محمد السيد محمد
12-15-2014, 13:10
السلام عليكم .. طبعا احنا وقفنا في الجزء السادس عند الكلام عن العلامات المبشرة بالانعكاس وقلنا ان هذه العللامات لا تكفي للعمل على الاتجاه المعاكس وانما يجب ان ننتظر العلامات المؤكدة .. طبعا كل واحد منكم ممكن تكون عنده العلامات الخاصة لكن انا باستخدم طريقة كلاسيكية زي ما قلت لكم قبل كده .. وهي اني بارسم فناة على الاتجاه الأصلي وبثبتها يعني ايه بثبتها ؟؟ بخللي أخرهاعلى الشمعة التي تمثل قمة الاتجاه ده طبعا في الاتجاه الصاعد ، وبخللي أخرهاعلى الشمعة التي تمثل قاع الاتجاه ده طبعا في الاتجاه الصاعد .. وبعدين ما اشتغلش وانتظر حتى تخرج الشمعة من حد القناة الأسفل في الاتجاه الصاعد وتغلق خارجه .. وفي الاتجاه الهابط تخرج من حد القناة العلوي وتغلق خارجه هنا اعمل على الانعكاس .. انما لو رجعت الشمعة في كلامها واغلقت داخل القناة اتاكد انني لازلت في الاتجاه الأصلي واعمل عليه .. ياترى الكلام ده مفهوم ؟؟ اقولكم نعتبره مش مفهوم قوي بالذات لزملاءنا المبتدئين ونعطي امثلة عشان نوضح ..
- انا مثلا اتجاه الزوج بتاعي صاعد .. لما اجد مبشرات الانعكاس بدات في الظهور .. اوقف الشغل لغاية ما اشوف السعر هيعمل ايه عند حد القناة السفلي .. بيسموها الناس الخبراء شوية اللي احنا مش منهم ندرس البرايس اكشن .. يعني التصرف للسعر
= والله ان السعر اخترق حد القناة الأسفل واغلق خارجه يبقى انعكس للاتجاه الهابط وهايكون شغلى على هذا الزوج بصفقات بيع
= انما بقه ياجميل لو ارتد وعمل ديل رفيع ناحية حد القناة السفلي يبقى بيقوللي دا انا كنت بهزر معاك ياراجل وبهوشك انا لسة مخلص للاتجاه الأصلي بتاعي .. هنا هيكون شغلي صفقات شراء زي ماكنت باعمل قبل كده .. ما اعتقدش انكم محتاجين اكرر الكلام ده على الاتجاه الهابط .. طيب انا قررت ابيع .. او قررت اشتري ادخل على طول والا فيه حاجات لازم اعملها قبل كده ؟؟ الاجابة طبعا فيه حاجات مهمة جدا لازم تعملها قبل كده وهي ما سنتكلم عنه في الجزء الثامن .. فالى هناك ..
- انا مثلا اتجاه الزوج بتاعي صاعد .. لما اجد مبشرات الانعكاس بدات في الظهور .. اوقف الشغل لغاية ما اشوف السعر هيعمل ايه عند حد القناة السفلي .. بيسموها الناس الخبراء شوية اللي احنا مش منهم ندرس البرايس اكشن .. يعني التصرف للسعر
= والله ان السعر اخترق حد القناة الأسفل واغلق خارجه يبقى انعكس للاتجاه الهابط وهايكون شغلى على هذا الزوج بصفقات بيع
= انما بقه ياجميل لو ارتد وعمل ديل رفيع ناحية حد القناة السفلي يبقى بيقوللي دا انا كنت بهزر معاك ياراجل وبهوشك انا لسة مخلص للاتجاه الأصلي بتاعي .. هنا هيكون شغلي صفقات شراء زي ماكنت باعمل قبل كده .. ما اعتقدش انكم محتاجين اكرر الكلام ده على الاتجاه الهابط .. طيب انا قررت ابيع .. او قررت اشتري ادخل على طول والا فيه حاجات لازم اعملها قبل كده ؟؟ الاجابة طبعا فيه حاجات مهمة جدا لازم تعملها قبل كده وهي ما سنتكلم عنه في الجزء الثامن .. فالى هناك ..