حاجات معينة مفيش حد هيقولك عليها لو انت داخل المجال جديد

[o123]

فيه حاجات معينة مفيش حد هيقولك عليها لو انت داخل المجال جديد ،، كله هيركز على كلامه معاك عن الربح و الخسارة و استراتيجيات التداول و ما الى ذلك
لكن محدش هيقولك ان الشغل دا هيسببلك :
- توتر بصفة مستمرة
- قلة فى عدد ساعات النوم ، او نوم متقطع باستمرار
- احساسك بالوقت هيبقى معدوم
- صحتك هتتاثر ، نظرك ، مستوى ضغط الدم ، الم فى الضهر الخ الخ الخ
- انعزالية ( و تدريجيا هتبقى مرتاح كدا )
- ضغط نفسى و عصبى فى اى وقت هتكون بتتداول فيه .. حتى لو كنت كسبان !
- تدهور علاقتك ب اسرتك و عيلتك و اصحابك ( لانك معظم الوقت مركز فى المجال و بس )

الكلام دا ينطبق على كل مجالات التداول بما فيها الاسهم و الفوركس و العملات الرقمية ، عن تجربة و خبرة .

ممكن نضيف عليهم ؛
- استمتاع رهيب بالمتاجرة و التداول ممكن يوصل لحد الادمان
- انك تنام تحلم ل صفقات و مرة تضرب مارجن ف الحلم و مرة تحلم انك شارى الدهب و نط ٢٠٠٠ نقطة و بقيت مليونير ..
ف الحلم برضو ، اصحى يا بابا انت كنت نايم و بتحلم و دى كلها احلام ... السوق هينطلك ف احلامك
- هتشوف كل حاجه عبارة عن شارت و شموع .. العمارات فى الشارع هتبقى عبارة عن شارت ..
و مش بعيد تشوف برج القاهرة نموذج فنى عادى جدا ..انت طبيعى متقلقش ، بس دخلت المجال
- هتهتم اكتر باخبار العالم و الاقتصاد و السياسة و هتحس ان هى دى الحياة و ان المفروض الناس كلها تعمل كدا
لدرجة انك هتفتكر ان اى واحد مش مهتم بالحاجات دى تافه و شخص مش ذو اهمية
و هتحس نفسك فجاءة بقيت وارين بافت ، و لو متعرفش مين وارين بافت يبقى انت مش متابع اى حاجه من ال قولتها فوق باهتمام
الناس فى الفوركس مفيش اكتر منهم
فيه ال عامل خير و فيه ال خبير بالفعل
فيه ال فاهم كويس اوى و فيه ال بيفتى و بيقول اى كلام
انت مش لازم تتابع ٥٠ محلل علشان تعرف و تفهم السوق ، لو محتاج تاابع فعلا اختار ٢ او ٣ بس يكونو بيفهمو بجد و تابعهم علشان متعكلش لنفسك تشتييت
هتتابع ناس كتير هتلاقى نفسك ادام توصية من خبير بيشترى الدهب و تحليل من " خبير " تانى بيبيعه و من نفس النقطة ، و انت هتوه منهم فى النص ..
اختار كويس اوى تتابع مين و قيم الناس ال بتابعهم كل فترة و فلترهم

مش لازم تبقى فاهم فى ٥٠ نوع تحليل ، يكفى تركز على نوع او نوعين و تدوس فيهم اوى و تتقنهم و هتكسب منهم صدقنى

اهتم بتحليل الاخبار مع الفنى
اهتم بتحليل الاخبار مع الفنى
بس كدا ..
دمتم رابحين فى سوق الفوركس ..

[doaa sary]

طيب مش عايزين نخوف الناس اخى الكريم بكل السلبيات دى لان الفوركس فى كمان مميزات هو اة ممكن نتعب شوية فى التداوال والمتابعه لاكن ببساطة بنلاقى مقابل مادى كبير على تعبنا دة وصبرنا وممكن نكسب اضعاف راس مالنا
بالنسبة للوقت والنوم فا انا بنام عادى لان ببساطة مبسيبش اى صفقه تبات وبقفل كل الصفقات على 5 مساءا وبفضل الاهداف القصيرة يعنى 5نقط بخرج بعد دقايق من الصفقه بايدنا نتحكم فى السلبيات كلها وكمان نحدد عدد ساعات العمل مش شرط نفضل 24ساعه امام الشارت

[Sofien]

سلام عليكم ورحمة الله وبركاته ، هههههه موضوع ضريف للغاية وتقريباً كل ما هو مذكور فيه قد مررت به في أول تجريبي في الفوركس

وخصوصاً الأحلام ههههه حيث مرة بحلم إنو الحساب خلاص تمرجن من صفقة واحدة ومرة بحلم اني كسبان الاف الدولار في ثوان معدودة

ولكن كل هذا مرحلة وتعدي وبعد ذلك يصبح المتاجر مركز وموازين في وقته ما بين تعلم الفوركس والعمل وقضاء بعض الوقت بين الناس الذي يحبهم