ahmed 923
01-27-2018, 18:17
اغلبنا شاف فيلم انسبشن "inception" ومعناه زرع الافكار ، عارف يعني تزرع فكرة في دماغ شخص ؟ موضوع خطير جدا ممكن يؤدي لتغير معتقدات الشخص و افكارة و مبادئه ويبدا يتصرف بشكل لا ارادي كانه حصله غسيل دماغ ، علاقة الموضوع ده بينا كمضاربين بيخص السيكولوجية و النفسية وبيحصل كل يوم و بشكل مستمر ، عبارة عن اشاعات و اخبار ، لو تفتكروا البيتكوين مين الي عمل فلوس منه ؟ الناس الي مخفتش تدخل حتى و السعر مرتفع و كان في ناس كتير بتقول دي فقاعة و هتنفجر منهم انا شخصيا وانا مدخلتش شراء ايامها ولكن عرفت انه مهما الناس تتكلم سيبك منهم و بص على الحقيقية الي قدامك على الشارت و فكر ، و بعد ما صعد كتير بدات الناس الي كانت خايفة تدخل من القمم في منهم لحق ياخد جزء من الترند و يخرج بارباح و منهم الي ملحقش و فضل مستني لاخر لحظة و اشترى باعلى سعر و خسر لما هبط البيتكوين ، لانه خاف و انزرعت في دماغه لفترة طويلة فكرة ان البيتكوين خطر و فقاعة وفاتوا الربح و كمان بعد ما غير رأيه واشترى من فوق نزل البيتكوين و خسر و يقعد يقلك انا فقري والمجال ده مفيهوش ربح ، المجال ده في ربح بس للناس الي هتفهم مش هتحفظ ، مثال مباشر الان من السوق ، اليورو دولار البنك المركزي الاوربي بيقول ان مستويات مرتفعة لليورو تضر باقتصادنا ، كده هو زرع الفكرة عند الناس ان اليورو هيضعف ولازم يتباع و بدأو يحللوا بناء على الكلام ده و طبعا الكلام ده ممكن ما يتحققش الا بعد سنين و اليورو يصعد لاكتر من 1.5 و بعديييييييين يرجع ينزل على مدار سنين انت بقا هتفضل طول السنين دي بتحاول تبيع اليورو عشان عارف ان البنك المركزي بيقول العملة هتضرنا لو ارتفعت ، نفس الشيء لما ترامب طلع انبارح وقال انا عايز اشوف الدولار قوي في نهاية المطاف ، انا اقسم بالله ضحكت ، وفي نفس الوقت زعلت على كل الناس الي مصدقة الكلام ده عشان اولا نهاية المطاف يعني ممكن تكون سنين و ترامب ياما قال كلام وكله كلام ، بس انبارح وقت الكلام الدولار عمل حركة في السوق الي هو بيقنع الناس بشكل مش طبيعي و خطة غريبة من البنوك انها توقع كل المضاربين ده لو كانت البنوك هي الي ماسكة الاسعار يعني ، زرع الفكرة في ادمغة اغلب المضاربين ان الدولار هيكون قوي و كله يشتري الدولار انبارح وانهرده و هيخسروا ، لان في حقائق لازم ناخد بيها و نعرف ان الناس دي مش بتحاول تساعدك ابدا لان خسارتك مكسب ليهم و في تعارض في المصالح طول الوقت ، الحقيقة ان الدولار ضعيف طول ما الشارتات في نزيف و الاخبار سيئة و اليورو قوي و سيظل قوي طول ما اخباره ايجابية وهو في ترند صاعد على الشارت ، لما نلاقي الدولار ظهرله ترند صاعد على الشارت واضح و صريح و اليورو بقا نازل بشموع كبيرة و زخم و تصحيحات وقمم اقل من قمم ساعتها مقدرش اقلك غير انك تشتري الدولار لان احنا مضاربين عايزين نكسب سواء كنا هنشتري دولار ولا يورو ولا قهوة ولا قمح المهم فيها شروط متحققة وواضحة ، لكن مش كل ما يعمل ديل شمعة يومي ولا شمعة هابطة تربط كل حاجة ببعض و تبيع ؟ ماهو بقاله شهور بيصعد و في كل صعود كان في خدع كتير و شموع شهاب و شموع بديول كبيرة و كله غلط ، البرايس اكشن ان لم يكن مع الاتجاه العام فلا تعتمد عليه في الدخول و دايما انظر للفريم الاكبر ، و اليورو دولار من وجهة نظري اليوم طالع يعمل قمة جديدة ، وانتبه ان كلامي ممكن هو كمان يزرع في دماغك فكرة و اكون غلطان فكر انت بنفسك و ادخل بناء على وجهة نظرك وخليك مع الاتجاه و ادخل من منطقة قوي بستوب قليل لو اتغير الاتجاه اليومي هتخسر صفقة اتنين ولا 10 صفقات بستوب قليل بس لما تمسك الترند الجديد و تستمر معاه هتلاقي انه عوضك 10 اضعاف ما خسرت ، انا حبيت اوضح بعض الحاجات الي شفتها كتير في السوق و بتكرر و الناس ما زالت اكيد بتقع فيها ،، موفقين جميعا ان شاء الله