doaa sary
05-24-2016, 14:57
السلام عليكم ورحمة الله وبركاته
صباح الهنا والسرور علي عيون كل أعضاء منتدانا العظيم
قبل ما أتكلم وأقول أي حاجة .. صلوا علي رسول الله
ضبط النفس هو منعها من التصرف خطأ في المواقف الطارئة والمفاجئة التي تتطلب قدرا من الشجاعة والحكمة وحسن التصرف
واسمحولي أتكلم بالبلدي كدا بعيد عن العربية الفصحي والتشكيل
في الحقيقة أنا إتأخرت كتير في طرح الموضوع دا وكان نفسي أكتبه من بدري جدا
لأني ملاحظ ظاهرة في المنتدي مش جديدة ولكنها بتظهر علي فترات
( س ) له رأي .. و ( ص ) له رأي آخر
اختلاف الأراء واختلاف وجهات النظر دا ليه نترجمه بأن واحد من الاتنين مخطئ والتاني علي صواب
ليه نوصل النقاشات إلي تعصب وعند ونترك مساحة يقف بيننا شيطان الإنس والجن
انا عرضت وجهة نظري وفلان عرض وجهة نظره .. فيه اختلاف في الآراء بس خلونا نتفق علي حاجات تانية أهم
خلونا نكون متفقين علي احترام وجهات نظرنا .. خلونا نلتزم باسلوب محترم في الحديث ..خلونا نقدر أحاسيس وشعور بعض
احنا مش في منتدي رياضي علشان نشوف العصبية والنرفزة دي .. علي إيه التعصب دا كله ؟؟
مين مستفيد لما نلاقي ( س ) بيغلط في ( ص ) .. و ( ص ) بيشتم ( س )
والاتنين نفسهم استفادوا إيه غير وجع القلب وشيل الذنوب
لما عضو يدخل موضوع يلاقي واحد بيشتمه أو بيستهزئ بيه مفيش أسهل من انه يفتح مشاركة جديدة والتخبيط علي الكيبورد ببلاش
بس ليه نوصل الأمور للدرجة دي .. ليه ما نخليش عقلنا يسبق لساننا .. ليه نتسرع بالغلط
سيدنا رسول الله قال "من كظم غيظا وهو يقدر على أن ينفذه ملأ الله جوفه أمنا وإيمانا "
والله العظيم انا بقول الكلام دا لأني عارف معادن الناس هنا وطيب أصلهم
وأي موقف مش لطيف بيكون وقفة شيطان وكل واحد بيتخيل له ان منظره او شكله بقي وحش ولازم ياخد حقه
ما نخليش اختلافنا في الاراء يوقف بيننا شيطان ونغلط في بعض
طيب هات ( س ) و ( ص ) واقعد معاهم وجها لوجه وخليهم يتكلموا وكل واحد يعرض وجهة نظره
هيختلفوا أه .. بس مش هيغلطوا في بعض أبداً .. يبقي العيب فين ؟
العيب ان الكيبورد أجرأ من لسان كل واحد فيهم .. بيكتب كلام وقت نرفزة لسانه يخجل ينطق بيه
اتق الله فيما تكتب " وما يلفظ من قول إلا لديه رقيب عتيد "
لازم نحكم عقولنا ونرتقي باسلوب الحوار مع الغير
والفايدة من المنتديات في الاساس اننا نتناقش ونعرض وجهات نظرنا لبعض في جو أسري باسلوب محترم
نتناقش ونتكلم ونتعارض .. بس بعيد عن الشد والعصبية
مشاركتك السيئة دي تشهد عليك في الدنيا وفي الآخرة ولو فيها اي افادة هشجعك علي الغلط
بس للأسف كل اللي هيعود عليك إنك أخدت ذنوب وخليت الناس تاخد عنك انطباع سئ
خلي مشاركاتك تطلع فيك الحاجات الحلوة اللي جواك بس .
