الخيارات الثنائيه نظام تداول زيه زي الفوركس بالظبط بيتاجر على كل الادوات الموجوده في المنصات بتاعه الفوركس بس الفوركس انت بتكسب او بتخسر عدد معين من النقاط من اول نقطه او 5 او 10 او 20 وممكن تعلق امر جني ارباح او وقف خسائر عند رقم معين بعد دخولك الصفقه انما الاوبشن او الخيارات الثنائيه بيكون ربحك او خسارتك انك بتراهن على ان السعر يتحرك ولو نقطه واحدة بس فوق او تحت نقطه الدخول في وقت معين وبتحقق مكسب الصفقه بالكامل او بتخسر الصفقه بالكامل بكل اللوت بتاعك على حسب السعر هيتحرك معاك او ضدك على الاقل نقطه واحده مثال : اشتريت اليورو دولار وكان راس مالك 1000 دولار بلوت 0.1 عند سعر 1.5252 لمده ساعه بهامش 5% لو انت في الفوركس لازم السعر يتحرك 50 نقطه فوق او تحت علشان الصفقه تتقفل وتكسب 5% او تخسر 5% ومش هيفرق معاك الوقت ممكن المكسب يتحقق في 5 دقايق او 5 ساعات او يوم او شهر حتي المهم لازم السعر يوصل الهدف او الاستوب اللي هو 50 نقطه انما بقا لو داخل اوبشن الصفقه تقفل بعد ساعه بالظبط زي ما انت محدد او ممكن تحدد نص ساعه او اربع ساعات او 5 ساعات زي ما تحب وتيجي عند الوقت المحدد تشوف السعر فين لو السعر فوق نقطه دخولك ب نقطه واحدة او اكتر تربح ال50 دولار ولو السعر ااقل نقطه واحده من دخولك او اكتر تخسر ال50دولار وللعلم هو محرم شرعا ... تحياتي