هل من الممكن الاعتماد على الفوركس كمصدر دخل فقط ؟ سؤال و إجابته

[o123]

هل من الممكن الاعتماد على الفوركس كمصدر دخل فقط ؟
السؤال دة يا اما خطر فى بال ناس كتير يا اما واحد لسه جديد بيساله لنفسه هل فعلا ممكن يكون الفوركس وشغلى من خلال التداول اقدر اعتمد عليه بدون الحاجة الى وظيفة مساعدة او مشروع اخر او اى شئ يسند معاه و هل ممكن يكون طوق النجاه ليه من الظروف المحيطة ليه وفرص العمل الا تقريبا شبه مش موجودة ؟

عشان اكون صريح معاك الاجابة على السؤال دة صعبه و بكل تاكيد هتختلف من شخص الى اخر وعلى حسب التزاماته المعيشية بمعنى اخر ظروف الشخص الا عنده عائلة مختلفة لشخص غير مسؤل الا عن نفسه بس ياعنى لو فرضنا الشخص الا عنده عائلة احتياجاته الشهرية 1000 دولار لاسرة مكونة من اربع افراد فى حين ان لو شخص لوحده نقول هيحتاج مثلا 200 دولار اذا المعادلة هنا مختلفة كليا ( احفظلى الرقمين دول فى دماغك عشان هنجلهم فى الاخر )

لازم نفهم ان السوق او العمل فى اى مشروع حر ليه سلبياته وايجابياته يمكن بعتبر ان الشغل الحر خطورته اكبر بكتير من انك تكون موظف لان الحر ممكن تشتغل طول الشهر او الشهرين ومتلاقيش عائد سريع على عكس الموظف الا ممكن يكون عنده دخل ثابت كل شهر واجازات وعطلات مرضية ورسمية لكن الحر مفيش الكلام دة انت ملزم تتشغل ليل ونهار ويعالم ايه النتايج انتا بتسعى وربك بيوفق

نرجع لسؤالنا الاساسى ان هل ممكن يكون الفوركس مصدر دخل ثابت ؟ عشان نكون اكثر دقة مفيس حاجة اسمها دخل ثابت فى شغلتنا ممكن تتشغل شهر و تكون ارباحك كويسة وممكن تشتغل الشهر الا بعده ومتحققش ارباح بل ممكن تخسر جزء من راس مالك او كله لقدر الله

طيب لو فرضنا انى اخدت القرار وغامرت وانى خلاص هعتمد على ان الفوركس مصدر دخل اساسى السؤال الا بيفرض نفسه

راس مالك قد ايه عشان تقدر توقف على رجلك وتحقق عائد مناسب ليك ؟

اوعى تكون فاكر ان البونص المجانى الا خدته او الا انتا بدور عليه ده هيحقق ليك مصدر دخل !! عشان كدة انتا بضيع وقتك وانصحك تشوف حاجة تانية تفيدك حتى لو مش هدر عليك عائد زى كورس تعليمى مثلا فى البرمجة ولا الجرافيك ولا الانيمشن

اى مشروع فى الدنيا عاوز راس مال اى كان هو ايه دة انتا لو هتبيع اقلام ومناديل فى الاتوبيسات عاوز راس مال ( يمكن دة غريب فى بعض الدول لكن عندنا فى مصر والناس الا بتجرى على اكل عيشها بتعمل كدة عشان تصرف على عائلتهم )

انا فعلا معايا راس مال وممكن ابتدى بيه ؟ كلام جميل اوى وبداية كويسة جدا وممكن نغوص فى الموضوع اكتر هل بقى حسبت العائد والارباح الا هتعود عليك من راس المال الا هتبدا بيه ... !!!

هنفترض سيناريو ان راس 250 دولار مثلا الا نقدر نقول المتوسط الا الشخص العادى ممكن يوفرهم بعد مايطلع عينه فى اى شغلانه 6 شهور
تعالى بقى نحسب الكلام دة مع بعض عشان نجاوب على السؤال بطريقة عملية
راس المال 250 دولار
العائد المتوقع ( لو انتا حريف ياعنى ولعيب فوركس من زمان ) 10 %
بحسبة بسيطة بقى 250*10% = 25 دولار شهريا
هل 25 دولار تكفى احتياجاتك الشهرية والتزامتك !!!
الاجابة : خليها فى سرك
س: ما انا ممكن احقق اكتر من كدة ؟
ج : ايه الاثبات على كلامك
س:ما هو فى ناس بتحقق 50 و 70 % فى شهر
ج : بيضحكوا عليك ومفيش الكلام دة ولو فى خليه يقدملك الدليل على كلامه ( فى مجالنا 90 % من الا بتشوفه فنكوش و 10 % حقيقة ) ودة النسبة الواقعية للناس الا شغالة فوركس وبتحقق عائد عشان عندها خطه بتشتغل بيها عشان كدة بيتردد دايما ان 90 % من الا شغالين فوركس بيخسروا

