ahmed 923
12-22-2017, 14:57
بالنسبة للبيتكيون بعيدا عن اي اتجاه او تحليل او مضاربة عليه او ربح او خسارة ، ازاي اشتري عملة بليل ب 15 الف عشان اروح اشتري بيها لابتوب من موقع او احولها لصديق يصرفها هو ب 15 الف او اشتري عربية او ادفع ايجار بيت او لاي سبب كان و اصحى من النوم الاقيها ب 10 الاف ، هل دي عملة تستحق اني اتعامل بيها ؟ في رأي الشخصي لا طبعا و اتوقع جميع الناس الفاهمة في العملة سواء في المضاربة عليها او التعامل بها مش هيقبلوا يتعاملوا معاملات يومية بعملة تزيد قيمتها او تقل بالطريقة دي ، تستنتج من الكلام ان البيتكون مش هقول فقاعة عشان في ناس بتستخف بالكلمة دي بس هقول هيقل الطلب عليها اكثر و اكثر و السيولة الي كانت بتحركها بطريقة كبيرة هتقل عشان الناس تقدر تستخدمها في التعاملات اليومية و تبقى قيمتها الى حد ما ثابتة او متغيرة بفرق بسيط زي اي عملة حقيقة و لو ده محصلش قريبا لن تكون لها قيمة لان الطلب عليها هيقل و الطلب هو الشيء الوحيد الي عاملها قيمة ليس هناك اي شيء يحافظ على قيمتها الا الطلب ، ناس هتقول لا في اخبار سلبية لا ده تصحيح لا دي مستقبلها كبير انا احترم وجهات نظرهم لكن بطلب منهم يفكروا بعقل و حكمة انت راجل بتبيع و بتشتري اكل و شرب و حياة كاملة بعملة معينة ده في المستقبل يعني لما البيتكوين ينتشر اكتر من كدا مثلا هل هتوافق تتعامل بعملة قيمتها بتتحرك بالطريقة دي ؟ لنقول مثلا انك مضارب في العملة يعني قبل ما بتفكر هتكسب كام من العملة بتفكر هتخسر كام حسب تحليل فني او اي طريقة اخرى و العملات الرقمية ليس لها قواعد تحليل فنية غير العرض و الطلب لا تحليل فني ولا اساسي هينفع معاها لان ليس لها بيانات قديمة او بيانتها القديمة غير طبيعية بسبب ازدياد الطلب في فترة قليلة وهذا لم يحدث ابدا في اي عملة حقيقية ف طبيعي تلاقيها بتتباع بنفس الطريقة الي صعدت بيها و انا حقيقي مكنتش متاكد انها هتتباع لان عالم العملات عالم احتمالات لكن لما فكرت بعقل و مع بعض المؤشرات استبعدت تماما ارتفاعها اكثر من ذلك خصوصا بعد ما تم ادراجها في البورصة الامريكية توقعت ان الشركات و المضاربين اصحاب السيولة هيبيعوها في كل الاحوال عشان يعملوا عملية موازنة لسعرها و استقرار او عشان زادت عن قيمتها الحقيقية Overvalued وعليها فرصة بيع قوية والناس دي ميهمهاش العملة الي يهمها تعمل فلوس و خلاص ، اتمنى من كل واحد بيشتغل في العملة دراسة الوضع بنفسة و تحكيم عقله قبل اتخاذ اي قرار سواء لشراء او بيع و عدم السماع لاي حديث في اي مواقع اخرى لديك علم اساسي لتحركات العملة من 200 سنة ادرس طريقة تحرك اي عملة و بعد كدا طبقها على اي عملة كل الي هتحتاجه هو الشارت و اغلب الاخبار الي بتطلع او هتطلع هي مجرد اشاعات تحديدا في سلة العملات الرقمية و عموما في سوق العملات ، مش بخوف حد البيتكوين ممكن يرتفع اه ممكن الايثريوم اه ممكن اي عملة ممكن ترتفع او تنخفض و ده وارد و كلها احتاملات اعرف انت هتشتري ايه او هتبيع ايه و امتى و ازاي وبس ،،
بالنسبة للسيولة في السوق حاليا بدأت تقل جدا بسبب نهاية السنة و الاجازات ف متوقعش يكون في فرص تستحق الدخول بجانب ان الشركات هترفع السبريد بشكل مبالغ فيه ، انصحكم باقفال كل المراكز و مراقبة السوق من بعيد الى بداية السنة الجديد ، اجازة سعيدة على الجميع وجمعة مباركة ،،
بالنسبة للسيولة في السوق حاليا بدأت تقل جدا بسبب نهاية السنة و الاجازات ف متوقعش يكون في فرص تستحق الدخول بجانب ان الشركات هترفع السبريد بشكل مبالغ فيه ، انصحكم باقفال كل المراكز و مراقبة السوق من بعيد الى بداية السنة الجديد ، اجازة سعيدة على الجميع وجمعة مباركة ،،