للمبتدئين في مجال العملات المشفرة

[DrSLax]

السلام عليكم ورحمة الله وبركاته


للمبتدئين في مجال العملات المشفرة
- ابعد عن مواقع Faucets يا هتلاقي منها نصب او منها الحقيقي بس ساعتها هتقضي وقت بالساعات عشان تجمع مئات الساتوشي .. يعني شوية ملاليم !!

- ابعد عن مواقع Hype و Investments احلى مواقع نصب .. خلاصتها هات 100 دولار تاخدهم 150 دولار بعد 15 يوم او شهر ومعاك لينك Referrals توزعه اللى يدخل تحت اسمك تاخد عليه فلوس .. طبعا اتقفشوا من هنا .. واتعمل مواقع تعدين بنفس الفكرة بردوا !!

- مواقع Cloud Mining ( التعدين السحابى ) بتختار منها العملة اللى حابب تعمل ليها تعدين عن طريق Contract سنوى ده Option او تشتري بالجيجا هاش او الميجا هاش ده Option تانى .. ومن اشهر المواقع المعروفة Genesis Mining أو Hashnest التابعة لشركة Bitmain ...

رأى الشخصي .. بلاش تعدين سحابى لانه مبقاش مربح خالص ...
وهقولك باختصار كده وعلى السريع ليه مبنصحش بـ Cloud Mining .. ركز معايا واحدة واحدة ...
دلوقتى نفترض انك معاك 3000 دولار ومحتار تشتري عقد فى شركة تعدين سحابى ولا تشتري عملات .. والمدة اللى عاوز تستثمر فيها المبلغ اللى معاك دى سنتين ...

التعدين فى شركة Genesis Mining وقت كتابة الرأى ده مفيهوش عقود غير XMR و ETH
الارقام اللى هقولها دى تقريبية .. ومدة الاستثمار سنتين بدون بيع او شراء .. تخزين العملة فقط ...

هنفترض انك هتشتري العقد الكبير بتاع المونيرو 2400 دولار ( 3000 هاش/ثانية ) .. ده بالصعوبة ( وقت كتابة الرأى ده ) هيجبلك يوميا حوالى 6 دولار يعنى تقريبا 0.053 XMR يوميا .. يعنى فى السنة حوالى 2130 دولار يعنى تقريبا 15.5 XMR بصعوبة ( وقت كتابة الرأى ده ) .. اضرب فى اتنين يعنى بعد سنتين 4260 دولار يعنى تقريبا 31 XMR بصعوبة ( وقت كتابة الرأى ده ) ...

انت عندك صعوبة التعدين هتزيد بشكل كبير .. فبعد سنة افترض ان الصعوبة زادت الضعف يعنى بدل ما كان بيجيلك 15.5 هيجيلك 7.75 .. والسنة الثانية برده افترض زيادة الضعف يعنى بدل ما كان بيجيلك 7.75 فى السنة الاولى هيجيلك 3.8 مثلا .. هتلاقى ان بعد سنتين من اشتراكك جالك منه حوالى 12 XMR .. طب السعر اكيد هيزيد؟ لكام؟ على حسب السوق .. بس خلينا نفترض انه هيزيد بعد سنتين 5 اضعاف سعر النهاردة .. يعنى بدل حوالى 112 دولار ( وقت كتابة الرأى ده ) هيكون بعد سنتين 560 دولار .. يعنى 6720 دولار بعد سنتين !!

ايه ده طب ما هو مربح اهو .. حطيت 2400 دولار جالى بعد سنتين 6720 دولار .. لا طبعا مش مربح .. لانك لو اشتريت بسعر ( وقت كتابة الرأى ده ) ب 2400 دولار XMR هتشتري حوالى 21.5 XMR .. سيبتهم لسنتين فى محفظة ب Private Key بالسعر الافتراضى اللى بعد سنتين 560 دولار هتلاقى نفسك عامل حوالى 12000 دولار يعنى فرق 5280 دولار !!

بالاضافة ان انت طبعا دفعت فلوس العقد مقدما ومستنى الربح يوميا .. فلو لا قدر الله الموقع اتهكر .. ايه؟! مفيش هتكتئب بس .. لكن لما تشتري العملة وهى فى محفظتك وفى نفس الوقت انت المتحكم الوحيد فيها ومتابع تحديثاتها واخبارها اول بأول .. هيكون افضل بكتير ...

قيس على كده كل العقود اللى انت عاوزها من 100 دولار لـ 3000 دولار
لو مش مقتنع بكلامى عادى .. اشتري وبعد سنتين ان شاء الله قولى الدنيا مشيت ازاى ...

- اقرأ الاسئلة دى هتديلك نبذة كويسة بالأخص عن البيتكوين فى البداية ...

https://bitcoin.org/ar/faq

- ادخل على المواقع دى هتعرف منها معلومات عن كل عملة سواء للتداول او التعدين ...

