PDA

View Full Version : لمحة سريعة عن نظام المارجن



bilalmax
12-27-2019, 17:27
نبي نعرف شنو المارجن او اللى نسميه الهامش
هذا نظام متعامل فيه وفيه من اهل العلم من أجازه وفيه من حرمه
النظام هذا معمول فيه بكذا شغله ومن هالشغلات على سبيل المثال الفوركس او المتعارف عليه العملات
انت اذا بتدش سوق العملات يجب ان يكون لك وسيط وهالوسيط من الأساسيات التى يجب ان يوفرها لك هو المارجن او الهامش
والمارجن هو المبلغ المستقطع من حسابك كتأمين يعني انت عندك حساب فيه نفرض 10 الاف دولار وتبي تفتح صفقه شراء لليورو اهنيه الصفقه تكلفتها فعلي 100 الف دولار
فالوسيط ياخذ منك او بالاصح يحجز على الف دولار من حسابك كتأمين للصفقه المفتوحه لليورو ويقوم بتغطيه التامين الفعلي ويزيد على الالف مالتك 99 الف فيصبح مبلغ التامين كامل وهالشي مو معناته انك تقدر تصرف بالـ99 الف لا تأكد انك ماراح اطول منهم سنت واحد
لان بحاله بدايه الخساره راح تخسر من الالف المحجوز عليه من حسابك الفعلي اللى هو كتامين للعقد المفتوح لليورو ومثل ماقلنا اذا بدت الخساره راح تبدأ بالرصيد المتاح تحتها
اللى هو الباقي من حسابك الفعلي عندك 10 تامين الف باجي تسعه
راح تاكل منهم الخساره ولو فرضا مشت الخساره لغايه ماخلصت الـ9 الاف دولار
راح تكمل على مبلغ التأمين الالف وفيه نقطه يكون الوسيط حاطها تكون فيها افلاسك ويحق له ان يسكر عقدك وياخذ عمولته منك وتطلع لا طالب ولا مطلوب
لان الوسيط تامينه اللى حطه لك لا يمكن ان توصله الخساره بأي حال من الاحوال
يعني الحين عرفنا ان بألف دولار تقدر تشتغل بـ100 الف دولار
يعني تخيل واحد يقولك انا ادش وياك البورصه انت ادفع الف دينار وانا اعطيك 99 الف دينار واشتغل براحتك لكن من نخسر الألف دينار مالتك نوقف شغل ونطلع ال99 الف دينار مالتي واخذها وانت ماتشوف شر
وبحاله الارباح مو مشكله نكمل بالالف مالتك وبالارباح

صراحه عرض مغري جدا جدا جدا الف دينار بالبورصه ماتسويلي شي لكن لو عندي 100 الف دينار تسوي بلاوي
يعني لو عندك 10 الاف دينار الوسيط راح يخليك تشتغل بمليون دينار!
تخيل ادبر 10 الاف دينار وشخص يقولك انا اكملهم لك 990 الف دينار واشتغل كثر ماتقدر
يعني بالعشر الاف دينار اشتري سلعه قيمتها الفعليه بمليون دينار وانتظر ترتفع وتصير بمليون واميه الف اقوم وارد 990 الف للوسيط واطلع بالباجي ربح حلال زلال على

زين شلون بحاله الخساره هم نفس الحسبه يعني بالعشر الاف دينار اشتري شغله بمليون دينار وانطر لكن هالمره السعر بدأ ينزل من يصير سعرها 990 الف دينار اهنيه الوسيط يبيعها لك بخساره ويسلم على فلوسه
وطبعا فيه انظمه تحكم المارجن الوسيط مايقدر يبيع اذا قعدت ادعم المبلغ بحاله خسارتك لكن مو هذا موضوعنا
مثل ماقلنا الالف يخليك تشتغل كشغل 100 الف وال10 الاف يخليك تشتغل بمليـــون
اهنيه لاحظ وجه التشابه بين طاولتنا (الروليت) والمارجن
الحين عندي 10 الاف وهالعشره لو اقول لأي شخص اعطيك عشره وابي منك شهريا 50 دينار مع حفظ راس المال بحصل مليون شخص يرضى
لكن لو اقول لشخص هاك عشره وابي منك عشرين الف شهريا مع حفظ راس المال
احتمال احصل شخص يرضى لكن الاحتمال الأكبر ان هالشخص نصاب

طبعا من اساسيات نظام المارجن اتفق اغلب الخبراء ان انسب طريقه لتفادي الخساره
ان يكون التعامل مع السوق بـ5 بالميه من راس المال وفيه ناس قالت بـ10 بالميه وانا صراحه من الناس اللى مقتنع بالـ5 بالميه
طبعا اضافه للأساسيات هذي توجد اساسيات ثانيه كثيره كالستوب لوز وقف الخساره
ايجاد مناطق دخول قويه ... الخ
لكن مانبي نشتت الموضوع
طيب لو افترضنا ان فيه شخصين وكل واحد عطيناه 10 الاف دولار وقلنا لهم تاجروا بنظام المارجن ونبي نشوفكم عقب شهر
وكل واحد حر بتصرفه شنو يشوف صح يسويه
وخلنا نسمي الشخص بو خمسه بالاميه الخواف والشخص اللى مايهمه شي الدفش

