mouda
10-20-2013, 02:10
لما تبقى مخنوق قاعد وسط كتير بس حاسس انك لوحدك محدش حاسس بيك خايف تحكى محدش يفهم ايه اللى فيك تقول يارب و تحس انك عايز تكلم معاه و هو بس اللى هيحس بيك تروح تتوضا و توقف بين ايده لما تقول الله اكبر تحس انك اتعزلت عن العالم اللى حوليك انت معاه هو بس و انت بتقرأ الفاتحة و بتقول اياك نعبد و اياك نستعين تقولها من قلبك اوى و لما تقول اهدنا الصراط المستقيم بتبقى نفسك يهديك و يغفرلك .. تركع و بعدين تجى اللحظة اللى انت مستنيها تسجد بين ايده و تفضل تقوله كل اللى فى قلبك تقوله يارب عصيتك اغفرلى يارب بحبك قربنى ليك تقوله يارب تعبان ريحينى يارب مخنوق فرحنى بتقوله كل اللى جواك و تبكى تحس انه بيسمعك و عايزك تخرج كل اللى جواك بتقول كل اللى عايزه و انت مش خايف يفهمك غلط هو عارف قصدك من غير ما تشرح من رحمته عارف اللى هتقوله و بردو بيسمعك. تخلص الركعتين تحس انك فى عالم تانى خلاص مش قلقان ولا مخنوق تحس براحة غريبة متوصفش تحس انك خلاص مش خايف من حاجة و مطمن ان الكريم هو اللى بيدبر امرك و مستحيل يدبر ليك غير الخير.. خسران كتييييييير اوى اللى مش بيشكى لربه همه هو انت ليك غيره ؟ كل اللى عندك ديه نِعمه عليك بتعصيه و بردو لسا موجودة هو اللى رزقك الصحاب و العيله و الستر و الصحة ليك غيره ؟ حد فى أيده سعادتك و راحتك و رزقك غيره ؟ حد ارحم بيك من ربنا ؟ مستنى ايه عشان ترجعلوا ؟ قال سبحانه و تعالى "قل يا عبادى الذين اسرفوا على انفسهم لا تقنطوا من رحمة الله ان الله يغفر الذنوب جميعا انه هو الغفور الرحيم" من عظمة الأيه ديه ان ربنا بيكلم عباده اللى اسرفوا على انفسهم بمعاصى بتعصيه و بردو عايزك تقرب منه و ترجع ليهِ يعنى ربنا لم يقول قل يا عبادى الذاكرين او الصائمين لأ هو بيقول للبيعصيه ارجع اوعى تيأس و انا هغفرك بس انت ارجع و توب..فى كمان حديثى قدسى انا بحبه جدا ربنا بيقول فيه "أهل معصيتى لا اقنطهم من رحمتى ان تابوا الى فأنا حبيبهم و ان ابوا فأنا طبيبهم ابتليهم بالمصائب لأطهرهم من المعايب و من اتانى منهم تائبا تلقيته من بعيد و من اعرض عنى ناديته من قريب أقول له : اين تذهب ؟ ألك رب سواى ! هو احنا لينا غير ربنا ؟