Bitinfocharts.com
Coinmarketcap.com
CoinWarz.com
Whattomine.com

- الـ Trade فى العملات المشفرة بشكل يومى او اسبوعى محتاج شخص عنده خبرة فى Technical Analysis ومتابع سوق العملات المشفرة واخباره من فترة لا تقل عن 6 شهور .. وانت كشخص مبتدئ محتاج وقت عشان تفهم وتتابع الاخبار اللى فاتتك .. فـ متتسرعش عشان متتحبسش فى عملة تشتريها بسعر عالى وتنزل وبعدها تفضل منتظر انها تطلع عشان تبيع من غير خسارة .. افضل حل ليك Invest فى البيتكوين فى الكام شهر اللى هتتعلم فيهم .. يعنى اشتري بالمبلغ اللى معاك بيتكوين وخليهم على محفظتك الخاصة بيك وتابع السوق بتاعه .. ولما تلاقى نفسك فهمت الدنيا ماشية ازاى وتابعت اللى فاتك كويس .. ساعتها هتقدر تحدد تبيع وتشتري ايه وامتى ...

- فى عالم العملات المشفرة تكون الاخبار المتداولة على المواقع هى العامل الاول فى ارتفاع وهبوط سعر العملة .. وكثير من الناس تعتقد أن اخبار العملات المشفرة تساعدهم فى اتخاذ القرارات المتعلقة باستثماراتهم ولكن ده مش صح دائما .. هتلاقى اخبار مُضللة كثيرة هدفها ارتفاع وانخفاض سعر العملات بشكل جنونى لخلق توتر فى السوق وده هيخليك تاخد قرار ببيع او شراء العملة فى وقت خطأ يضر باستثمارك .. فحاول تتأكد من صحة الأخبار عن طريق المواقع الرسمية الخاصة بالعملة المشفرة ...

[antr]

مشكور اخى على النصايح وكفاية غير النصب كفاية تضيع الوقت فى مواقع وكبتشا لا يوجد منها اى نتيجة نذكر خالص لانه الربح لابد ان يكون مجزى

[Faroukali]

خطوات الحصول على الريبل
عليك الدخول لمنصة الشركة و القيام بإنشاء حساب و تأكيد الايميل للإشارة لمنصة التي تتميز بحماية خارقة حيث تقوم بعمل حماية من خلال خاصية google Authenticator .بعد اكتمال عملية التسجيل لحسابك يجب عليك ان تقوم بتأكيد تفعيلة و ذلك عن طريق ارسال صوة من بطاقتك الشخصية أو جواز السفر و نسخة عن صورة لوثيقة إثبات لعنونك مثل فاتورة ماء أو فاتورة كهرباء أو صورة عن كشف لحساب مصرفي خاص بك كما يجب أن تتأكد من أن العنوان الذي قمت بإرساله مطابق للعنوان المدون في البطاقة الشخصيةبعدها سوف يتم تفعيل حسابك خلال 24 ساعة

[بروفسير العرب]

نصائح جيدة علشان النصب بدت يكتر فى كل مجال بشتهر وناس تبدا تعمل به بجد هتبا تلاقى النصابين بداو يتخذون دورهم ويعملون فى هذا المجال بجهد عالى

[belgacem1985]

السلام عليكم و رحمة الله و بركاته.
مشكور اخي الكريم على هذا التحليل المنطقي و الشرح المبسط للعمولات المشفرة خصوصا للمبتدئين.
فعلا معلومات و نصائح في غاية الاهمية . اتمنى من جميع اعضاء المنتدى المبتدئين الاستفادة منها.
بالتوفيق للجميع.

[Fadel123]

سلام نصائح جيدة علشان النصب بدت يكتر فى كل مجال بشتهر وناس تبدا تعمل به بجد هتبا تلاقى النصابين بداو يتخذون دورهم ويعملون فى هذا المجال بجهد عالى شكرا.

[MenooAmoo]

البيتكوين هي احدى العملات الرقمية، وسميت بهذا الاسم لأنها تستخدم التشفير من أجل السيطرة على إنشائها وتحويلها إلى المال. البيتكوين هي عملات افتراضية تنشئ عن طريق الإنترنت ويمكن أن تستخدم في أي مكان يقبلن بها بتعاملات شرعية. هذه العملة هي العملة العالمية اللامركزية الأولى.

عندما يقوم مستخدم البيتكوين بإستخدامها للشراء أو دفع رسوم خدمات من أي نوع، فإن عملية الدفع تؤدي إلى بث العملية المالية إلى شبكة البتكوين. عملية البيتكوين هذه هي عبارة عن رسالة موقعة رقمياً تنقل ملكية البتكوين من عنوان إلى آخر.

