doaa sary
05-23-2016, 17:47
في إحدي الكافيهات بوسط البلد وخلال العطلة الاسبوعية للبورصات والفوركس
كسبان : السلام عليكم
وبعد عدة ثواني
خسران : هاه . وعليكم السلام ورحمة الله وبركاته .. معلش مش واخد بالي
كسبان : ليه كده .. ايه اللي واخد عقلك يا راجل
خسران مفيش .. بس اصل ده خامس حساب اخسره ، مش عارف اعمل ايه تاني
كسبان : خااااااااااااااااااامس حساب .. ليه بس كده يا راجل حرام عليك .. احكيلي ايه اللي حصل
خسران : مفيش .. حكايتي ببساطة اول ماعرفت الفوركس من 3 شهور
يقاطعه كسبان : 3 شهور ؟؟؟ !!!
ويستمر خسران بالمحادثة : يعني حوالي شهرين ونص او 3 شهور مش فاكر بالظبط .. المهم عرفت الفوركس وابتديت اكسب علي الديمو وفتحت حساب حقيقي وابتديت اتعامل
المجنون .. كل ما اخذه بيع يطير لفوق كل ما اشتريه يطير لتحت .. لغاية ما الحساب طار
كسبان : طيب وبعدين عملت ايه المفروض تتعلم من البداية مش كده ؟؟
خسران : لا .. فتحت حساب مره تانية واودعت فيه مبلغ وقدره وقولت اكتفي بنقطتين او 5 نقط بالكتير .. اول يوم كانت ماشية معايا حلاوة .. وكسبت حوالي 40% من الحساب
اليوم اللي بعديه السعر انعكس عليا 60 نقطة .. علشان خبر مكنتش اخدت بالي منه وللاسف خسرت 85% من الحساب
كسبان : لا حول ولا قوة الا بالله .. ربنا يعوض عليك
خسران : بعدها عرفت ان طريقي للنجاح في المؤشرات .. جربت استراتيجيات كتير تعتمد علي الموفنجات .. بس برضه للاسف كل ما يظهر اشارة شراء واشتري تظهر اشارة بيع بعدها وتعكس عليا واخرج من الصفقة خسران .. وكذلك الستوكاستيك والار اس اي .. لغاية ما بقيت هتجنن
بس انا مكدبتش خبر .. اودعت مبلغ اخر بالحساب واعطيته لصديق لي لإدارته ( صديق ثقة يعني ) المهم بعد اسبوع الاقي الي باقي بالحساب 30% وقالي لاخبار كانت عنيفة اوي في الاسبوع ده
وانا دلوقت بقيت مديون ومش عارف اعمل ايه بس تاني اعمل ايه ياربي
كسبان : طيب اهدي بس واسمعني .. المؤشرات دي ليها اسس علشان تتعامل معاها ... انت الاول تعرف حاجه عن ادارة رأس المال
خسران : ايوة طبعا مش اللي هي 10% دي .. ان مدخلش اي صفقة باكتر من 10% من الحساب .. يا عم ده كلام فاضي .. جربتها في اول حساب ليا وخسرته كله
كسبان : طيب بس اسمعني ، اولا ادارة راس المال مش انك تدخل ب 10% من حسابك خالص ، ثانيا النسبة المطلوبة المفروض متزيدش عن 1 -2% بالكتير وتكون ملتزم باستوب علشان لو لا قدر الله ضربت الاستوب نفسيتك متتأثرش وتقدر تكمل
خسران : طيب وبعدين
كسبان : في حاجه تانية يا باشا ، ادارة رأس المال هي انك تحسب عدد نقط الوقف طبقا للطريقة بتاعتك وبناءا عليها تحسب قيمة اللوت وتضعه بالصفقة علي الا يزيد عن 1-2% حسب هدفك اليومي
خسران يقاطعه : هدفي اليومي؟؟؟
كسبان : ايوه طبعا هدفك اليومي .. انت لازم تكون محدد ليك هدف يومي تلتزم بتحقيقه وكذلك وقف خسارة يومي
خسران : ازاي يعني
كسبان : يعني تحدد نسبة معينة من الخسارة بعدها تكتفي بالمضاربة هذا اليوم ، مثل 4-5% وكذلك الربح .. ولازم نسبة الربح الي الخسارة بالصفقة يكون اكثر 1 زي 1:2 او 1:3 . بكده اضمنلك انك عمرك ما هتخسر
