najme
01-26-2020, 18:23
لو أفترضنا إن حضرتك عايش على جزيرة، وإن الجزيرة ده كل الاقتصاد بتاعها عبارة عن شركتين فقط:
الأولى: بتعمل مظلات بتقي من الأمطار.
والتانية: بتعمل كريمات الوقاية من الشمس.
فلو أنت بتستثمر كل أموالك في الشركة بتاعت المظلات، فأداء الشركة هيكون قوي جدًا في موسم هطول الأمطار، ولكن في موسم وجود الشمس هيكون أداء الشركة ضعيف جدًا، وفيه احتمال أن الغيوم تكسو السماء في موسم وجود الشمس وبالتالي الأداء هيكون متذبذب برضه. والعكس صحيح مع الشركة التانية أو الاستثمار البديل التاني... ده أشهر مثال للتنوع.
وهنا بيكون أفضل خيار أنك تضمن عوائد ثابتة مستقرة طوال العام. وده بيكون من خلال استثمار 50% من الأموال في الشركة الأولى و50% في الشركة التانية. وبالتالي هتحصل على أداء لائق على مدار السنة، بدلًا من وجود الأداء الكبير في موسم والضعيف في آخر.
فيه 3 حاجات ممكن تضمنلك تنوع فعال للاستثمارات:
1- إنك توزع أموالك بين وسائل إستثمارية مختلفة زي الأسهم والسندات والعقار والذهب وأي صندوق استثماري ناجح/حد ثقة تدخل معاه (ثقة في أمانته وعلمه وقدرته على إدارة المال، ملهاش علاقة بالقرابة أو الصحوبية).
2- التنوع مش معناه أنك تدور على الاستثمار الآمن أو قليل المخاطرة، ولكنه بيعني تنوع مستويات المخاطر برضه، وإن كان الدرجات الأعلى من المخاطرة بتكون بنسب محدودة في البداية.
3- التنوع برضه يعني توزيع الأموال على مجالات صناعية وزراعية وخدمية، وفيه مجالات بتجمع بين اكتر من حاجة.
تنويع الاستثمارات مش ضمانة ضد الخسارة، ولكنه بيساعدك تحقق أهدافك المالية بعيدة المدى وبيقلل المخاطر، وفي جميع الأحوال أي استثمار يحتوى على نسبة من المخاطر سواء كبرت أو صغرت.
الأولى: بتعمل مظلات بتقي من الأمطار.
والتانية: بتعمل كريمات الوقاية من الشمس.
فلو أنت بتستثمر كل أموالك في الشركة بتاعت المظلات، فأداء الشركة هيكون قوي جدًا في موسم هطول الأمطار، ولكن في موسم وجود الشمس هيكون أداء الشركة ضعيف جدًا، وفيه احتمال أن الغيوم تكسو السماء في موسم وجود الشمس وبالتالي الأداء هيكون متذبذب برضه. والعكس صحيح مع الشركة التانية أو الاستثمار البديل التاني... ده أشهر مثال للتنوع.
وهنا بيكون أفضل خيار أنك تضمن عوائد ثابتة مستقرة طوال العام. وده بيكون من خلال استثمار 50% من الأموال في الشركة الأولى و50% في الشركة التانية. وبالتالي هتحصل على أداء لائق على مدار السنة، بدلًا من وجود الأداء الكبير في موسم والضعيف في آخر.
فيه 3 حاجات ممكن تضمنلك تنوع فعال للاستثمارات:
1- إنك توزع أموالك بين وسائل إستثمارية مختلفة زي الأسهم والسندات والعقار والذهب وأي صندوق استثماري ناجح/حد ثقة تدخل معاه (ثقة في أمانته وعلمه وقدرته على إدارة المال، ملهاش علاقة بالقرابة أو الصحوبية).
2- التنوع مش معناه أنك تدور على الاستثمار الآمن أو قليل المخاطرة، ولكنه بيعني تنوع مستويات المخاطر برضه، وإن كان الدرجات الأعلى من المخاطرة بتكون بنسب محدودة في البداية.
3- التنوع برضه يعني توزيع الأموال على مجالات صناعية وزراعية وخدمية، وفيه مجالات بتجمع بين اكتر من حاجة.
تنويع الاستثمارات مش ضمانة ضد الخسارة، ولكنه بيساعدك تحقق أهدافك المالية بعيدة المدى وبيقلل المخاطر، وفي جميع الأحوال أي استثمار يحتوى على نسبة من المخاطر سواء كبرت أو صغرت.