الدفش والخواف حصلوا فرصه انهم يبيعون اليورو على سعر 13600
واتفقوا على هالنقطه انها منطقه بيع
قام الدفش وباع بكل رصيده 10 الاف دولار يعني فتح عشر عقود بيع
والخواف باع بالـ5 بالميه من الـ10 الاف دولار يعني استقطع بس 500 دولار وباع
واثنينهم من هالرقم باعوا 13600
وبدأ اليورو بالنزول ووصل 13500 يعني نزل 100 نقطه
الدفش صار وياه ربح 100 ضرب عشره دولار من عشر عقود = 10 الاف دولار
يعني الدفش دوبل راس ماله يمكن بساعه
الخواف نتيجته كالتالي
ربح 100 نقطه ضرب 5 دولار من عقد = 500 دولار
يعني الخواف حقق 5 بالميه من راس ماله يمكن بساعه
دفشنا حقق 100% من راس ماله بساعه والخواف نفس الوقت حقق 5%
لو أنت مكان الدفش بتحس بالفخر وبتقول للخواف ياأخي حرام عليك فرصه ماتعوض وداش فيها بنص عقد (اللى هو 5 بالميه من راس ماله)
انا دوبلت حسابي بساعه وانت مطلع 500 دولار
طبعا هالشي يصير حتى من غير مقارنه انت لو تشوف السعر مشى وياك بتقول اخخخخخ لو زايد الجيله جان الأرباح مو طبيعيه
لكن خلونا بالمقارنه
اهنيه يحوشه نفس ماحاش صاحبنا ابو الروليت وترا النفس البشريه طماعه
والايات والأحاديث خير دليل
فراح يزيد حجم مخاطرته نفس صاحب الروليت اللى مااقتنع باللعب الفرصتين ياأحمر ياأسود ومنها يدول المبلغ
راح ولعب على الـ36 رقم يبي الـ36 ضعف
اهنيه يحس انه لو داش بالمبلغ كله الـ10 دولار ومشت وياه راح يسوي انجاز بنوك ماتقدر تسويه هالانجاز
يعني تخيلوا لو بنك عنده رصيد مكدس ومو عارف شلون يشغله وجيتهم انت وقلت لهم انا اقدر بالرصيد هذا احقق لكم ربح يتجاوز الـ30 بالميه خلال سنه
واقتنعوا بمشروعك انا ماأستبعد انهم يعينونك مستشار بالبنك بسبب عقليتك الفذه
فما بالك انت مسوي 5 بالميه من راس مالك خلال ساعه او يوم ومو عاجبك!
يمكن اللى مو عارف هالسوق يقول يامعود اقسم بالله لو انا اطلع 5 بالميه من راس مالي
والله اسبوع ماأشتغل
اقوله كان غيرك أشطر ياما اشخاص لما عرفوا هالسوق وانصدموا فيه حلفوا انهم يقتنعون واخرتها تفليسه والسبب النفس وطمعها
انا شخصيا اعرف شخص وفهمته على السوق من كثر حنته على لانه كان يشوفني على الجهاز من فتره لفتره وسألني عن هالسوق فقلت له
من فهم الخطوط العريضه صار نفس مرعوب بالاقدار
قال والله يافلان فيه سوق بهالطريقه قلت اي فيه لكن منو يتنع بالربح؟
قال قسما بالله انا اقتنع وانا وانا وانا وعطاني من الحجي اللى ياما سمعناه وانا متأكد ان محد يقدر يطبقه
فقرر وقال انا بدش بـ10 الاف دولار ولو كل يوم اطلع 50 دولار يعني تقريبا بالشهر بطلع الف و500 دولار !!
هذي نعمه مابعدها نعمه ومن الحجي الماخوذ خيره
قلت له حياك بهالسوق ودش السوق
واشتغل صح يخسر عشرين دولار ويربح ستين ويخسر 25 دولار ويربح 70
يعني تخيلوا خساره عشرين دولار من 10 الاف دولار ولا شي ولا تأثر بالنفسيه
لكن عقب مافهم السوق وشاف ان ربح الـ80 دولار كان يقدر يسويهم 800 دولار بنفس الوقت بس اللهم يزيد مبلغ التامين حبتين
اهنيه بدت رحله ضياع الحساب
تخيلوا خساره الف دولار بساعه يعني عشره بالميه من راس المال تعتبر موجعه
وهم ربح الف دولار بساعه بالنسبه للعشره الاف راس مال تعتبر مفرحه

algendy
12-27-2019, 21:51
السلام عليكم و رحمة الله ،
يا أخى الكريم انا لا افهم كثيرا فى الامور الدينية الخاصة بالمعاملات المالية و لكنى ارى شركات الفوركس تدخل مع المتداول فى الصفقة بمالها فى صورة رافعة مالية و اذا ربح المتداول يكون للشركة نصيب من الربح و بالتالى هذا قد لا يدخل فى باب الربا المحرم