عوامل صعود وهبوط السوق

[mahmoud552]

زي اي سوق في الدنيا او اي تجارة في الدنيا بتحكمه مجموعة قوانين اقتصادية منها البسيط ومنها المعقد ومنها المختلط باهداف سياسية

اهمها وابسطها قانون العرض والطلب اللي بيحدد السعر الحر لأي سلعة وكذلك العملات ..
بيتحدد السعر عند نقطة تلاقي او تقاطع محور العرض مع الطلب ووضع طبيعي لو السلعة المعروضة بكمية اكتر من الكمية المطلوبة السعر بيقل والعكس صحيح .. يعني مثلا لما السلعة بالبلدي كده تشح في السوق سعرها بيزيد او مثلا في دخول موسم الصيف الطلب على الملابس الصيفي بيزيد ف السعر بالتالي بيزيد بغض النظر عن ان التكلفة ممكن تكون ثابتة مثلا لكن اخر الموسم التكلفة واحدة لكن السعر بينزل بشكل ملحوظ عشان الطلب عليها بيقل ..

ف ممكن بقى مثلا تطلع قرارات سياسة نقدية من البنك المركزي في امريكا بزيادة اسعار الفايدة و خفض كمية الدولار في السوق مع ثبات الطلب ف سعر الدولار يزيد ..
او مثلا الاتحاد الاوروبي يقرر ضخ اموال زيادة في السوق ف اليورو سعره ينخفض وتنخفض معاه اسعار الفايدة وقيس على كده كل السلع مش الفوركس فقط

[snnaky]

انا معنديش اى مانع انك تعمل موضوع وتتكلم عن اداة فنية سواء كان هذا اداة جيدة او لا بس الاهم انك لما تعمل موضوع تضع ادوات الشرح فى الموضوع فين ياباشا ادوات الشرح بتاعتك مش معقول تكون بتكتب موضوع فنى وتتكلم عن اداة فنية بغض النظر عن اتفاقى او اختلافى فيها ومتعملش شروحات فنية وتنزل شارت توضح علية المحتوى