اكتر حاجة بتفرح المتداوال انة يلاقى اللون الاخضر بالشارت والصفقه تقفل اتوماتك معلنة النجاح والمكسب ونسحب الربح ويوصل ونستفاد بية
اعتقد مفيش حد فينا ممكن يكرة الربح بالعكس كلنا موجودين بالمنتدى والفوركس عشان نكسب ودى افضل لحظة بنمر بيها لحظة الانتصار والربح
مفهاش حاجة لما نفرح لما نكسب الامر طبيعى كلنا بنفرح لما بنكسب وبنزعل لما صفقه تضرب استوب ولا الحساب يتمرجن ونخسر
لاكن فى شعرة بين الثفه والغرور بمعنى اننا نفرح اة لاكن نفتكر ان الربح دايم واننا خلاص امتلكنا السوق وكل صفقاتنا هتكون ارباح فى ارباح
طبعا لا مستحيل مفيش متاجر مهما كانت خبرتة بيكسب 100% من صفقاتة طبيعى نخسر ونكسب واهم حاجة يكون مجموع الربح يفوق مجموع الخساير