تعاملات البيتكوين لا تمر عبر مؤسسة مصرفية وتزيل الرسوم البنكية العادية. بدلاً من ذلك، يتم إجرائها عادة من خلال حساب يشار إليه بإسم المحفظة الرقمية عن طريق الشركات الموثوقة لتداول العملات المشفرة.

تداول البيتكوين
يتم حساب سعر البيتكوين من خلال نسبة البيتكوين إلى العملة الأخرى، مثل الدولار الأمريكي. من الصعب رسم أسعار الصرف المستقبلية مقابل عملات مثل الدولار الأمريكي أو اليورو لأن البتكوين غير مدعومة من أي مؤسسة مصرفية ويمكن أن تتقلب بشكل عشوائي لأي أسباب سياسية أو مالية. هناك حالياً العديد من البورصات على الإنترنت حيث يمكن استبدال البيتكوين بالدولار أو اليورو أو أي عملة أخرى.

تباع البيتكوين اليوم عند سعر فوق 566.00$. سعر البيتكوين/يورو هو 411.10 و البيتكوين/دولار كندي هو 634.00 دولار كندي.

الفكرة الرئيسية وراء البيتكوين هي التعاملات المالية الرخيصة والسرية. غالباً ما يتم مقارنة البتكوين بالذهب. هناك عدد محدود من البتكوين، وهو 21 مليون، وسوف يستمر انتاجها حتى العام 2140. كما هو الحال مع الذهب، يتم التنجيم أو التعدين من أجل الحصول على البتكوين، و يتم إستخراج البيتكوين عن طريق الإنترنت بإستخدام خوارزميات معقدة.

تحليل البيتكوين يدل على اتجاه تداول العملة الرقمية. اعرف أكثر عن كيف تتحرك أسعار البيتكوين وكيف تستخدم في أسواق العملات من خلال قراءة التحليلات اليومية عن البيتكوين المتوفرة في هذا القسم.....

وجميع الاسعار قابله للتغيير

[ehabbob]

السلام عليكم ورحمه الله وبركاته
جهد مشكور و مشاركة ممتازة تتسم بالوضوح و الترتيب في نقاط محددة و ننتظر المشاركات القادمة على نفس المستوي من الدقة و التحديد و التنظيم و ذلك من كل اعضاء المنتدي حتى تعم الفائدة على كل من يقرا المشاركات و يتفاعل معها و يشارك بالتعليق او السؤال او الاستكمال او التصحيح من باب نشر المعرفة و بالتوفيق للجميع دوما للجميع في التداول او المنتدي

[riadhweb]

السلام عليكم و رحمة الله و بركاته
قد يكون فعل الاستثمار مربكًا في البداية ، والسبب هو الخوف من المخاطرة بمالك،
ففي اول مبلغ تستثمره لا تفكر ف يالمبلغ بقدر التفكير في كسب الخبرة في المجال،
و ايضا ما تحتاج إلى التفكير فيه هو الفوائد التي يمكن أن تستفيد من المخاطرة في الاستثمار.
و من طرق الاستثمار في العملات المشفرة

1) اللعب الآمن
هذه هي الطريقة المفضلة لاستثمار الاموال، “اللعب الآمن” تتكون من وضع نصف (أو أقل) من أموال الاستثمار الخاصة بك على عملة مشفرة أكثر استقرارًا ، وبقية الأموال على العملات المشفرة الناشئة الأكثر تقلبًا. أعني الجديدة ، العملات المشفرة التي دخلت السوق مؤخرًا.

2) الإستثمار العادي
هو الأكثر شيوعا. كما يوحي الاسم ، فإن الهدف هو وضع كل أموال استثمارك (100 دولار في حالتنا) على عملات المشفرة ثابتة و “آمنة” (يصعب ان ينخفض سعرها كثيرًا).

يجب عليك اختيار عملة مشفرة لها رسملة سوق مرتفعة ومتوسط إلى سعر مرتفع ، وهذا يعني عادة أن المجتمع يتلقى العملة على أنها من الأصول القيمة. في حالتي ، أود أن أضع 100 دولار على الإثريوم لأنني أعتقد أنه في الوقت الحالي ، هي العملة الرقمية المشفرة ذات الإمكانيات الأكبر في سوق التشفير .

و بالتوفيق للجميع

[Mahmoud Rashwan]

السلام عليكم ورحمه الله وبركاته..
شكراً لك أخي علي المعلومات الهامة والجميلة دي .. بالتوفيق للجميع ان شاء الله

[Eman eltaib]

نصيحه مهمه وجهد مشكور عليه تمنياتنا لكم بالنجاح
تحياتي

[mohammed fawzy]

forexحساب تجريبي (https://www.at**.com/gm/ar/forex-demo-account/)