لو حد غلط فيك .. هتاخد حقك بس بالهدوء والادارة مش مقصرة في اي شئ
معلش انا طولت في الكلام كتير و كلامي مش موجه لأي حد
بس عاوزين يبقي بيننا روح طيبة وجو اجتماعي نضيف .. عاوزين كل المواضيع تبرق من اسلوب الحوار المحترم بين الاعضاء فيها
مش بطلب من ( س ) يعتذر ل ( ص ) ولا ( ص ) يبوس راس ( س )
عاوزين ننسي كل اللي فات ونبدأ بيننا كلنا صفحة جديدة بيضا خالية من أي شوائب
عاوزين نبعد الشيطان عننا ونخلي الكيبورد تقول أحلي كلام
" فقلت استغفروا ربكم إنه كان غفارا "
استغفروا الله واستعيذوا به من الشيطان الرجيم
صباح الهنا والسرور علي عيون كل أعضاء منتدانا العظيم
قبل ما أتكلم وأقول أي حاجة .. صلوا علي رسول الله
ضبط النفس هو منعها من التصرف خطأ في المواقف الطارئة والمفاجئة التي تتطلب قدرا من الشجاعة والحكمة وحسن التصرف
واسمحولي أتكلم بالبلدي كدا بعيد عن العربية الفصحي والتشكيل
في الحقيقة أنا إتأخرت كتير في طرح الموضوع دا وكان نفسي أكتبه من بدري جدا
لأني ملاحظ ظاهرة في المنتدي مش جديدة ولكنها بتظهر علي فترات
( س ) له رأي .. و ( ص ) له رأي آخر
اختلاف الأراء واختلاف وجهات النظر دا ليه نترجمه بأن واحد من الاتنين مخطئ والتاني علي صواب
ليه نوصل النقاشات إلي تعصب وعند ونترك مساحة يقف بيننا شيطان الإنس والجن
انا عرضت وجهة نظري وفلان عرض وجهة نظره .. فيه اختلاف في الآراء بس خلونا نتفق علي حاجات تانية أهم
خلونا نكون متفقين علي احترام وجهات نظرنا .. خلونا نلتزم باسلوب محترم في الحديث ..خلونا نقدر أحاسيس وشعور بعض
احنا مش في منتدي رياضي علشان نشوف العصبية والنرفزة دي .. علي إيه التعصب دا كله ؟؟
مين مستفيد لما نلاقي ( س ) بيغلط في ( ص ) .. و ( ص ) بيشتم ( س )
والاتنين نفسهم استفادوا إيه غير وجع القلب وشيل الذنوب
لما عضو يدخل موضوع يلاقي واحد بيشتمه أو بيستهزئ بيه مفيش أسهل من انه يفتح مشاركة جديدة والتخبيط علي الكيبورد ببلاش
بس ليه نوصل الأمور للدرجة دي .. ليه ما نخليش عقلنا يسبق لساننا .. ليه نتسرع بالغلط
سيدنا رسول الله قال "من كظم غيظا وهو يقدر على أن ينفذه ملأ الله جوفه أمنا وإيمانا "
والله العظيم انا بقول الكلام دا لأني عارف معادن الناس هنا وطيب أصلهم
وأي موقف مش لطيف بيكون وقفة شيطان وكل واحد بيتخيل له ان منظره او شكله بقي وحش ولازم ياخد حقه
ما نخليش اختلافنا في الاراء يوقف بيننا شيطان ونغلط في بعض
طيب هات ( س ) و ( ص ) واقعد معاهم وجها لوجه وخليهم يتكلموا وكل واحد يعرض وجهة نظره
هيختلفوا أه .. بس مش هيغلطوا في بعض أبداً .. يبقي العيب فين ؟
العيب ان الكيبورد أجرأ من لسان كل واحد فيهم .. بيكتب كلام وقت نرفزة لسانه يخجل ينطق بيه
اتق الله فيما تكتب " وما يلفظ من قول إلا لديه رقيب عتيد "
لازم نحكم عقولنا ونرتقي باسلوب الحوار مع الغير
والفايدة من المنتديات في الاساس اننا نتناقش ونعرض وجهات نظرنا لبعض في جو أسري باسلوب محترم
نتناقش ونتكلم ونتعارض .. بس بعيد عن الشد والعصبية
مشاركتك السيئة دي تشهد عليك في الدنيا وفي الآخرة ولو فيها اي افادة هشجعك علي الغلط
بس للأسف كل اللي هيعود عليك إنك أخدت ذنوب وخليت الناس تاخد عنك انطباع سئ
خلي مشاركاتك تطلع فيك الحاجات الحلوة اللي جواك بس .
لو حد غلط فيك .. هتاخد حقك بس بالهدوء والادارة مش مقصرة في اي شئ
معلش انا طولت في الكلام كتير و كلامي مش موجه لأي حد
بس عاوزين يبقي بيننا روح طيبة وجو اجتماعي نضيف .. عاوزين كل المواضيع تبرق من اسلوب الحوار المحترم بين الاعضاء فيها
مش بطلب من ( س ) يعتذر ل ( ص ) ولا ( ص ) يبوس راس ( س )
عاوزين ننسي كل اللي فات ونبدأ بيننا كلنا صفحة جديدة بيضا خالية من أي شوائب
عاوزين نبعد الشيطان عننا ونخلي الكيبورد تقول أحلي كلام
" فقلت استغفروا ربكم إنه كان غفارا "
استغفروا الله واستعيذوا به من الشيطان الرجيم