Heba Elhawal
03-21-2013, 16:42
تحسب شمال فـ يمين .. ناتج سنينك فين
تلقى النتيجة بـ صِفْر ..
تجمع فـ عُمر الشقا .. بين الفُراق و اللُقا
ويّا إللي راح منك .. فـ بيوتك الضيّقة
يطلع حسابك صِفْر ..
تطرح ساعات الفرح .. بعد الخصام و الصُلح
من قسوة الأيام .. تلقى حساب الطرّح
بعد المحبّة بـ صفر ..
تقسم عليك نفسك .. يومك على أمسك
بُكره على إللي جاي .. جهلك فـ مدرستك
القسمة خارجة بـ صفر ..
تضرب هوى المحبوب .. فى السُكر إللى يدوب
و تقّلّب الفنجان .. يصبّح هواك مضروب
ميّت و ضربُه بـ صفر ..
صفرين مع اللاشئ .. مشوار مالوهش طريق
سِكّة آخرها سراب .. عِشّرة ما فيها صديق
تبقى النهايّة بـ صفر .
تلقى النتيجة بـ صِفْر ..
تجمع فـ عُمر الشقا .. بين الفُراق و اللُقا
ويّا إللي راح منك .. فـ بيوتك الضيّقة
يطلع حسابك صِفْر ..
تطرح ساعات الفرح .. بعد الخصام و الصُلح
من قسوة الأيام .. تلقى حساب الطرّح
بعد المحبّة بـ صفر ..
تقسم عليك نفسك .. يومك على أمسك
بُكره على إللي جاي .. جهلك فـ مدرستك
القسمة خارجة بـ صفر ..
تضرب هوى المحبوب .. فى السُكر إللى يدوب
و تقّلّب الفنجان .. يصبّح هواك مضروب
ميّت و ضربُه بـ صفر ..
صفرين مع اللاشئ .. مشوار مالوهش طريق
سِكّة آخرها سراب .. عِشّرة ما فيها صديق
تبقى النهايّة بـ صفر .