خسران : عمري ما هسخر .. عمري ما هخسر ؟؟
كسبان : ايوه طبعا عمرك ما هتخسر .. بس لازم يكون معاك طريقة كويسة تقدر تجيب بيها اهدافك زي الناس الناجحين
خسران : سكالبينج ينفع ؟؟
كسبان : لالالالالالا .. انا اقصد بطريقة استراتيجية او طريقة فنية تكون جربتها علي الاقل لمدة شهر او شهرين واعتمدت ربحها ورضيت بيه .. انما السكالبينج مش بييجي منه غير الخسارة النهائية
خسران : عارف .. وانت هتقولي
كسبان : طيب تمام .. تعرف حاجه عن التحليل الفني او الكلاسيكي او الترند المكسور
خسران : مممممممممم .. ايه ده الحاجات دي في الفوركس ؟؟
كسبان : ايوه طبعا يا عم دي عصب الفوركس .. انت لازم تتعلم وتقرا عن الدعوم والمقاومات والدايفرجنس والترند والاختبار والفيبو والبيفوت وازاي تحدد الحاجات دي بنفسك وتشتغل عليها
خسران : طيب وهعرف الحاجات دي كلها ازاي ؟؟؟
كسبان : عندك المتداول العربي مليان مواضيع عن كل ده انت بس ابحث ولو لقيت حاجه مش واضحة اسأل فيها الاخوة وهما مش هيتأخروا عليك
خسران : طيب هحاول اتعلم من جديد .. واشوفك بعد فتره اكون اتعلمت
كسبان : بس خلي بالك .. لازم تدي نفسك وقت للتعليم ووقت للممارسة علي الديمو .. وبعدها تفتح حساب حقيقي وتتاجر بنفسك
خسران : حاضر
كسبان : يالا بقي انا قايم علشان عاوز بكرة انزل البنك لاني هسحب من الحساب .. اشوفك مره تانية ان شاء الله
خسران : ربنا يزيدك من فضلة.. بس ممكن طلب؟؟
كسبان : اتفضل أؤمر
خسران : ياريت بس تحاسب لحسن اخوك ع الحديدة ومديون كمان
كسبان : السلام عليكم
وبعد عدة ثواني
خسران : هاه . وعليكم السلام ورحمة الله وبركاته .. معلش مش واخد بالي
كسبان : ليه كده .. ايه اللي واخد عقلك يا راجل
خسران مفيش .. بس اصل ده خامس حساب اخسره ، مش عارف اعمل ايه تاني
كسبان : خااااااااااااااااااامس حساب .. ليه بس كده يا راجل حرام عليك .. احكيلي ايه اللي حصل
خسران : مفيش .. حكايتي ببساطة اول ماعرفت الفوركس من 3 شهور
يقاطعه كسبان : 3 شهور ؟؟؟ !!!
ويستمر خسران بالمحادثة : يعني حوالي شهرين ونص او 3 شهور مش فاكر بالظبط .. المهم عرفت الفوركس وابتديت اكسب علي الديمو وفتحت حساب حقيقي وابتديت اتعامل
المجنون .. كل ما اخذه بيع يطير لفوق كل ما اشتريه يطير لتحت .. لغاية ما الحساب طار
كسبان : طيب وبعدين عملت ايه المفروض تتعلم من البداية مش كده ؟؟
خسران : لا .. فتحت حساب مره تانية واودعت فيه مبلغ وقدره وقولت اكتفي بنقطتين او 5 نقط بالكتير .. اول يوم كانت ماشية معايا حلاوة .. وكسبت حوالي 40% من الحساب
اليوم اللي بعديه السعر انعكس عليا 60 نقطة .. علشان خبر مكنتش اخدت بالي منه وللاسف خسرت 85% من الحساب
كسبان : لا حول ولا قوة الا بالله .. ربنا يعوض عليك
خسران : بعدها عرفت ان طريقي للنجاح في المؤشرات .. جربت استراتيجيات كتير تعتمد علي الموفنجات .. بس برضه للاسف كل ما يظهر اشارة شراء واشتري تظهر اشارة بيع بعدها وتعكس عليا واخرج من الصفقة خسران .. وكذلك الستوكاستيك والار اس اي .. لغاية ما بقيت هتجنن
