العقل زينة ....

[doaa sary]

العنوان سخيف أو هزلي .. بس ده كلام جد فعلا و مش موضوع لتضييع الوقت ...
الفوركس من أصعب المهن اللي شوفتها في حياتي .. محتاجة شخصية قوية و علم قوي و برضه محتاجه لعقل محترم ..
أنا بشوف ناس كتير جدا كاتبين كلام كتير جدا عن استراتيجيات كتير جدا و ,,, و بس . بمعنى إنه بيقول اعمل ده و بعدين ده و خلاص .. طيب ليه المؤشر ده مع المؤشر ده و في الوقت ده ؟؟ يقولك هو كده و خلاص و يقولك الخبرة .!! ... حتى ناس كتير بتشرح مثلا مؤشر معين إذا كان اقتصادي أو فني يقولك المؤشر ده بيقولك بيع لما يحصل كذا و يقولك اشتري لما يحصل كذا ....
أنا شايف إن الفوركس محتاج عقل أكتر من كده يا جماعة و بلاش نرمي كل الهم على عاتق الخبرة و خلاص .. مافيش أي مؤشر في الدنيا بيكدب لإن مافيش مؤشر بيقولك بيع و اشتري .. المؤشر بس بيقولك إن الشرط الرياضي او الاقتصادي اللي انت منتظره ينبهك ليه حصل و انت بقى تفهم و تفكر إيه اللي تعمله .. مثلا المتوسط بس بيقولك آخر حركات للسعر بالنسبة لاتجاه معين انت محدده هابط ولاصاعد .. عمر ما المتوسطات هتقولك بيع و اشتري .. الستوكاستيك و مؤشرات زخم القوة عموما زي دواسة البنزين بتاع السيارة لما تضغط على البزين مش معناها إنه أكيد العربية هتمشي بسرعه دلوقتي لإن الطريق ممكن يكون فيه مطبات مثلا لإنها لسه ماخدتش الغيار الرابع مثلا أو غير كده .. و هكذا لازم نكون فاهمين معنى كل حاجة بنتعامل معها علشان نقرر صح .. مش بحب أقرأ لحد بيكتب عن استراتيجيته من غير مايبين ليه بنعمل كذا و بعد كده كذا و يفهمنا الاستراتيجية الكيميا اللي بتفهمهالنا إيه .. وفيه مليون مثال على كلامي ده لو أي فتح 80% من المقالات هيلاقيها بتفتقد لعنصر التفسير المنطقي ..
آسف لو كنت طولت عليكم .. أنا بس نفسي كلنا ننجح و شايف إننا بنلغي عقلنا كتير لإننا نفسنا نعمل فلوس و خلاص حتى لو إحنا مش فاهمين جت منين .
لو كل واحد دلوقتي اتعامل مع الفوركس كإنه واحد صاحبه ... كإنه عربيته .. مش كإنه عدوه و قعد يفكر إزاي يمشي معاه و يفهمه إزاي هيلاقي مليون طريقة مربحه جدا ..
و يارب كلنا ننجح في كده و نحقق الأرباح اللي منتظرينها ..
و يارب ماكونش ضيعتلكم وقتكم ..

[Nourmea]

السلام عليكم ورحمة الله وبركاته اخي الكريم شكرا جزيلا على هذا الموضوع الجميل واتمنى لك وللجميع التوفيق انشاء الله

[islammowafy]

السلام عليكم و رحمة الله تعالى و بركاته
في بادئ الأمر أريد أن أشكرك أخي الكريم على المعلومات المفيدة و القيمة التي قدمتها لنا في هذا الموضوع الجميل
صراحة أنا مبتدأ في مجال الفوركس و موضوعك أفادني كثيرا من ناحية المعلومات
تحياتي أخي الكريم

---------- Post added at 02:35 AM ---------- Previous post was at 02:32 AM ----------

السلام عليكم و رحمة الله تعالى و بركاته
في بادئ الأمر أريد أن أشكرك أخي الكريم على المعلومات المفيدة و القيمة التي قدمتها لنا في هذا الموضوع الجميل
صراحة أنا مبتدأ في مجال الفوركس و موضوعك أفادني كثيرا من ناحية المعلومات
تحياتي أخي الكريم

[3laabasha]

فعلا العقل زينة بس للى بيستخدمه صح .. المشكلة هنا فعلا ان الناس بتلغى عقلها حتى لما حد بيعطى استراتيجية او اى كلام جديد بياخدوه يجربوه علطول وعالحقيقى مش تجريبى كمان .. دا غير التوصيات الفاسدة الى بتيجى من هنا ومن هنا وبتضيع حسابات الناس .. فعلا كل واحد عايز ينجح فى المجال ده يشغل عقله ويفكر هو محتاج ايه وايه الى بيخسره هنا ويبعد عنه ويدور على كل حاجة ايجابية جواه تساعده انه ينجح

[mourada]

السلام عليكم و رحمة الله و بركاته
مشكور اخي الفاضل على هذا المجهود و على ما يتضمنه الطرح من توضيحات لاهمية العقل الذكي في تجارة الفوركس و تقبل مروري

[INFOGAIN]

السلام عليكم ورحمة الله تعالى وبركاته
تشكر على هدا المجهود والنشر الراقي و المقالة المميزة حول العقل
تحياتي لكل اعضاء ومشرفي المنتدى الكرام..
تقبل مروري..