انا كدة جالى احباط !!!
يجيلك احباط احسن ما الفلوس الا انتا تعبان فيها تضيع وترجع تقول الفوركس دة كله نصب فى نصب و و تعمل صوان عزاء على الفيسبوك

" رحم الله امرئ عرف قدر نفسه "
"ولا يكلف الله نفسا الا وسعها "

وصلت المعلومة

[ehabbob]

السلام عليكم ورحمة الله وبركاته
اخى العضو الكريم موضوع رائع ففى راى ارى انا الفوركس على يعتبر دخل اساسى يعتمد عليه فى راى هو يعتبر دخل اضافى لان الفوركس متغير وغير مضمون وغير ثابت ويمكن حركه سوق عنيفه تمرجن الحساب وايضا افضل ان يكون راس مال المتداول بيه يكون زياده عن احتياجاتك
والله ولى التوفيق

[noureddineelachabi]

ليس فقط كمصدر دخل ممكن ان تصل به التراء وتكوين تروة كبيرة جدا شرط اخد الامر محمل الجد والتعلم وبناء قاعدة اساسية للسوق

[hady sayed]

بسم الله الرحمن الرحيم مشكور اخي على هذا الموضوع المهم بالفعل اخي من الممكن أن يكون الفوركس الربح الخاص
ا العمل الدائم الذي نقوم بة ونتقاضي راتب شهري منة ولاكن لابد الالتزام با القواعد والقوانين
وتتعامل معة بحرص على انة عمل قوي لابد الالتزام بة اتمنى التوفيق للجميع باذن الله تعالى

[mohamed kamal fadel]

لا مكن باى حال من الاحوال ان يكون مصدر رزقك الاساسى لو كان عمل بدون مخاطرة كنا قلنا تمام
انما العمل بالفوركس هو برح وخسارة وبصراحة غير مضمون

[alaa50]

ممكن الاعتماد على الفوركس كمصدر دخل لكن منتوقعش يكون مصدر دخل ثابت
يعنى تعامل معاه زى اى مشروع تجارى الربح حسب السوق ووضعه
بالتالى محتاج تحتفظ بمبلغ فى وقت الارباح الجيده عشان تعتمد عليه فى الوقت اللى مش هيكون فيه فرص كويسه فى السوق ولا ربح

[aym]

الاعتماد على الفوركس كمصدر دخل رائيسي فى بداية العمل فى الفوركس اولا يجب التعلم الجيد ومعرفة كل شي عن التداول بطريقة صحيحة واختيار اهم الاو قات فى الدخول

[عمر 12222]

للاسف مينفعش نتمد ع الفوركس كمصدر دخل اساسي لا ف البدايه بتاعته ولا حتي لو اصبحت محترف لان ببساطه الفوركس ملوش امان ولا له كبير يعني انته معرض للخساره اكتر مانته معرض للربح
يعني يعتبر عمل اضاففي وليس عمل اساسي يمكن الاعتماد عليه كمصدر دخل اساسي وشكرا جويلا

[mohamed kamal fadel]

السلام عليكم ورحمة الله وبركاته
لا يوجد شئ فى الفوركس اسمه دخل ثابت الفوركس يعتمد على المكسب والخسارة ويمكن يكون الخسارة اكتر
الاجتهاد مطلوب فى هدا المجال لكنه ليس اامن لان يكون مصدر رزق اساسى

[algendy]

تحية طيبة و بعد , يا أخى الكريم الارباح من تجارة الفوركس تراكمية بمعنى انك تربح ثم تزيد حجم الصفقة تدريجيا و حتى تصل الى حد يمكنك من السحب من الرصيد و فى نفس الوقت تترك فى الحساب ما يمكنك من تحمل الخسائر المحتملة فى الصفقات و ساعتها يمكن اعتبار الفوركس مصدر رزق يمكن العيش به

[zndo910]

بالطبع هذه ليست الإستراتيجيات الوحيدة التي يمكن للتجار اتباعها. فتجارة الفوركس واسعة جدا وتتأثر بعوامل أخرى عديدة. وإذا أردت أن تكون تاجر ناجح عليك تعلم كل ما تستطيع عن السوق لتطور استراتيجيات وتقنيات عديدة.