عملت ربح كبير وراح وخسرت قبل ماتسحبة
لاكن اللوت الصغير لنفرض راس المال 100 دولار ودخلت صفقه ب10 سنت والسوق عكس عليك 100 نقطة فا الخسارة سالب 10 دولار يعنى هيتبقى 90 تقدر تخرج وترضى بالخسارة لانها لا تذكر او تقدر ببساطة تفتح صفقه ولا 2 جمبها ومش هتبقى خايف دايما نقول ادارة راس امال واحتساب الخسائر المتوقعه والدروداون اهم حاجة تحميك من الخساير الفادحة وتخليك شغال بخطة عمل وبالصبر مش عشوائى