استراتيجيه قد تفيدك :) (1)

[jozef82199]

بسم الله توكلنا علي الله

فكرة الاستراتيجية يا جماعه سهلة و بسيطة جدا و محتاجة بس تركيز شووية

اولا اول حاجه هنعملها نفتح البرنامج علي شارت الساعة و ده هيكون بالظبط في تمام الساعة ال 8 و نص بتوقيت القاهرة يعني قبل اغلاق شمعة الساعة 8 او علشان نبقي اسهل قبل اغلاق شمعة الساعة صفر بتوقيت امريكا

انا بشتغل علي برنامج اف اكس سي ام علشان كده يا ريت لو حد مش عنده البرنامج ده و محتاج دقة في التوقيت يبقي ينزله و يتابع الشمعة صفر علشان ميبقاش في اي غلط في التوقيتات و يستني اغلاق الشمعة صفر بتوقيت امريكا

طيب بعد الاغلاق هنعمل ايه؟؟

هنبص علي الاغلاق بتاع الشمعة ( الاغلاق و ليس الهاي او اللو) سواء كان الاغلاق فوق (شمعة صاعدة) او الاغلاق تحت ( شمعة هابطه ) اهم حاجه الاغلاق و نركز كويس اننا عيننا تبقي علي الاغلاق و نبدا نعمل الاتي

نحدد 54 نقطه بالظبط فوق و تحت

يعني ايه؟؟؟

يعني من الاغلاق نعد 54 نقطه بالظبط مش 53 و مش 55 لا 54 نقطه بس فوق الاغلاق و تحت الاغلاق

و بعدين فوق الاغلاق ب 54 نقطه نحط امر شراء معلق و تحت الاغلاق ب 54 نقطه نحط امر بيع معلق بهدف 50 نقطه و ستوب 107 نقطه هوه تقريبا هيبقي سعر الامر الاخر

طبعا كل الناس هتقلي ستوب كبير جدا و مينفعش هدف 50 و ستوب 107؟؟؟

اولا انا جربت الاستراتيجية 6 شهور و بالفعل كان في ايام بتضرب الستوبين بس كان في حالات نادرة و هنتكلم ازاي نقدر نهرب منها دلوقتي

طبعا في حالة تحقيق الهدف يتم اغلاق الصفقة و ازالة الامر الاخر

طب في حالة عدم تحقيق الهدف ؟؟؟
و ضرب الستوب؟؟؟

هيكون اتفتح لينا الصفقة الاخري و ساعتها ادامنا احتمالين و هيه دي الطريقة اللي هنهرب بيها من ضرب استوبين

اذا كانت الصفقة الثانية ( بعد ضرب ستوب الاولي ) في اتجاه الترند العام للزوج يتم رفع الهدف الي 100 نقطه و من الممكن اكتر في بعض الاوقات و هبقي اتابع معاكم الاوقات دي و هنقول امتي نزود الهدف

طبعا لو 100 نقطه ربح و 107 نقطه خسارة يبقي الاجمالي 7 نقاط خسارة اكيد دي مش تعتبر خسارة متهيالي يعني بالنسبة ان اصلا ده قليل انه يحصل

طيب الاحتمال الثاني ان الصفقة الثانية ( بعد ضرب ستوب الاولي) يبقي عكس الترند العام و في الحالة دي هنعمل الهدف 50 نقطه ان شاء الله هييجي و بكده هيبقي الاجمالي خسارة 107 و ربح 50 نقطه يعني اجمالي خسارة 57 نقطه و ان شاء الله مش هتحصل باذن الله

و الاحتمال التالت هوه ضرب ستوبين و هستني ناس تقلي ده حصل كام مرة في الباك تيست لاني انا عن نفسي شايف انه محصلش كتير

[mechanical]

السلام عليكم ... الحقيقة انا عن نفسي لا احب الطرق المحفوظة دي خالص لان معظمخا انا جربتة ولقيتة مش حلو المهم ان انت تكون فاهم يعني اية التحليل الفني ويعني اية التحليل الاساسي
بالتوفيق ان شاء الله في التداول وادارة راس المال

[adel25]

السلام عيكم ..مشكور اخي على هذا الموضوع القيم و الرائع حول احدى الاستراتيجيات المربحة و الشرح الجميل بارك الله فيك مع تحياتي و تمنياتي لك با ااتوفيق

[05AG]

مرحبا اعضاء منتدى فوركس العرب الكرام اتمنى ان تكونو قد فهمتم معضم الاشياء في الفوركس ، اليوم سنشرح :

نموذج الكوب والعروة Cup and Handle
هو شكل في الرسم الفني (ويسمى أيضا نموذج الكأس مع المقبض) هو نمط في الرسم البياني الصاعد يتم التعرف عليه عند انخفاض الأسهم او العملات من حيث القيمة، ومن ثم ارتفعها بعد ذلك إلى القيمة الأصلية، ثم تنخفض انخفاضا صغيرا من حيث القيمة، ومن ثم يحصل ارتفاع صغير في القيمة.

[salahgold]

السلام عليكم ورحمة الله تعلى وبركاته والصلاة والسلام على أشرف الخلق سيدنا محمد
شكرا أخي الفاضل فعلا في إفادة

[ahmed bakry]

اكيد طبعا الاستراتيجيات من اهم عوامل النجاح ف التداول ومن اهم مكاسب الارباح وشكرا جدا ليك على ماتقدمت به من معلومات

[AHMED91]

السلام عليكم ورحمة الله وبركاته شكرا لك اخي الكريم علي الموضوع
جاري تجربتها ولكن الاستراتيجيه لم اجربها من قبل لاحكم عليها

[snnaky]

شكرا يا اخى الكريم على الأسيتراتيجية الجميلة وهى عموما تحت التجربة ونحكم عليها لأنة تتعدد الاستراتيجيات المختلفة فمنها ما يخص نوع زوج معين ومنها ما يخص فترة دون الأخرى ومنها المتعلقة بأدوات التداول واستراتيجيات أخرى، فقط المتداول نفسه هو من يحدد الاستراتيجية المناسبة له وبقدر ضخامة سوق تداول العملات تتعدد استراتيجيات المتداولون فيه، وتختلف آلياتها وأشكالها بقدر اختلاف نفسياتهم ونظرتهم التداولية ولكن تبقى هناك بعض القواعد المهمة المعروفة التي لا يمكن الاستغناء عنها أثناء التداول.