lionhmada
07-06-2018, 21:19
بمناسبة ان ناس كتير مسافرين الغردقة فى الصيف .. انصحكم جدا انكم تزورو جراند اكواريوم الغردقة وال يعتبر من اجمل الحاجات ال ممكن تعملها هناك .
المكان عبارة عن متحف مائى مفتوح مليئ بانواع كتيييرة جدا من الاسماك اهمها اسماك القرش المفترسة والضخمة والسمك الضاحك وتمشى فى ممرات زجاج والسمك من فوقك وحواليك فى كل مكان .. حقيقى المكان كبير ونضيف وشيك .
تكت الدخول ب ٢٠٠ ج للفرد واوقات بيكون فى عروض بتبقى ب ١٨٠ ج والاطفال من ٣ الى ١٠ سنوات نصف تكت .
عنوانها طريق القرى فى الغردقة امام قرية مجاويش .. وطبعا انت محتاج معاك عربية مخصوص لان هناك طريق سريع وهى بعيدة شوية عن الغردقة .
الزيارة بتخد من ساعتين ل ٣ ساعات جوا المكان لانه كبير وفيه اكتر من قسم .. زى حديقة حيوانات صغيرة وعندك جسر معلق فى الهوا ونموذج غابات استوائية ونموذج وادى الحيتان .
كمان انصحك تروح قبل الساعة ١١ ص لان بيكون فى كل يوم حفلة هناك فى التوقيت دا فى غطاس بيعمل عرض مع اسماك القرش وبيجمع كل الاسماك فى حوض كبير والناس بتتفرج . المتحف مفتوح يوميا من ٩ ص الى ٦ م
المكان عبارة عن متحف مائى مفتوح مليئ بانواع كتيييرة جدا من الاسماك اهمها اسماك القرش المفترسة والضخمة والسمك الضاحك وتمشى فى ممرات زجاج والسمك من فوقك وحواليك فى كل مكان .. حقيقى المكان كبير ونضيف وشيك .
تكت الدخول ب ٢٠٠ ج للفرد واوقات بيكون فى عروض بتبقى ب ١٨٠ ج والاطفال من ٣ الى ١٠ سنوات نصف تكت .
عنوانها طريق القرى فى الغردقة امام قرية مجاويش .. وطبعا انت محتاج معاك عربية مخصوص لان هناك طريق سريع وهى بعيدة شوية عن الغردقة .
الزيارة بتخد من ساعتين ل ٣ ساعات جوا المكان لانه كبير وفيه اكتر من قسم .. زى حديقة حيوانات صغيرة وعندك جسر معلق فى الهوا ونموذج غابات استوائية ونموذج وادى الحيتان .
كمان انصحك تروح قبل الساعة ١١ ص لان بيكون فى كل يوم حفلة هناك فى التوقيت دا فى غطاس بيعمل عرض مع اسماك القرش وبيجمع كل الاسماك فى حوض كبير والناس بتتفرج . المتحف مفتوح يوميا من ٩ ص الى ٦ م