doaa sary
05-15-2016, 03:11
علشان ببساطة السوق - أي سوق - بيخضع لقانون العرض و الطلب
طيب و ما هو قانون العرض و الطلب؟
لو فيه عندنا خمسه فلاحين عند كل واحد فيهم خمسه كيلو مشمش
الفلاحين دول بينزلو السوق (يعرضوا) المشمش بتاعهم
يبقى كده بحسبة صغيره 5 فلاحين * 5 كيلو مشمش = 25 كيلو مشمش (معروضه) في السوق
طيب الفلاحين دول لو شافوا في السوق 70 زبون (بيطلبوا) مشمش
تفتكر حيحصل إيه؟ أكيد الفلاحين دول حيزودوا سعر كيلو المشمش لإن (الطلب) عليه كتير صح ؟؟
و أكيد لو إتعمل مزاد على المشمش كل واحد من ال 70 زبون حيقدم سعر عالي للمشمش علشان هوه عاوز يشتري السلعة و يفوز بها قبل غيره من المشترين
و بالتالي شويه شويه مع المزاد يبتدي كيلو المشمش سعره يرتفع ........صح؟
إذا لما يزيد عدد الناس إللي عاوزة تشتري (الطلب) عن كمية السلعة (العرض) يبقى أكيد سعر (المعروض) حيرتفع و ده كلام منطقي
طيب خللينا ناخد نفس المثال بالعكس....
لو ال 5 فلاحين و معاهم 25 كيلو مشمش نزلوا السوق فلقوا 10زباين بس هما إللي عاوزين مشمش .. تفتكر حيحصل إيه؟
لو كل زبون (طلب) 2 كيلو مشمش بس
يبقى مجموع (الطلب) 10 زبون * 2 كيلو= 20 كيلو مشمش
بس (المعروض) = 25 كيلو
كده يبقى أكيد فيه 5 كيلو مشمش مالهومش زبون
و طبعا ال 5 فلاحين مش حينفع يرجعوا تاني بالمشمش و ميبيعوهوش
يبقى منطقي جدا إن كل فلاح من ال 5 فلاحين يقلل سعر المشمش على قد ما يقدر علشان يغري ال 10 زباين إنهم يشتروا منه أكبر كمية ممكنه صح؟
و بالتالي يبتدي ال 5 فلاحين كل واحد فيهم يقدم المشمش بتاعه بأقل سعر و كل واحد عاوز يبيع بأرخص من الفلاح التاني علشان يخلص من المشمش إللي معاه و يروح صح؟
في اللحظة دي يبتدي سعر المشمش في السوق ينخفض
و يستمر في الإنخفاض لحد ما المشمش كله يتباع
إذا لما كمية الطلب (الزباين) قلت عن كمية العرض (المشمش) حصل إن السعر إنخفض
المثال ده ببساطه هو نفس إللي بيحصل ف أي سوق ف الدنيا
ده ببساطه هوه قانون العرض و الطلب .....
في إنتظار أسئلتكم قبل ما ننتقل للدرس التالي
طيب و ما هو قانون العرض و الطلب؟
لو فيه عندنا خمسه فلاحين عند كل واحد فيهم خمسه كيلو مشمش
الفلاحين دول بينزلو السوق (يعرضوا) المشمش بتاعهم
يبقى كده بحسبة صغيره 5 فلاحين * 5 كيلو مشمش = 25 كيلو مشمش (معروضه) في السوق
طيب الفلاحين دول لو شافوا في السوق 70 زبون (بيطلبوا) مشمش
تفتكر حيحصل إيه؟ أكيد الفلاحين دول حيزودوا سعر كيلو المشمش لإن (الطلب) عليه كتير صح ؟؟
و أكيد لو إتعمل مزاد على المشمش كل واحد من ال 70 زبون حيقدم سعر عالي للمشمش علشان هوه عاوز يشتري السلعة و يفوز بها قبل غيره من المشترين
و بالتالي شويه شويه مع المزاد يبتدي كيلو المشمش سعره يرتفع ........صح؟
إذا لما يزيد عدد الناس إللي عاوزة تشتري (الطلب) عن كمية السلعة (العرض) يبقى أكيد سعر (المعروض) حيرتفع و ده كلام منطقي
طيب خللينا ناخد نفس المثال بالعكس....
لو ال 5 فلاحين و معاهم 25 كيلو مشمش نزلوا السوق فلقوا 10زباين بس هما إللي عاوزين مشمش .. تفتكر حيحصل إيه؟
لو كل زبون (طلب) 2 كيلو مشمش بس
يبقى مجموع (الطلب) 10 زبون * 2 كيلو= 20 كيلو مشمش
بس (المعروض) = 25 كيلو
كده يبقى أكيد فيه 5 كيلو مشمش مالهومش زبون
و طبعا ال 5 فلاحين مش حينفع يرجعوا تاني بالمشمش و ميبيعوهوش
يبقى منطقي جدا إن كل فلاح من ال 5 فلاحين يقلل سعر المشمش على قد ما يقدر علشان يغري ال 10 زباين إنهم يشتروا منه أكبر كمية ممكنه صح؟
و بالتالي يبتدي ال 5 فلاحين كل واحد فيهم يقدم المشمش بتاعه بأقل سعر و كل واحد عاوز يبيع بأرخص من الفلاح التاني علشان يخلص من المشمش إللي معاه و يروح صح؟
في اللحظة دي يبتدي سعر المشمش في السوق ينخفض
و يستمر في الإنخفاض لحد ما المشمش كله يتباع
إذا لما كمية الطلب (الزباين) قلت عن كمية العرض (المشمش) حصل إن السعر إنخفض
المثال ده ببساطه هو نفس إللي بيحصل ف أي سوق ف الدنيا
ده ببساطه هوه قانون العرض و الطلب .....
في إنتظار أسئلتكم قبل ما ننتقل للدرس التالي