علشان تعرف تشتغل فوركس كويس

[doaa sary]

السلام عليكم ورحمه الله وبركاته اخواني الكرام
يبقى علشان تشتغل فوركس تعرف ده كويس ...

انت داخل مع ناس بتحاربك ...مش سعادتك شوفت اتجاه صاعد

يبقى هتلاقى زوج العملة بيطلع على طوول ...كانت كل الناس كسبت

لازم يخوفك علشان تبيع ويكسب منك ..

طبعا سعادتك بتعتمد على التحليل الفنى على أساس

ان البنوك المركزية متعرفوش !!!

او انهم جايبين ناس لسه مبتدأة فى التحليل الفنى

...ديه ناس هى اللى بترسملك الشارت

هما اللى بيوهموك ان هنا فيه مقاومة ...وان هنا فيه دعم !!!!!

بيرسموا الشارت ...طبعا ..عذرا يعنى هما هايكسبوا من مين مش سعادتك ...

لازم يهيئوا لك كل حاجة ...ويسلطوا عليك محللين كمان يقولولك شارتات الربع ساعة

والنص والساعة ...بل ده ممكن يعملك نظرية على الخمس دقايق !!!

ليه كل ده ...هو عاوز يبعدك عن شارت الشهر والأسبوع ...وبعد كدة شارت اليوم

خصوصا شارت الشهر ...يزعل جدا لو فتحته ...طيب انت شوفت محللين اجانب بيحللوا

على شارت الشهر لك ...مع ان تحليلاتهم كلها بتعتمد على الشهرى والأسبوعى

بس لما ييجى يشرحلك لازم مايوضحش النقطة ديه ..

طبعا هما بيعملوا ايه ...هاقولك الطرق بتاعتهم وسعادتك

فاتح شارت ال 4 ساعات وفرحان


السعر هايكون بيتحرك من 100 ل 1500 ...تمام


هانفترض ان السعر ب 800 زى المثال السابق

هو هايعمل حاجة هايكسر لسعادتك مؤشرات ويعملك شموع عجيبة

انت ممكن تشوف شمعة طويلة اللى بيقولوا عليها ليموزين

اول مالناس تشوفها الحق ياجدع ده فيه صعود او هبوط كبير على حسب اتجاهها

يعنى ممكن ياخدك من 800 ويكون دعمه 600 يروح كسره ورايح 500 تقوم انت بايع

تانى يوم تلاقيه فاتح بفجوة او يجرى بسرعة ل 700 !!!

ايه ده ...افتحوا شارتات الأيام وماتضحكش على نفسك هل اغلب الأيام بتدل على

اليوم الذى يليها ...هو ده الفخ بتاع الفوركس ياصديقى

لذلك ...انت بتدرس الأتجاه ..وبتعمل قنواتك ..وشغال بهدوء

لكن هاتشتغل بطريقة اصله عنده دعم ..اصل هنا مقاومة

هتلاقى اغلب الدعوم بيكسرها وكذلك المقاومات

واحيانا كثيرة بيحترمها لا ننكر ذلك بس لماذا بيحترمها ...

علشان يؤكد فكرتها عندك وبعدين يضربها لك ضربة قاسية ...

لذلك هو بيعتمد انه يعملك ذبذبة عنيفة يخليك تتلخبط

او انه مش يوضح ليك اتجاه ...

طيب تعمل ايه وقتها ماتشتغلش ..

اوعى تشتغل وانت مش عارف اتجاه

اوعى تراهن على التصحيح ...

مش تشوفه كان ب 600 وطلع ل 1000 تقول كفاية كدة مفروض ينزل

وتقعد تبيع وهو يطلع ...انت محتاج محفظة بنكية علشان تقدر تستمر بالطريقة ديه

* يبقى ادرس الشهرى كويس ثم افتح الاسبوعى ثم اليومى ..وحدد اتجاهك

واشتغل على مراحل من خلال قنوات سعرية ...وهاتكسب ان شاء الله

لكن طرق الجلاجلا ...والسحر اللى بشوفها ديه ولا هاتفيدك بشئ

[beast4ever]

شكرا علي الموضوع المهم لكل متدوال مبتدا ومحتراف
وتمني ان اري موضيع اكثر منك
ليستفيد الجميع باذن لله وشكرا
وتقبل مروري ودمتم في حفظ لله تحياااتي
للجميع

[oroba]

بسم الله الرحمن الرحيم
من أجل تحقيق ربح جيد من الفوركس عليك بالحساب التجربيى.. طبعاً الحساب التجريبى ليس فيه أرباح حقيقية.. ولكنى أقصد أن تتعلم جيداً على الحساب التجريبى قبل الدخول للحساب الحقيقى لأنك إن لم تفعل ذلك ستحقق خسائر وليس أرباح.

[snnaky]

الكلام دة كان ممكن يكون افضل من كدة لو حضرتك اهتميت شوية بأنك تضع المعلومات الكاملة للشرح يعنى تضع شارت توضح علية الأداة الفنية اللى بتتكلم عنها ومراحل التطبيق علشان الأمور تكون افضل من خلال عرض شارت توضيحى وعرض تطبيق الادوات من خلالها على الشارت حتى تكتمل الأفادة الشرح مهم يا جماعة اهتموا بالشرح مش بالنقل

[Ayoya]

السلام عليكم ورحمه الله
يعني تضع شارا توضح عليه الاداه الفنيه اللي بتتكلم عنها
ومراحل التطبيق علشان الامور تكون افضل من خلال عرض
شارت توضيحي وعرض تطبيق الادوات من خلالها علي
الشارت حتي تكتمل الافاده الشرح مهم يا جماعه اهتموا
بالشرح مش بالنقل تقبل مروري وتحياتي لكم جميعا بالتوفيق للجميع

[leila yekhlef]

السلام عليكم ورحمة الله وبركاته شكرا اخي الفاضل على هذا الموضوع الرائع والمفيد، شخصيا استفدت منه كثيرا
أتمنى ان يستفيد منه جميع الاعضاء في المنتدى ، بالتوفيق للجميع .
تقبل مروري

[hanane hanane]

السلام عليكم ورحمة الله وبركاته
اخى الفاضل شكرا على مجهودك لكتابة هذه المعلومات
وانا شخصيا استفدت منه على رغم شرحة المبسط
تقبل مرورى
............................................