بس انا مكدبتش خبر .. اودعت مبلغ اخر بالحساب واعطيته لصديق لي لإدارته ( صديق ثقة يعني ) المهم بعد اسبوع الاقي الي باقي بالحساب 30% وقالي لاخبار كانت عنيفة اوي في الاسبوع ده
وانا دلوقت بقيت مديون ومش عارف اعمل ايه بس تاني اعمل ايه ياربي
كسبان : طيب اهدي بس واسمعني .. المؤشرات دي ليها اسس علشان تتعامل معاها ... انت الاول تعرف حاجه عن ادارة رأس المال
خسران : ايوة طبعا مش اللي هي 10% دي .. ان مدخلش اي صفقة باكتر من 10% من الحساب .. يا عم ده كلام فاضي .. جربتها في اول حساب ليا وخسرته كله
كسبان : طيب بس اسمعني ، اولا ادارة راس المال مش انك تدخل ب 10% من حسابك خالص ، ثانيا النسبة المطلوبة المفروض متزيدش عن 1 -2% بالكتير وتكون ملتزم باستوب علشان لو لا قدر الله ضربت الاستوب نفسيتك متتأثرش وتقدر تكمل
خسران : طيب وبعدين
كسبان : في حاجه تانية يا باشا ، ادارة رأس المال هي انك تحسب عدد نقط الوقف طبقا للطريقة بتاعتك وبناءا عليها تحسب قيمة اللوت وتضعه بالصفقة علي الا يزيد عن 1-2% حسب هدفك اليومي
خسران يقاطعه : هدفي اليومي؟؟؟
كسبان : ايوه طبعا هدفك اليومي .. انت لازم تكون محدد ليك هدف يومي تلتزم بتحقيقه وكذلك وقف خسارة يومي
خسران : ازاي يعني
كسبان : يعني تحدد نسبة معينة من الخسارة بعدها تكتفي بالمضاربة هذا اليوم ، مثل 4-5% وكذلك الربح .. ولازم نسبة الربح الي الخسارة بالصفقة يكون اكثر 1 زي 1:2 او 1:3 . بكده اضمنلك انك عمرك ما هتخسر
خسران : عمري ما هسخر .. عمري ما هخسر ؟؟
كسبان : ايوه طبعا عمرك ما هتخسر .. بس لازم يكون معاك طريقة كويسة تقدر تجيب بيها اهدافك زي الناس الناجحين
خسران : سكالبينج ينفع ؟؟
كسبان : لالالالالالا .. انا اقصد بطريقة استراتيجية او طريقة فنية تكون جربتها علي الاقل لمدة شهر او شهرين واعتمدت ربحها ورضيت بيه .. انما السكالبينج مش بييجي منه غير الخسارة النهائية
خسران : عارف .. وانت هتقولي
كسبان : طيب تمام .. تعرف حاجه عن التحليل الفني او الكلاسيكي او الترند المكسور
خسران : مممممممممم .. ايه ده الحاجات دي في الفوركس ؟؟
كسبان : ايوه طبعا يا عم دي عصب الفوركس .. انت لازم تتعلم وتقرا عن الدعوم والمقاومات والدايفرجنس والترند والاختبار والفيبو والبيفوت وازاي تحدد الحاجات دي بنفسك وتشتغل عليها
خسران : طيب وهعرف الحاجات دي كلها ازاي ؟؟؟
كسبان : عندك المتداول العربي مليان مواضيع عن كل ده انت بس ابحث ولو لقيت حاجه مش واضحة اسأل فيها الاخوة وهما مش هيتأخروا عليك
خسران : طيب هحاول اتعلم من جديد .. واشوفك بعد فتره اكون اتعلمت
كسبان : بس خلي بالك .. لازم تدي نفسك وقت للتعليم ووقت للممارسة علي الديمو .. وبعدها تفتح حساب حقيقي وتتاجر بنفسك
خسران : حاضر
كسبان : يالا بقي انا قايم علشان عاوز بكرة انزل البنك لاني هسحب من الحساب .. اشوفك مره تانية ان شاء الله
خسران : ربنا يزيدك من فضلة.. بس ممكن طلب؟؟
كسبان : اتفضل أؤمر
خسران : ياريت بس تحاسب لحسن اخوك ع الحديدة ومديون كمان